Odisha Janamata : ଏସ ଆଇ ଆର ଓ ଭୋଟ ଚୋରୀ ଉପରେ ଦିଲ୍ଲୀରେ କଂଗ୍ରେସ ର ବିଶାଳ ରାଲି ଅନୁଷ୍ଠିତ ||

ଏସ ଆଇ ଆର ଓ ଭୋଟ ଚୋରୀ ଉପରେ ଦିଲ୍ଲୀରେ କଂଗ୍ରେସ ର ବିଶାଳ ରାଲି ଅନୁଷ୍ଠିତ ||

15-Dec-2025

ଦିଲ୍ଲୀରେ କଂଗ୍ରେସର ରଣହୁଙ୍କାର, ମୁଖ୍ୟ ପ୍ରସଙ୍ଗ ଏସ ଆଇ ଆର ଓ ଭୋଟ ଚୋରୀ,

ଓଡିଶା ଜନ ମତ ବ୍ୟୁରୋ,

ବର୍ତ୍ତମାନ ଦେଶ ର ରାଜଧାନୀ ଦିଲ୍ଲୀ ରେ କଂଗ୍ରେସ ର ନେତା ମାନଙ୍କ ଗହଳି ଲାଗିଛି | ସେମାନେ ସ୍ଵତନ୍ତ୍ର ଭୋଟ ସଂଶୋଧନ(ଏସ୍‌ଆଇଆର) ଓ ଭୋଟ ଚୋରି ପ୍ରସଙ୍ଗରେ ରାଜଧାନୀ ଦିଲ୍ଲୀର ରାମଲୀଳା ମୈଦାନ ରେବିଶାଳ ରାଲି କରିଛି କଂଗ୍ରେସ । କଂଗ୍ରେସ ନେତା ତଥା ବିରୋଧୀ ଦଳ ନେତା ରାହୁଲ ଗାନ୍ଧୀ, କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ସମେତ ଶହ,ଶହ କର୍ମୀ ଏଥିରେ ସାମିଲ ହୋଇଥିଲେ । ସରକାର ଏବଂ ନିର୍ବାଚନ କମିଶନ ଏକାଠି ହୋଇଥି ବାର ଅଭିଯୋଗ ଆଣି ଆନ୍ଦୋଳନକୁ ଓଲ୍ହାଇଛି କଂଗ୍ରେସ। ଏହି ଆନ୍ଦୋଳନ ଗଣତନ୍ତ୍ର ଏବଂ ନିରପେକ୍ଷ ନିର୍ବାଚନକୁ ସୁରକ୍ଷା ଦେବା ପାଇଁ ହୋଇଥିବା କହିଛନ୍ତି କଂଗ୍ରେସ ମହାସଚିବ କେ.ସି ବେଣୁଗୋପାଳ। ରାଲିକୁ ନେଇ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ କହିଛନ୍ତି ଯେ ସଂସଦରେ ଉତ୍ତର ଦେବା କଥା, କିନ୍ତୁ ସେମାନେ ଆମର ପ୍ରଶ୍ନର ଉତ୍ତର ଦେଇ ନଥିଲେ। ସେମାନେ ନିଜ ମନରୁ ଉତ୍ତର ଦେଇଥିଲେ। ସେମାନେ ସଂସଦରେ ଭୁଲ ସୂଚନା ଦେଇଥିଲେ । ଆମେ ପଚାରିଥିଲୁ ଯେ, କିପରି ଏବଂ କେଉଁ ଉପାୟରେ ଭୋଟ ଚୋରି ହୋଇଛି, ଏବଂ ଚାହୁଲ ଗାନ୍ଧୀ ପ୍ରମାଣ ସହିତ ଏହା ବିଷୟରେ କହିଥିଲେ। ଆଜି କ୍ଷମତାରେ ବସିଥୁବା ଲୋକମାନେ ଲୋକଙ୍କ ଦ୍ୱାରା ନିର୍ବାଚିତ ହୋଇ ନାହାଁନ୍ତି ।
ଅନ୍ୟପକ୍ଷରେ ବିଜେପି ପ୍ରବକ୍ତା ଅମିତ ମାଲବିୟ କହିଛନ୍ତି ରାହୁଲ ଗାନ୍ଧ ଯେବେ ବି ନିର୍ବାଚନ ପରିଣାମ ନିଜ ସପକ୍ଷରେ ନେଇ ପାରନ୍ତି ନାହିଁ ସେବେ ଇଭିଏମ୍ ଉପରେ ପ୍ରଶ୍ନ ଉଠାନ୍ତି ଏବଂ ଭୋଟ ଚୋରି ଅଭିଯୋଗ ଲଗାନ୍ତି ।ହେଲେ ବିଜୟ ମିଳିଲେ ସେହି ପ୍ରକ୍ରିୟାକୁ ସ୍ୱୀକାର କରିନିଅନ୍ତି।ଲୋକତନ୍ତ୍ର ରଚନାତ୍ମକ ଭରସାଉପରେ ଚାଲିପାରିବନାହିଁ | ହାରିବା ପରେ ସିଷ୍ଟମ କୁ ବଦନାମ କରିବା ଜନ ବିଶ୍ୱାସ କୁ ଦୁର୍ବଳ କରିଥାଏ । ବିନା ପ୍ରମାଣରେ ପ୍ରଶ୍ନ ଉଠାଇ ରାଜନୈତିକବିଶ୍ଵସନୀୟତା ଏବଂ ଲୋକତାନ୍ତ୍ରିକନୈତିକତା ଉପରେ ପ୍ରଶ୍ନଉଠାଉଛି । ବିରୋଧୀ
ଆତ୍ମସମୀକ୍ଷା କରି ଦାୟିତ୍ଵ ଏବଂସଂସ୍ଥା ସହିତ ନେତୃତ୍ୱ ଦେଖାଇବା ଜରୁରୀ।