Odisha Janamata : ପାରାଦୀପ ବଡ଼ ପଡିଆ ଏକ କୂଅଁ ରେ ପଡ଼ିଥିବା ଷଣ୍ଢ କୁ ଉଦ୍ଧାର କଲେ ଅଗ୍ନିଶମ ବାହିନୀ |

ପାରାଦୀପ ବଡ଼ ପଡିଆ ଏକ କୂଅଁ ରେ ପଡ଼ିଥିବା ଷଣ୍ଢ କୁ ଉଦ୍ଧାର କଲେ ଅଗ୍ନିଶମ ବାହିନୀ |

19-Dec-2025

ଅଗ୍ନିଶମ ବିଭାଗ ଓ ଗ୍ରୀନ ଟ୍ରଷ୍ଟର ଉଦ୍ୟମଯୋଗୁଁ କୁଆଁରୁ ଉଦ୍ଧାର ହେଲା ଷଣ୍ଢ,,

ଓଡିଶା ଜନ ମତ ବ୍ୟୁରୋ,

କୌଣସି କାରଣରୁ ହେଉ କିମ୍ବା ଅସୁସ୍ଥତା ହେଉବୁଲା ପଶୁ ମାନେ ବେଳେ ବେଳେ କୂଅଁ, ଖାତ, କିମ୍ଭା ବାମ୍ଫିରେ ପଡି ଯାଉ ଥିବାର କଥା ଆମେ ଶୁଣୁଛେ | ଏପରି ଏକ ଦୃଶ୍ୟଗୋଚର ହୋଇଛି | ପାରାଦୀପ ଅଞ୍ଚଳରେ | ପାରାଦୀପ ର ମୁଖ୍ୟ ବଡ଼ପଡ଼ିଆ ବଜାର ଅଂଚଳରେ ଥିବା ଏକ କୂଅ ଭିତରେ ଗତକାଲି ଅପରାହ୍ନ ରେ ଗୋଟିଏ ଷଣ୍ଢ ପଡିଯିବା ପରେ ଦୀର୍ଘ ଘଂଟା ପରେ ଉଦ୍ଧାର ହୋଇଛି । ଖବରରୁ ପ୍ରକାଶ ଯେ ବଡ଼ପଡ଼ିଆର ସମସ୍ତ ମାର୍କେଟ ବନ୍ଦ ରହିଥ‌ିବା ଯୋଗୁଁ ଷଣ୍ଢ ଟି ଉଦ୍ଧାର ହେବାରେ ବିଳମ୍ଭଘଟିଥିଲା । ତେବେ ଖବର ପାଇ ବଣିକ ସଂଘର ସାଧାରଣ ସମ୍ପାଦକ ଗୋଲେଖ ସାହୁ, ସଦସ୍ୟ ପ୍ରକାଶ ସାହୁ ଘଟଣା
ସ୍ତଳରେ ପହଂଚି ସମସ୍ତଙ୍କୁ ଯୋଗା ଯୋଗ କରିଥିଲେ । ଖବର ପାଇ ପାରାଦୀପ ବନ୍ଦର ସିଆଇଏସଏଫ ଅଗ୍ନିଶ୍ରମ ବିଭାଗ, ଓଡ୍ରାଫ ଟିମ ଓ ଗ୍ରୀନ ପାରାଦୀପ ଟ୍ରଷ୍ଟ ର ଅଧ୍ଯକ୍ଷରାକେଶ ପଟ୍ଟନାୟକ ଓ ସେମାନଙ୍କ ସଦସ୍ୟା ମାନେ ପହଂଚି ଉଦ୍ଧାର କାର୍ଯ୍ୟ ଆରମ୍ଭକରିଥିଲେ । ଛୋଟ କୂଅ ହେତୁ ଷଣ୍ଢଟି କୁ ଉଦ୍ଧାର କରିବାରେ କଷ୍ଟ ହେବାରୁ ମେସି ନସାହାଯ୍ୟରେ କୂଅର ଉପର ଭାଗ ମେସିନ ଦ୍ବାରା ଭଙ୍ଗାଯାଇ ଦୌଡି଼ ସାହାଯ୍ୟରେ ଶେଷରେ ଷଣ୍ଢ କୁ ଉଦ୍ଧାର କରାଯାଇଥିଲା । ତେବେ ଏହି ମହତ କାର୍ଯ୍ୟରେ ସହଯୋଗ ସିଆଇଏସଏଫ ଅଗ୍ନିଶମ ଓ ଓଡ୍ରାଫ କର୍ମଚାରୀଙ୍କ ସମେତ ସମାଜସେବୀ ରାକେଶ ପଟ୍ଟନାୟକ ଙ୍କୁ ସାଧାରଣରେ ପ୍ରଶଂସା କରାଯାଇଛି । ତେବେ ଦୁର୍ଘଟଣା ପ୍ରତିହତ ପାଇଁ ଏହି କୂଅକୁ ପୋତାଯାଇ ସେଠାରେ ଏକ ନଳକୂପ ଲଗାଯିବାକୁ ସାଧାରଣରେ ଦାବୀ ହେଉଛି । ଶେଷରେ ସମସ୍ତଙ୍କ ସହଯୋଗ ଦ୍ୱାରା ମୃତ୍ୟୁ ମୁଖରେ ପଡ଼ିଥିବା ଷଣ୍ଢ ତି ଉଦ୍ଧାର ହୋଇ ପାରିଲା |