Odisha Janamata : ଏମ୍ବିକେ ଙ୍କୁ ଚାକିରି ରୁ ଛଟେଇ ପ୍ରତିବାଦ ରେ ଛତ୍ରପୁର ବ୍ଳକ ଆଗରେ ମହିଳାଙ୍କ ଆତ୍ମହତ୍ୟା ଚେତାବନୀ |

ଏମ୍ବିକେ ଙ୍କୁ ଚାକିରି ରୁ ଛଟେଇ ପ୍ରତିବାଦ ରେ ଛତ୍ରପୁର ବ୍ଳକ ଆଗରେ ମହିଳାଙ୍କ ଆତ୍ମହତ୍ୟା ଚେତାବନୀ |

09-May-2026

ଏମ୍ବିକେ ଙ୍କୁ ଚାକିରିରୁ ଛଟେଇ ପ୍ରତିବାଦ ରେ ବ୍ଲକସମ୍ମୁଖରେ ଆତ୍ମହତ୍ୟା ଧମକ,

ଓଡିଶା ଜନ ମତ ବ୍ୟୁରୋ,

ଜଣେ ମହିଳାଙ୍କୁ ବିନା କାରଣ ରେ ଚାକିରି ରୁ ଛଟେଇ ପ୍ରତିବାଦ ରେ ମହିଳା ଜଣକ ବ୍ଳକ ସମୁଖ ରେ ଆତ୍ମ ହୂତି ଦେବାପାଇଁ ଚେତାବନୀ ଦେଇଛନ୍ତି ଏପରି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଛତ୍ରପୁର ବ୍ଲକ ବଡ଼ ମାଧପୁର ପଞ୍ଚାୟତ ରେ ଏମବିକେ ଭାବେ କାର୍ଯ୍ୟରତ ମଞ୍ଜୁ ବେହେରାଙ୍କ କ୍ଷେତ୍ରରେ | ବିନା କାରଣରେ କାର୍ଯ୍ୟରୁ ଛଟେଇ କରାଯାଇ ଥିବାରୁ ନ୍ୟାୟ ଲାଗି ଛତ୍ରପୁର ବ୍ଲକ କାର୍ଯ୍ୟାଳୟରେ ଧାରଣାରେ ବସି ରହିଛନ୍ତି। । ଦୀର୍ଘ ୯ ବର୍ଷ ହେଲା ସେ ଉକ୍ତ ପଞ୍ଚାୟତରେ ନିଜ କାର୍ଯ୍ୟ ସଠିକ ଭାବେ ତୁଲାଇ ଆସୁଥିବା ବେଳେ ଗତ ୨ ମାସ ହେଲା ତାଙ୍କ ଠାରୁ ଜିପିଏଲଏଫର ଚାବି ଛଡାଇ ନିଆଯାଇଛି । ଏନେଇ ସେ ବହୁବାର ଛତ୍ରପୁର ଗୋଷ୍ଠୀ ଉନ୍ନୟନ ଅଧିକାରୀ ଓ ବିପିଏମଙ୍କୁ ଜଣାଇଥିଲେ ମଧ୍ଯ କୌଣସି ସୁଫଳ ନ ମିଳିବାରୁ ତାଙ୍କୁ ନ୍ୟାୟ ପ୍ରଦାନ କରିବା ଦାବି ନେଇ ସେ ଆଜି ଛତ୍ରପୁର ବ୍ଲକ କାର୍ଯ୍ୟାଳୟ ସମ୍ମୁଖରେ ହାତରେ ପେଟ୍ରୋଲ ଧରି ଧାରଣାରେ ବସି ରହିଛନ୍ତି । ନ୍ୟାୟ ପ୍ରଦାନ କରାନଗଲେ ସେ ବ୍ଲକ କାର୍ଯ୍ୟାଳୟ ସମ୍ମୁଖରେ ଆତ୍ମହତ୍ଯା କରିବେ ବୋଲି ଚେତାବନୀ ଦେଇଛନ୍ତି। ଅନ୍ୟପଟେ ଏହାର ସୂଚନା ପାଇଁ ଘଟଣାସ୍ଥଳରେ ଛତ୍ରପୁର ଥାନା ପୋଲିସ ପହଁଚି ଏମବିକେ ମଞ୍ଜୁଙ୍କ ଠାରୁ ପେଟ୍ରୋଲ ବୋତଲ ଛଡାଇ ନେଇଥିଲେ। ପରେ ବିଡ଼ିଓଙ୍କୁ ମଞ୍ଜୁ ବେହେରା ଭେଟିଥିଲେ। ଘଟଣା ବିଷୟରେ ସେ ବିଡ଼ିଓଙ୍କୁ କହିଥିଲେ। ଏନେଇ ବିଡ଼ିଓ ତାଙ୍କୁ ଆଶ୍ୱାସନା ଦେଇଥିଲେ ଯେ ଘଟଣା ତଦନ୍ତ କରି ଏ ସମ୍ବନ୍ଧରେ ପ୍ରଥମେ ୟୁସି ମେମ୍ବରମାନଙ୍କ ସହ ଆଲୋଚନା କରି ଏବଂ ଜିଲ୍ଲାସ୍ତରର ଅଧୂକାରୀଙ୍କସହ ଆଲୋଚନା କରି ଏହାର ସମାଧାନ ବାଟ ବାହାର କରିବେ ବୋଲି କହିଛନ୍ତି | ତେବେ ବିଡ଼ିଓ ମଞ୍ଜୁଙ୍କୁ ଥଇଥାନ କରିବେ ନା ମଞ୍ଜୁ ପୁଣି କିଛି ଅଘଟଣ ଘଟଇବେ ତାହା ସେହି ସମୟ କୁ ଅପେକ୍ଷା କରି ଦେଖି ବାକୁ ପଡିବ |