Odisha Janamata : ମାଛକୁଣ୍ଡ ହାଇଡ୍ରୋ ପାୱାର ରେ ଅଗ୍ନିକାଣ୍ଡ ଘଟି ପୋଡ଼ିଗଲା ବହୁ ସାମାନ |

ମାଛକୁଣ୍ଡ ହାଇଡ୍ରୋ ପାୱାର ରେ ଅଗ୍ନିକାଣ୍ଡ ଘଟି ପୋଡ଼ିଗଲା ବହୁ ସାମାନ |

23-May-2026

ଅଗ୍ନିକାଣ୍ଡଘଟି ମାଛକୁଣ୍ଡ ହାଇଡ୍ରୋ ପାୱାରପୋଡିଗଲା,
ନିଆଁକୁ ଆୟତ କଲେ ନନ୍ଦପୁର ଅଗ୍ନିଶମ ବାହିନୀ |

ଓଡିଶା ଜନ ମାତ ବ୍ୟୁରୋ,

ଅଗ୍ନିକାଣ୍ଡ କିମ୍ବା ସର୍ଟ ସର୍କିଟ ଯେ ଏତେ ଭୟଙ୍କର ହେବ ତାହା କଳ୍ପନାର ବାହାରେ ହେଲେ ଅଗ୍ନିକାଣ୍ଡ ଘଟି ଜଳି ଯାଇଛି ନନ୍ଦପୁର ମାଛକୁଣ୍ଡ ହାଇଡ୍ରୋ ପାୱାର ପ୍ରକଳ୍ପ |ସେଥିରେ ଅଗ୍ନିକାଣ୍ଡ ଘଟଣାରେ ନନ୍ଦପୁର ଅଗ୍ନିଶମ ବାହିନୀ କେନ୍ଦ୍ରାଧିକାରି ହେମନ୍ତ କୁମାର ସାମଲଙ୍କ ନେତୃତ୍ଵାଧୀନ ନନ୍ଦପୁର ଓ ଲମତାପୁଟ ଅଗ୍ନିଶମ ଦଳକୁ ସଫଳତା ମିଳିଛି। ପ୍ରକଳ୍ପ ଭିତର ଓ ବାହାରେ ଲାଗିଥିବା ନିଆଁକୁ ଦଳ ସମ୍ପୂର୍ଣ ଆୟତ୍ତ କରିଛି। ଟରବାଇନ୍ ଓ ପ୍ୟାନେଲ ବୋର୍ଡରେ ନିଆଁ ଲାଗି ପ୍ରକଳ୍ପର ମୁଖ୍ୟ ଗୃହରେ ନିଆଁ ଲାଗି ଥିଲା। ପରିସର ଧୂଆଁମୟ ହେବାସହ ଭିତରେ ଓ ବାହାରେ ଥିବା ବିଭିନ୍ନ ବୈଦ୍ୟୁତିକ ସରଞ୍ଜାମ, ପାଇପ୍, ତାର ଆଦିରେ ନିଆଁ ବ୍ୟାପି ସ୍ଥିତି ଭୟାନକ ହୋଇଥିଲା। ସମସ୍ତ ପ୍ରତିକୂଳ ସ୍ଥିତି ସହ ଯୁଝି ଅଗ୍ନିଶମ ଦଳ ନିଆଁକୁ ଆୟତ୍ତ କରିବାରେ ସଫଳ ହୋଇଥିବା କେନ୍ଦ୍ରାଧିକାରୀ ସାମଲ ସୂଚନା ଦେଇଛନ୍ତି। ଅଗ୍ନିଶମ ବାହିନୀର ସାହସିକତାକୁ ପ୍ରକଳ୍ପ ପ୍ରଶାସନ ତରଫରୁ ପ୍ରଶଂସା କରାଯାଇଛି। ପ୍ରକଳ୍ପର ଯନ୍ତ୍ରପାତି ସବୁ ବହୁ ପୁରୁଣା ଓ ତାହାର ସୁରକ୍ଷା ଯାଞ୍ଚ ସମୟାନୁସାରେ କରା ଯାଉନଥିବା ଅଭିଯୋଗ ହୋଇଛି। ଅଗ୍ନିକାଣ୍ଡରେ ମୁଖ୍ୟ କଣ୍ଟ୍ରୋଲ ରୁମ, ପ୍ୟାନେଲ ବୋର୍ଡ, ମୂଲ୍ୟବାନ ଯନ୍ତ୍ରାଂଶ ପୋଡ଼ି ନଷ୍ଟ ହୋଇଥିବା ବେଳେ ଏହାର ଆନୁମାନିକ ମୂଲ୍ୟ ୧୦ କୋଟିରୁ ଉର୍ଦ୍ଧ ହେବ ବୋଲି ଆକଳନ କରାଯାଉଛି। ନିଆଁ ଓ ଧୂଆଁରେ ଫସି ସାମାନ୍ୟ ଆହତ ହୋଇଥିବା ୪ କର୍ମଚାରୀ ସୁସ୍ଥ ଥିବା ସୂଚନା ଦିଆଯାଇଛି। ଅନ୍ୟପଟେ ଏହି ଅଗ୍ନିକାଣ୍ଡ ଯାନ୍ତ୍ରିକ ତ୍ରୁଟି ନା କର୍ତ୍ତୃପକ୍ଷଙ୍କ ଅବହେଳା ତାହାର ଯାଞ୍ଚ ଦୁଇ ରାଜ୍ୟ ପ୍ରଶାସନ ତରଫରୁ କରାଯାଉ ବୋଲି ସ୍ଥାନୀୟ ବୁଦ୍ଧିଜୀବୀ ଅନୁରୋଧ କରିଛନ୍ତି।