Odisha Janamata : କଲ୍ୟାଣ ସିଂହ ପୁର ଅଞ୍ଚଳରେ କାଳ ବୈଶାଖୀ ତାଣ୍ଡବ,ଅନୱାକ ଘର ଭାଙ୍ଗି ନଷ୍ଟ |

କଲ୍ୟାଣ ସିଂହ ପୁର ଅଞ୍ଚଳରେ କାଳ ବୈଶାଖୀ ତାଣ୍ଡବ,ଅନୱାକ ଘର ଭାଙ୍ଗି ନଷ୍ଟ |

30-May-2026

କଲ୍ୟାଣସିଂହପୁର ଅଞ୍ଚଳରେ କାଳବୈଶାଖୀର ତାଣ୍ଡବ, ଅନେକ ଙ୍କ ଘର ଭାଙ୍ଗି ନଷ୍ଟ ,

ଓଡିଶା ଜନମତ ରାୟଗଡା , ୨୯/୦୫,

କାମେଶ୍ୱର କରକରିଆ :----

ଗତ ସନ୍ଧ୍ୟା ପ୍ରାୟ ୭ଟା ସମୟରେ କଲ୍ୟାଣସିଂହପୁର ବ୍ଲକରେ ହଠାତ୍ କାଳବୈଶାଖୀ ତାଣ୍ଡବ ଦେଖିବାକୁ ମିଳିଥିଲା। କଳାହାଣ୍ଡିଆ ପବନ ସହ ପ୍ରବଳ ବର୍ଷା, ଘଡଘଡି ଓ ବିଜୁଳି ମାରିବାରେ ସମଗ୍ର ଅଞ୍ଚଳ ଭୟଭୀତ ପରିସ୍ଥିତି ସୃଷ୍ଟି ହୋଇଥିଲା | ପ୍ରାୟ ୩ ରୁ ୪ ଘଣ୍ଟା ଧରି ଲଗାତାର ଜର୍ସର ପବନ ସହ ବର୍ଷା ହୋଇଥିବା ବେଳେ ବହୁ ସ୍ଥାନରେ ଗଛ ଭାଙ୍ଗି ପଡ଼ିଥିବା ଦେଖିବାକୁ ମିଳିଛି। ଅନେକ ସ୍ଥାନରେ ବିଦ୍ୟୁତ ତାର ଛିଣ୍ଡି ଯାଇଥିବାରୁ ବ୍ଲକର ବିଭିନ୍ନ ଅଞ୍ଚଳରେ ବିଦ୍ୟୁତ ସେବା ବିଚ୍ଛିନ୍ନ ହୋଇପଡ଼ିଛି।
ହଠାତ୍ ଝଡ଼ ବର୍ଷା ସହ ବିଜୁଳି ଓ ଘଡଘଡି ଯୋଗୁଁ ଲୋକମାନେ ଆତଙ୍କିତ ହୋଇ ଘରେ ଆଶ୍ରୟ ନେଇଥିଲେ। କାଳବୈଶାଖୀର ପ୍ରଭାବରେ ଅନେକ ଘରର ଛପର ମଧ୍ୟ କ୍ଷତିଗ୍ରସ୍ତ ହୋଇଥିବା ଦେଖିବାକୁ ମିଳିଛି। ପାର୍ସାଲି ପଞ୍ଚାୟତ ବଡ ଡେଙ୍ଗନେଲିରବିଡ଼ିକାକାର୍ତ୍ତିକ, ସାନ କୌଶଲ୍ୟା,ଧନିଆକୌଶଲ୍ୟା,ଲେଲିକୌଶଲ୍ୟା,ଗୁରୁବାରୁକୌଶଲ୍ୟା,ଜିତେନ୍ଦ୍ର ବାଗ,ହୀରନ୍ଦଇ ଛାତି ଓ ସିଙ୍ଗାରି ପଞ୍ଚାୟତ କରଞ୍ଜା ଗାଁ ରେ ୨ଘର ଟିଙ୍ଗୁଳି ମାଣ୍ଡିକା, ଫୁଲସିଂ କୁନାକା ଓ ଧାମୁଣିପଙ୍ଗା ପଞ୍ଚାୟତ କାତାଗୁଡା କୃଷ୍ଣ ବାଗ ଓ ବୁଡ଼ୁ କୌଶଲ୍ୟା, ସୁରମା କରକରିଆ ଙ୍କ ଘରଭାଙ୍ଗି ଅନ୍ୟ ଦ୍ୱାରସ୍ତ ହୋଇଥିବା ବେଳେ ସଦର ପଞ୍ଚାୟତ ଭୈରବୀ କୋଲନି ରୁନି କାଡ୍ରାକା ଙ୍କ ଘର ଭାଙ୍ଗିଥିବା ସୂଚନା ରହିଛି। ଏ ସମ୍ପର୍କରେ ରାଜସ୍ବ ନିରୀକ୍ଷକ ଗୌରୀ ଶଙ୍କର କଣ୍ଡାଗୋରୀ ଙ୍କୁ ଯୋଗାଯୋଗ କରିବାରୁ ସେ ଆକଳନ କରି କ୍ଷତିଗ୍ରସ୍ତ ପରିବାର ଝୋରୀପାଳ ଯୋଗେଇ ଦେବା ଓ ଘରବରୀ ପଟ୍ଟା ଥିଲେ ଆବାସ ଗୃହ ଯୋଗେଇ ଦିଆଯିବ ବୋଲି କହିଛନ୍ତି।