Odisha Janamata : ପୀତବାସ ପଣ୍ଡା ହତ୍ୟା ମାମଲାରେ ବିକ୍ରମ ଙ୍କ ସହ ଆଉ ପାଞ୍ଚ ଜଣଙ୍କ ଜାମିନ ଖାରଜ କଲେ ଏସଡ଼ିଜେ କୋର୍ଟ

ପୀତବାସ ପଣ୍ଡା ହତ୍ୟା ମାମଲାରେ ବିକ୍ରମ ଙ୍କ ସହ ଆଉ ପାଞ୍ଚ ଜଣଙ୍କ ଜାମିନ ଖାରଜ କଲେ ଏସଡ଼ିଜେ କୋର୍ଟ

17-Dec-2025

ଆଇନ ଯିଵି ପୀତବାସ ପଣ୍ଡା ହତ୍ୟାକାଣ୍ଡ ମାମଲା ରେ ପାଞ୍ଚ ଅଭିଯୁକ୍ତ ଙ୍କ ସହ ବିକ୍ରମ ପଣ୍ଡା ଙ୍କ ଜାମିନ ଖାରଜ,

ଓଡିଶା ଜନ ମତ ବ୍ୟୁରୋ,

ବିକ୍ରମଙ୍କ ସହ ପାଞ୍ଚ ଅଭିଯୁକ୍ତଙ୍କ ଜାମିନ ଆବେଦନ ଖାରଜହେଲା କଲେ ଏଡିଜେ କୋର୍ଟ ବିଚାର ପତି | ପୀତବାସ ପଣ୍ଡାଙ୍କ ହତ୍ୟା ମାମଲା ରେ ବିକ୍ରମ ପଣ୍ଡାଙ୍କ ସମେତ ୫ ଅଭିଯୁକ୍ତଙ୍କୁ ଶକ୍ତ ଝଟ୍‌କ ଲାଗିଛି । ପୂର୍ବତନ ବିଧାୟକ ବିକ୍ରମ ପଣ୍ଡା, ପୂର୍ବତନ ମେୟର ଶିବ ଶଙ୍କର ଦାଶ (ପିଣ୍ଡୁ), ଆଇନଜୀବୀ ମଦନ ମୋହନ ଦଳାଇ, ଶୂନ୍ୟଚନ୍ଦ୍ର ଦାସ ଓ ସୁନୀଲ ହୋତାଙ୍କ ଜାମିନ ଆବେଦନ ଖାରଜ ହୋଇଯାଇଛି। ବ୍ରହ୍ମପୁର ସ୍ଵତନ୍ତ୍ର କୋର୍ଟ ତଥା ଏଡିଜେ-୩ କୋର୍ଟ ଆଜି ବେଲ୍‌ ଆବେଦନକୁ ଖାରଜ କରିଛନ୍ତି । କୋର୍ଟ ଗତ ୧୩ ତାରିଖରେ ଶୁଣାଣି ପରେ ରାୟ ସଂରକ୍ଷିତ ରଖୁଥୁଲେ। ସୂଚନାଅନୁଯାୟୀ, ଗତ ୯ ତାରିଖରେ ତଦନ୍ତକାରୀ ଅଧିକାରୀ ବ୍ରହ୍ମପୁର ଟାଉନ୍ ଏସଡିପିଓ ପ୍ରିୟସ୍ ରଞ୍ଜନ ଛୋଟରାୟ ସିଡି(କେସ୍ ଡାଏରୀ) ଦାଖଲ କରିଥିଲେ ।ମାତ୍ର ସେହି ଦିନ ଜାମିନ ଶୁଣାଣି ହୋଇ ପାରିନଥିଲା। ୧୩ ତାରିଖ ଅର୍ଥାତ୍ ଶନିବାର ଶୁଣାଣି ହୋଇଥିଲା। ବିକ୍ରମଙ୍କ ପାଇଁ ହାଇକୋର୍ଟର ବରିଷ୍ଠ ମାନସ ଚାନ୍ଦ, କୈଳାସ ପଣ୍ଡା, କେକେ ବେହେରା, ଦୀପକ ପଟ୍ଟନାୟକ, ଶିବ ନାରାୟଣ ସାହୁ ମାମଲା ପରିଚାଳନା କରିଥିବା ବେଳେ ସହଯୋଗ କରିବାକୁ ୫୦ରୁ ଅଧିକ ଉପସ୍ଥିତ ହୋଇଥିଲେ । ସେପଟେ ସରକାରଙ୍କ ପକ୍ଷରୁ ସ୍ଵତନ୍ତ୍ର ପିପି ଭାବେ ବରିଷ୍ଠ ଆଇ ଆଇନଜୀବୀ କାଳୀ ଶଙ୍କର ମିଶ୍ର ମାମଲା ପରିଚାଳନା କରିଥିଲେ I ଗଞ୍ଜାମ ପିପି ବିଶ୍ୱଜିତ ବରାଳ ତାଙ୍କୁ ସହଯୋଗ କରିଥିଲେ । ବିକ୍ରମଙ୍କ ଜାମିନ ଆବେଦନ କୁ ଦୃଢ଼ ବିରୋଧ କରିଥିଲେ ସରକାରୀ ଓକିଲ । ପୀତବାସଙ୍କୁ ହତ୍ୟା ପରେ ତାଙ୍କ ପରିବାର ଲୋକଙ୍କୁ ହତ୍ୟା ଧମକ ଦିଆଯାଉଛି । ଦୁଇ ଥର ପୋନ୍ କରି ତାଙ୍କୁ ହତ୍ୟା ଧମକ ଦିଆଯାଇଛି । ଏନେଇ ବୈଦ୍ୟନାଥପୁର ଥାନାରେ ଦୁଇଟି ମାମଲା ରୁଜୁ ହୋଇଛି। ଗୋଟିଏ କେସ୍ କାହାକୁ ଅଭିଯୁକ୍ତ ଦର୍ଶାଯାଇ ନଥିବା ବେଳେ ଆଉ ଗୋଟିଏ କେସରେ ବିକ୍ରମଙ୍କ ନାମ ରହିଥୁବା ଜଣାପଡିଛି । ଦୁଇଟି କେସରେ ସମସ୍ତ ରେକର୍ଡ ଶନିବାର ସରକାରୀ ଓକିଲଙ୍କ ଜରିଆରେ ଦାଖଲ କରିଥିଲା ପୁଲିସ। ଏହି ରେକର୍ଡ ଦାଖଲ କରିବା ପରେ ବିକ୍ରମଙ୍କ ଓକିଲ ଏହାର ମଧ୍ୟ ଜବାବ ରଖୁଥିଲେ । ଗିରଫଦାରୀକୁ ନେଇ ଦୁଇ ପକ୍ଷ ଓକିଲଙ୍କ ମଧ୍ୟରେ କଡ଼ା ମୁକାବିଲା ହୋଇଥିଲା । ସେପଟେ ବିକ୍ରମଙ୍କ ଓକିଲ ଦୀପକ କୁମାର ପଟ୍ଟନାୟକ କହିଛନ୍ତି, ପୁଲିସ ଗିରଫ ସମୟରେ କୌଣସି ନିୟମ ମାନି ନାହିଁ । ଗିରଫ ସମୟରେ ତାଙ୍କ ଘର ଲୋକ କିମ୍ବା ସ୍ଥାନୀୟ ଭଦ୍ରବ୍ୟକ୍ତିଙ୍କୁ ନୋଟିସ୍ କରି ନାହିଁ । ପୀତବାସଙ୍କୁ କୁରୁପତି ଭୂୟାଁ ଓ ସହଯୋଗୀ ଚିଣ୍ଟୁ ପ୍ରଧାନ ଗୁଳି କରିଥିଲେ। ଚିଣ୍ଟୁ ପ୍ରଧାନ ବୟାନ ଆଧାରରେ ବିକ୍ରମ କୁମାର ପଣ୍ଡାଙ୍କୁ ଗିରଫ କରାଯାଇଥୁବା ପୁଲିସ ଦର୍ଶାଇଛି । କିନ୍ତୁ ପୁଲିସ ଦେଇଥୁବା ଆରେଷ୍ଟ୍ ମେମୋ ଅନୁସାରେ ବିକ୍ରମଙ୍କ ଗିରଫ ପରେ ଚିଣ୍ଟୁ ଙ୍କୁ ଗିରଫ କରାଯାଇଛି ବୋଲି କୋର୍ଟକୁ ଜଣାଇଥିଲେ। ଶେଷରେ ସ୍ୱତନ୍ତ୍ର କୋର୍ଟ ତଥା ଏଡିଜେ-୩ କୋର୍ଟ ଜାମିନ୍ ଆବେଦନ ରାୟ ଶୁଣାଣି ସଂରକ୍ଷିତ ରଖୁଥୁଲେ। ଆଜି କୋର୍ଟରେ ପୁଣି । ଜାମିନ୍ ଆବେଦନ ରାୟ ଶୁଣାଇଛନ୍ତି କୋର୍ଟ । ସମସ୍ତ ୫ ଅଭିଯୁକ୍ତ ବେଲ୍‌ ଆବେଦନକୁ ଖାରଜ କରିଦେଇଛନ୍ତି। ଯାହା ଫଳରେ ଜେଲ ରୁ ବେଲ ପାଇବା ଆଶା ଏହି ମାନଙ୍କ ବର୍ତ୍ତମାନ ମଉଳି ଯାଇଛି |