Odisha Janamata : ଢେପା ଗୁଡାରେ କଂଗ୍ରେସ ର ଶକ୍ତି ପ୍ରଦର୍ଶନ, ଶତାଧିକ ଲୋକଙ୍କ ଯୋଗ ଦାନ, |

ଢେପା ଗୁଡାରେ କଂଗ୍ରେସ ର ଶକ୍ତି ପ୍ରଦର୍ଶନ, ଶତାଧିକ ଲୋକଙ୍କ ଯୋଗ ଦାନ, |

17-May-2026

ଢେପାଗୁଡାରେ କଂଗ୍ରେସର ଶକ୍ତି ପ୍ରଦର୍ଶନ, ଶତାଧିକ ଲୋକଙ୍କ ଯୋଗଦାନ
ଓଡିଶା ଜନ ମତ,ରାୟଗଡା,୧୭/୦୫

କାମେଶ୍ୱର କରକରିଆ : ---

ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ବୁଡ଼ାଗୁଡା ପଞ୍ଚାୟତ ଅନ୍ତର୍ଗତ ଢେପାଗୁଡା ଗାଁ ପରିସରରେ ରବିବାର କଂଗ୍ରେସ ଦଳ ପକ୍ଷରୁ ଏକ ବିଶାଳ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଏହି ମିଶ୍ରଣ ପର୍ବରେ ଅଞ୍ଚଳର ଶତାଧିକ ମହିଳା ଓ ପୁରୁଷ କଂଗ୍ରେସ ଦଳରେ ସାମିଲ ହୋଇଥିବା ଜଣାପଡ଼ିଛି। ଗ୍ରାମାଞ୍ଚଳରେ କଂଗ୍ରେସ ଦଳ ପ୍ରତି ଲୋକଙ୍କ ଆସ୍ଥା ଓ ସମର୍ଥନ ବଢୁଥିବା ଏହି କାର୍ଯ୍ୟକ୍ରମରୁ ପ୍ରମାଣିତ ହେଉଛି ବୋଲି ଦଳୀୟ କର୍ମୀମାନେ କହିଛନ୍ତି। ବିଷମକଟକ ନିର୍ବାଚନ ମଣ୍ଡଳୀର ବିଧାୟକ ନୀଳମାଧବ ହିକକାଙ୍କ ଉପସ୍ଥିତିରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା। ସେ ନୂତନ ଭାବେ ଦଳରେ ଯୋଗଦେଇଥିବା କର୍ମୀମାନଙ୍କୁ ଦଳୀୟ ପତାକା ପ୍ରଦାନ କରି ସ୍ୱାଗତ କରିଥିଲେ। ନିଜ ଉଦ୍ବୋଧନରେ ସେ କହିଥିଲେ ଯେ, ଗ୍ରାମାଞ୍ଚଳର ବିକାଶ, ପାନୀୟଜଳ, ରାସ୍ତା, ସ୍ୱାସ୍ଥ୍ୟ ଓ ଶିକ୍ଷା ଭଳି ମୌଳିକ ସମସ୍ୟାର ସମାଧାନ ପାଇଁ କଂଗ୍ରେସ ସଦା ସର୍ବଦା ଲୋକଙ୍କ ସହ ରହିଛି ଓ ଆଗାମୀ ଦିନରେ ମଧ୍ୟ ରହିବ।ଏହି କାର୍ଯ୍ୟକ୍ରମରେ ସାଂସଦ ପ୍ରତିନିଧି କୁମାର ସ୍ୱାମୀ କୌଶଲ୍ୟା, ବ୍ଲକ କଂଗ୍ରେସ ସଭାପତି ସିଏଚ ନାଗେଶ୍ୱର ରାଓ, ସମ୍ପାଦକ ପ୍ରଶାନ୍ତ ନନ୍ଦ କୌଶଲ୍ୟା, ବିଧାୟକ ପ୍ରତିନିଧି ବଳାରାଓ ବିଡ଼ିକା ଓ ଯୁବ କଂଗ୍ରେସ ସଭାପତିଙ୍କ ସମେତ ବହୁ କଂଗ୍ରେସ କର୍ମକର୍ତ୍ତା ଓ ସମର୍ଥକ ଉପସ୍ଥିତ ରହିଥିଲେ। ସଭାସ୍ଥଳରେ ଦଳୀୟ ସ୍ଲୋଗାନ ସହ ଉତ୍ସାହମୟ ପରିବେଶ ସୃଷ୍ଟି ହୋଇଥିଲା। ସ୍ଥାନୀୟ ଅଞ୍ଚଳର ବିଭିନ୍ନ ଗ୍ରାମରୁ ଆସିଥିବା ଲୋକମାନେ ମଧ୍ୟ ଦଳର ନୀତି ଓ ଆଦର୍ଶ ପ୍ରତି ଆକୃଷ୍ଟ ହୋଇ କଂଗ୍ରେସରେ ସାମିଲ ହେଉଥିବା କହିଥିଲେ। ଆଗାମୀ ପଞ୍ଚାୟତ ଓ ସାଧାରଣ ନିର୍ବାଚନକୁ ନଜରରେ ରଖି ଏହି ମିଶ୍ରଣ ପର୍ବକୁ କଂଗ୍ରେସ ପାଇଁ ଏକ ଶକ୍ତି ପ୍ରଦର୍ଶନ ଭାବେ ଦେଖାଯାଉଛି।