Odisha Janamata : ସିଂହପୁର ରେ ଫେନ ରେ ଝୁଲି ଯୁବକ ଙ୍କ ସନ୍ଦେହ ଜନକ ମୃତ୍ୟୁ |

ସିଂହପୁର ରେ ଫେନ ରେ ଝୁଲି ଯୁବକ ଙ୍କ ସନ୍ଦେହ ଜନକ ମୃତ୍ୟୁ |

15-May-2026

ସିଂହପୁରରେ ଯୁବକଙ୍କ ରହସ୍ୟମୟ ମୃତ୍ୟୁ, ଫ୍ୟାନରେ ଝୁଲୁଥିବା ଅବସ୍ଥାରେ ମିଳିଲା ଶବ,
ଓଡ଼ିଶା ଜନମତ, ଯାଜପୁର,୧୫|୫,

ପ୍ରଦୀପ କୁମାର ମଲ୍ଲିକ:-------
ଯାଜପୁର ଜିଲ୍ଲାର ବିଂଝାରପୁର ଥାନା ଅନ୍ତର୍ଗତ ସିଂହପୁର ଗ୍ରାମରେ ଏକ ଦୁଃଖଦ ଓ ଚଞ୍ଚଳକର ଘଟଣା ଘଟିଛି । ସିଂହପୁର ଗ୍ରାମର ଆକାଶ ମଲିକ (୨୨), ପିତା ଟୁକୁନା ମଲ୍ଲିକ, ଗତ ଗୁରୁବାର ରାତିରେ ଭୋଜନ ସାରି ନିଜ କୋଠରୀରେ ଶୋଇଥିଲେ । ହେଲେ ଆଜି ସକାଳେ ତାଙ୍କ ଜେଜେ ଝରକା ବାଟେ ଦେଖିବାବେଳେ ଆକାଶ ଫ୍ୟାନରେ ଗାମୁଛା ଲଗାଇ ଓହଳି ପଡ଼ିଥିବା ଦେଖି ଆତଙ୍କିତ ହୋଇ ପିସିଆରକୁ ଖବର ଦେଇଥିଲେ । ଖବର ପାଇ ବିଂଝାରପୁର ପୋଲିସ ଓ ଜରି ଫାଣ୍ଡି ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ପୋଲିସ ଏହି ଘଟଣାରେ ୟୁ.ଡି. କେଶ ନଂ ୧୦/୨୦୨୬ ରୁଜୁ କରି ଶବକୁ ବ୍ୟବଚ୍ଛେଦ ପାଇଁ ଯାଜପୁର ମୁଖ୍ୟ ଚିକିତ୍ସାଳୟକୁ ପଠାଇଦେଇଛି । ପ୍ରାଥମିକ ତଦନ୍ତରୁ ଘଟଣାର ସଠିକ କାରଣ ସ୍ପଷ୍ଟ ହୋଇନଥିବାବେଳେ ପୋଲିସ ସମସ୍ତ ଦିଗକୁ ନେଇ ତଦନ୍ତ ଜାରି ରଖିଛି ।
ଉଲ୍ଲେଖଯୋଗ୍ୟ ଯେ, ଆକାଶ ମଲିକଙ୍କ ବାପା ଓ ମାଆ ବିଦେଶରେ ରହୁଥିବା ସୂଚନା ମିଳିଛି । ଏହି ଅକାଳ ମୃତ୍ୟୁ ଘଟଣା ପରେ ସିଂହପୁର ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଥିବାବେଳେ ଗ୍ରାମବାସୀଙ୍କ ମଧ୍ୟରେ ଗଭୀର ଦୁଃଖ ପ୍ରକାଶ ପାଇଛି ।