Odisha Janamata : ଭୁବନେଶ୍ୱର ରେଲୱେ ଷ୍ଟେସନ ରେ ନିଶା କାରବାର ରୋକିବାକୁ ଏସଟିଏଫ ବିଭାଗ ର ଚଢ଼ାଉ |

ଭୁବନେଶ୍ୱର ରେଲୱେ ଷ୍ଟେସନ ରେ ନିଶା କାରବାର ରୋକିବାକୁ ଏସଟିଏଫ ବିଭାଗ ର ଚଢ଼ାଉ |

29-Nov-2025

ନିଶାକାରବାର ରୋକିବାକୁ ଭୁବନେଶ୍ୱର ରେଳ ଷ୍ଟେସନ ରେ ଏସଟିଏଫ ଚଢ଼ାଉ,

ଓଡିଶା ଜନ ମତ ବ୍ୟୁରୋ,

ନିଶା ବେପାରୀ ଓ ମାଫିଆ ମାନେ ନିଶା କାରବାର ସୁଦୃଢ଼ କରିବା ପାଇଁ ସବୁକିଛି କରି ପାରନ୍ତି | ସେ କାହାକୁ ମାରିବା କୁ ହେଉ ତ କିଛି ଅଘଟଣ ସୃଷ୍ଟି କରି | କେତେବେଳେ ରାଜପଥ ଦେଇ ତ କେତେବେଳେ ରେଳ ମାଧ୍ଯମରେ ଓଡ଼ିଶାରୁ ଗଞ୍ଜେଇ ରାଜ୍ୟ ବାହାରକୁ ଚାଲାଣ ହେଉଛି। ପୁଣି କେତେବେଳେ ବାହାରୁ ଓଡ଼ିଶାକୁ ବ୍ରାଉନ୍‌ ସୁଗାର ଆସୁଛି। ନିଶା କାରବାର ଉପରେ ରୋକ ଲଗାଇବା ସହ ନିଶା ମାଫିଆଙ୍କୁ ସାବାଡ଼ ପାଇ ଏସ୍‌ଟିଏଫ୍ ଅଣ୍ଟା ଭିଡ଼ିଛି। ତେଣୁ ଆଜି ଏସ୍‌ଟିଏଫ୍ ଏସ୍‌ପିଙ୍କ ନେତୃତ୍ବରେ ଏକ ଟିମ୍ ଅତର୍କିତ ଭାବେ ଭୁବନେଶ୍ଵର ରେଳଷ୍ଟେସନ୍‌ରେ ଚଢ଼ାଉ କରିଥିଲା। ଡଗ୍ ସ୍ପାଡ୍‌କୁ ନେଇ ଏସ୍‌ଟିଏଫ୍
ଟିମ୍ ତନ୍ନ, ତନ୍ନ କରି ଷ୍ଟେସନ୍‌ର ବିଭିନ୍ନ ଅଞ୍ଚଳ ସହ ରେଳ ବଗିକୁ ଯାଞ୍ଚ କରିଥିଲା। ପୂର୍ବରୁ ଅନେକ ସମୟରେ ନିଶାମାଫିଆ ଟ୍ରେନ୍ ମାଧ୍ଯମରେ ଗଞ୍ଜେଇ ଚାଲାଣ କରୁଥିବାରୁ ଏଭଳି ଅଚାନକ ଚଢ଼ଉ କରାଯାଇଥିଲା। ତେବେ ଆଗକୁ ସାରା ଓଡ଼ିଶାରେ ଏଭଳି ଚଢ଼ଉ କରାଯିବ ବୋଲି ଏସ୍‌ଟିଏଫ୍ ପକ୍ଷରୁ କୁହାଯାଇଛି।