Odisha Janamata : କଲ୍ୟାଣ ସିଂହପୁର କ୍ୟାମ୍ପସ ଘୋଟଲା ର ଏମଡି ଙ୍କ ଘରେ ଭିଜିଲାନ୍ସ ରେଡ଼ ଓ ଗିରଫ |

କଲ୍ୟାଣ ସିଂହପୁର କ୍ୟାମ୍ପସ ଘୋଟଲା ର ଏମଡି ଙ୍କ ଘରେ ଭିଜିଲାନ୍ସ ରେଡ଼ ଓ ଗିରଫ |

22-May-2026

କଲ୍ୟାଣସିଂହପୁର ଲ୍ୟାମ୍ପସ୍‌ ଘୋଟାଲାରେ ବଡ଼ ପଦକ୍ଷେପ : ଏମଡି ତାରିଣୀ ପ୍ରସାଦ ତ୍ରିପାଠୀ ଗିରଫ, ଘରେ ଭିଜିଲାନ୍ସ ଚଢ଼ାଉ

ଓଡିଶା ଜନମତ ରାୟଗଡା , 22/05/26,

କାମେଶ୍ୱର କରକରିଆ :----

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ଲାର୍ଜ ଏରିଆ ମଲ୍ଟି ପର୍ପୋଜ କୋ-ଅପରେଟିଭ ସୋସାଇଟି (LAMPCS) ରେ ହୋଇଥିବା କୋଟି କୋଟି ଟଙ୍କାର ଅର୍ଥ ହେରଫେର ଘଟଣାରେ ଭିଜିଲାନ୍ସ ବିଭାଗ ବଡ଼ ପଦକ୍ଷେପ ନେଇଛି। ଲ୍ୟାମ୍ପସ୍‌ର ମ୍ୟାନେଜିଂ ଡାଇରେକ୍ଟର ତାରିଣୀ ପ୍ରସାଦ ତ୍ରିପାଠୀଙ୍କୁ ପ୍ରାୟ ୭୫ ଲକ୍ଷ ଟଙ୍କା ଧନ ହଡପ ଅଭିଯୋଗରେ ଗିରଫ କରାଯାଇଥିବାବେଳେ ତାଙ୍କ ଜିଲୁଣ୍ଡା ସ୍ଥିତ ଘରେ ଭିଜିଲାନ୍ସ ଟିମ୍ ଚଢ଼ାଉ କରି ବିଭିନ୍ନ ଦଲିଲପତ୍ର ଜବତ କରି ତଦନ୍ତ ଜାରି ରଖିଛି।
ସୂଚନା ଅନୁସାରେ ଛଅ ଜଣିଆ ଭିଜିଲାନ୍ସ ଟିମ୍ ଆଜି ସକାଳେ ଜିଲୁଣ୍ଡା ଗ୍ରାମରେ ଥିବା ତାରିଣୀ ତ୍ରିପାଠୀଙ୍କ ଘରେ ପହଞ୍ଚି ଦୀର୍ଘ ସମୟ ଧରି ଯାଞ୍ଚ କରିଥିଲେ। ପୂର୍ବରୁ ଲ୍ୟାମ୍ପସ୍‌ରେ ବ୍ୟାପକ ଆର୍ଥିକ ଅନିୟମିତତା ନେଇ ଅଭିଯୋଗ ହୋଇଥିବାବେଳେ ବିଭାଗୀୟ ତଦନ୍ତରେ ଚମକପ୍ରଦ ତଥ୍ୟ ସାମ୍ନାକୁ ଆସିଥିଲା। ତଦନ୍ତ ରିପୋର୍ଟ ଅନୁଯାୟୀ ୩୩ ଜଣ ଚାଷୀଙ୍କ ଅଜାଣତରେ ୨୮ ଲକ୍ଷ ୨୯ ହଜାର ଟଙ୍କା ଉଠା ଯାଇଥିବା ବେଳେ ନିଜ ପରିବାର ସଦସ୍ୟଙ୍କ ନାମରେ ୭୫ ଲକ୍ଷ ଟଙ୍କାରୁ ଅଧିକ ଅର୍ଥ ହଡପ କରାଯାଇଥିବା ଜଣାପଡ଼ିଛି। ମିନି ବ୍ୟାଙ୍କ ଆକାଉଣ୍ଟରୁ ୨୮ ଲକ୍ଷ ୨୯ ହଜାର ଟଙ୍କା ସହ ଭାଇଙ୍କ ନାମରେ ୧୪ ଲକ୍ଷ ୨୧ ହଜାର, ବାପାଙ୍କ ନାମରେ ୩ ଲକ୍ଷ ୬୫ ହଜାର, ସ୍ତ୍ରୀ ଓ ଅନ୍ୟ ସମ୍ପର୍କୀୟଙ୍କ ନାମରେ ୬ ଲକ୍ଷ ୬୫ ହଜାର ଏବଂ ନିଜ ନାମରେ ୨୨ ଲକ୍ଷ ଟଙ୍କା ବ୍ୟାଙ୍କରୁ ଉଠାଯାଇଥିବା ତଦନ୍ତରୁ ସ୍ପଷ୍ଟ ହୋଇଛି। ଓଡ଼ିଶା ଭିଜିଲାନ୍ସ ପକ୍ଷରୁ କୁହାଯାଇଛି ଯେ, ୨୦୨୪ ରୁ ୨୦୨୬ ମଧ୍ୟରେ ଏହି ଅର୍ଥ ହେରଫେର କାର୍ଯ୍ୟ ଘଟିଥିଲା। ସରକାରୀ ରେକର୍ଡରେ କାରସାଜି କରି ପର୍ଯ୍ୟାୟକ୍ରମେ ସମବାୟ ସମିତିର ସଦସ୍ୟମାନଙ୍କ ସଞ୍ଚୟ ଓ ଜମାରାଶି ହଡପ କରାଯାଇଥିବା ଅଭିଯୋଗ ହୋଇଛି। ଏହାର ପ୍ରଭାବ ସ୍ଥାନୀୟ ଚାଷୀ ଓ ସମବାୟ ସଂସ୍ଥା ଉପରେ ନିର୍ଭରଶୀଳ ଲୋକଙ୍କ ଉପରେ ସିଧାସଳଖ ପଡ଼ିଛି। ଏହି ଘଟଣାରେ କୋରାପୁଟ ଭିଜିଲାନ୍ସ ଥାନାରେ କେସ୍‌ ନମ୍ବର-୮, ତାରିଖ ୨୧.୦୫.୨୦୨୬ ରେ ପ୍ରିଭେନସନ ଅଫ କରପ୍ସନ ଆକ୍ଟ-୨୦୧୮ ଓ ବିଏନଏସ -୨୦୨୩ ଅନୁଯାୟୀ ମାମଲା ରୁଜୁ କରାଯାଇଛି। ଗିରଫ ପରେ ତାରିଣୀ ପ୍ରସାଦ ତ୍ରିପାଠୀଙ୍କୁ ଆଜି କୋର୍ଟ ଚାଲାଣ କରାଯାଇଛି। ଘଟଣାକୁ ନେଇ କଲ୍ୟାଣସିଂହପୁର ଅଞ୍ଚଳରେ ଚର୍ଚ୍ଚା ଜୋର ଧରିଥିବାବେଳେ ଭିଜିଲାନ୍ସ ବିଭାଗ ପକ୍ଷରୁ ଆହୁରି ତଦନ୍ତ ଜାରି