Odisha Janamata : ମନ୍ଦିର ଚୋରି ସାମଗ୍ରୀ କୁ ଉଦ୍ଧାର କରି ଦୁଇ ଅଭିଯୁକ୍ତ କୁ କୋର୍ଟ ଚାଲାଣ କଲା ଉମରକୋଟ ପୋଲିସ |

ମନ୍ଦିର ଚୋରି ସାମଗ୍ରୀ କୁ ଉଦ୍ଧାର କରି ଦୁଇ ଅଭିଯୁକ୍ତ କୁ କୋର୍ଟ ଚାଲାଣ କଲା ଉମରକୋଟ ପୋଲିସ |

20-May-2026

ମା’ ବିଡ୍ରୀ ମନ୍ଦିର ଚୋରି ଘଟଣାର ପର୍ଦାଫାଶ କଲା ପୋଲିସ,ଚୋରି ସାମଗ୍ରୀ ଉଦ୍ଧାରସହ ଦୁଇ ଅଭିଯୁକ୍ତ କୁ ଗିରଫ,

ଓଡିଶା ଜନ ମତ ବ୍ୟୁରୋ,

ଚୋର ତାର ଅହଂକାର ବଳରେ ଯେଉଁଠୁ ପାରୁଛି ଚୋରାଉଛି କିନ୍ତୁ ସେଥିରେ ତାର ମନ ମାନୁନାହିଁ ଯେ ସେମାନେଠାକୁର,ଠାକୁରାଣୀ ଙ୍କ ଜିନିଷକୁ ମଧ୍ୟ ଛାଡୁ ନାହାନ୍ତି ଚୋରିକରି ନେଇ ଯାଉଛନ୍ତି | କିନ୍ତୁ କିଛି ଦିନ ପରେ ସେମାନେ ପୋଲିସ ହାଟରେ ଧାରପଡୁଛନ୍ତି ନଚେତ ଫୁର୍ଘଟଣାରେ ମୃତ୍ୟୁ ବରଣ କରିବା ସହିତ ବିଭିନ୍ନ ରୋଗରେ ପଡ଼ି ପଶ୍ଚାତାପ କରୁଛନ୍ତି | ଏପରି ଏକ ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ଅଞ୍ଚଳର ପ୍ରସିଦ୍ଧ ଧୋଡ୍ରା ସ୍ଥିତ ମା’ ବିଡ୍ରୀ ଠାକୁରାଣୀ ମନ୍ଦିରରେ ଗତ ତେର ଦିନ ତଳେ ରାତିରେ ଘଟିଥିବା ବଡ଼ ଧରଣର ଚୋରି ଘଟଣାର ପର୍ଦାଫାଶ କରିଛି ଉମରକୋଟ ପୋଲିସ। ଏହି ଘଟଣାକୁ ନେଇ ଆଜି ନବରଙ୍ଗପୁର ଆଡିସନାଲ ଏସ୍‌ପିଙ୍କ ପକ୍ଷରୁ ସାମ୍ବାଦିକ ସମ୍ମିଳନୀ କରାଯାଇଥିଲା।
ପୋଲିସ ସୂଚନା ଅନୁସାରେ, ମନ୍ଦିର କମିଟି ପକ୍ଷରୁ ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଅଳଙ୍କାର, ହୁଣ୍ଡିରେ ଥିବା ଦାନ ରାଶି ଏବଂ ମା’ଙ୍କ ପୂଜାରେ ବ୍ୟବହୃତ ବିଭିନ୍ନ ସାମଗ୍ରୀ ଚୋରି ହୋଇଥିବା ନେଇ ଉମରକୋଟ ଥାନାରେ ଅଭିଯୋଗ ହୋଇଥିଲା। ଏହି ଘଟଣା ସମଗ୍ର ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଥିବା, ବେଳେ, ନବରଙ୍ଗପୁର ଏସ୍‌ପିଙ୍କ ନିର୍ଦ୍ଦେଶକ୍ରମେ ଉମରକୋଟ ଏସ ଡି ପି ଓ ଥାନା ଅଧିକାରୀ ବିପିନ କୁମାର ବାଘ ଓ ଇନ୍ସପେକ୍ଟର ମଳୟ ମିଶ୍ରଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ ଗଠନ କରାଯାଇ ତଦନ୍ତ ଆରମ୍ଭ ହୋଇଥିଲା।ଗତକାଲି ଭାରତମାଳା ରାସ୍ତାରେ ପେଟ୍ରୋଲିଂ କରୁଥିବା ସମୟରେ ପୋଲିସ ବୋକଡାବେଡା ର ଭଗବାନ ଗୌଡ଼ ଓ ଉମରକୋଟ ଡାଙ୍ଗରୀ ଆହିର ରାହା କୁଶ୍ଵାହ ଦୁଇ ଜଣ ଅଭିଯୁକ୍ତଙ୍କୁ କାବୁ କରିବାରେ ସଫଳ ହୋଇଥିଲା। ସେମାନଙ୍କ ନିକଟରୁ ଚୋରି ହୋଇଥିବା ବିଭିନ୍ନ ସାମଗ୍ରୀ ଉଦ୍ଧାର କରାଯାଇଥିବାବେଳେ, ଆଜି ଉଭୟଙ୍କୁ କୋର୍ଟ ଚାଲାଣ କରାଯାଇଛି।