Odisha Janamata : ଡେରାବିଶ କଲେଜ ଆଗରେ ଜଣେ ମହିଳାଙ୍କୁ ଆକ୍ରମଣ କରିଥିବା ଯୁବକ ଗିରଫ |

ଡେରାବିଶ କଲେଜ ଆଗରେ ଜଣେ ମହିଳାଙ୍କୁ ଆକ୍ରମଣ କରିଥିବା ଯୁବକ ଗିରଫ |

07-Jun-2026

ଡେରାବିଶ କଲେଜ ସମ୍ମୁଖରେ ଖଣ୍ଡା ବୁଲାଇ ଜଣ ଯୁବତୀଙ୍କ ଭୟଭୀତ କରୁଥିବା ଯୁବକ ଗିରଫ |

ଓଡିଶା ଜନ ମତ ବ୍ୟୁରୋ

ଡେରାବିଶ କଲେଜ ଆଗରେ ଆତଙ୍କ ଖେଳାଉଥିବା ଜଣେ ଯୁବକ କଙ୍କ ଉପରେ ମଧୁସ୍ମିତା ଡେରାବିଶ ଥାନାରେ ଏତଲା ଦାଖଲ କରିଥିଲେ। ଏତଲାକୁ ଆଧାର କରି ପୋଲିସ କେସ୍ ନମ୍ବର 150/26 ରୁଜୁ କରି ତଦନ୍ତ ଆରମ୍ଭ କରିଥିଲା। ପରବର୍ତ୍ତୀ ସମୟରେ ଅଭିଯୁକ୍ତ ହିତିକ ଜେନାଙ୍କୁ ଗିରଫ କରାଯାଇ ଡାକ୍ତରୀ ପରୀକ୍ଷା ପରେ କୋର୍ଟ ଚାଲାଣ କରାଯାଇଥିବା ଜଣାପଡ଼ିଛି। ପୋଲିସ ପକ୍ଷରୁ ଅଭିଯୁକ୍ତଙ୍କ ବିରୋଧରେ ବିଏନଏସ୍‌ର ଧାରା 126(2), 115(2) ଏବଂ 296 ଅନୁଯାୟୀ ମାମଲା ରୁଜୁ କରାଯାßଇଛି। ଘଟଣାକୁ ନେଇ ଅଞ୍ଚଳରେ ଚର୍ଚ୍ଚା ଜୋର ଧରିଥିବାବେଳେ ପୋଲିସ ତଦନ୍ତ ଜାରି ରଖିଛି। କଲେଜ ସମ୍ମୁଖରେ ଜଣେ ଯୁବକ ଖଣ୍ଡା ବୁଲାଇବା ଘଟଣାର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବା ପରେ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। କେନ୍ଦ୍ରାପଡ଼ା ଜିଲ୍ଲା ଡେରାବିଶ କଲେଜ ସମ୍ମୁଖରେ ଜଣେ ଯୁବତୀଙ୍କୁ ଖଣ୍ଡା ଦେଖାଇ ଭୟଭୀତ କରିବା ଅଭିଯୋଗରେ ଡେରାବିଶ ପୋଲିସ ଜଣେ ଯୁବକଙ୍କୁ ଗିରଫ କରିଛି। ଗିରଫ ଯୁବକ ହେଲେ ମୀରପାଟଣା ଗ୍ରାମର ହିତିକ ଜେନା। ପୀଡିତା ମଧୁସ୍ମିତା ପଣ୍ଡା ମାହାଙ୍ଗା ଥାନା ଅନ୍ତର୍ଗତ ଅରଖଣ୍ଡ ଗ୍ରାମର ବୋଲି ଜଣାପଡ଼ିଛି। ସୂଚନା ଅନୁଯାୟୀ, ହିତିକ ଓ ମଧୁସ୍ମିତା ଉଭୟେ ଡେରାବିଶ କଲେଜର ଛାତ୍ରଛାତ୍ରୀ। କୌଣସି କାରଣକୁ ନେଇ ଶନିବାର ଦିନ ପ୍ରାୟ ଦୁଇ ପହର ସମୟରେ କଲେଜ ସମ୍ମୁଖରେ ହିତିକ ଖଣ୍ଡା ଦେଖାଇ ଯୁବତୀଙ୍କୁ ଧମକ ଦେଇଥିବା ଅଭିଯୋଗ ହୋଇଛି। ଏହି ଘଟଣା ପରେ ମଧୁସ୍ମିତା ଡେରାବିଶ ଥାନାରେ ଏତଲା ଦାଖଲ କରିଥିଲେ। ଏତଲାକୁ ଆଧାର କରି ପୋଲିସ କେସ୍ ନମ୍ବର 150/26 ରୁଜୁ କରି ତଦନ୍ତ ଆରମ୍ଭ କରିଥିଲା। ପରବର୍ତ୍ତୀ ସମୟରେ ଅଭିଯୁକ୍ତ ହିତିକ ଜେନାଙ୍କୁ ଗିରଫ କରାଯାଇ ଡାକ୍ତରୀ ପରୀକ୍ଷା ପରେ କୋର୍ଟ ଚାଲାଣ କରାଯାଇଥିବା ଜଣାପଡ଼ିଛି। ପୋଲିସ ପକ୍ଷରୁ ଅଭିଯୁକ୍ତଙ୍କ ବିରୋଧରେ ବିଏନଏସ୍‌ର ଧାରା 126(2), 115(2) ଏବଂ 296 ଅନୁଯାୟୀ ମାମଲା ରୁଜୁ କରାଯାଇଛି। ଘଟଣାକୁ ନେଇ ଅଞ୍ଚଳରେ ଚର୍ଚ୍ଚା ଜୋର ଧରିଥିବାବେଳେ ପୋଲିସ ତଦନ୍ତ ଜାରି ରଖିଛି। କଲେଜ ସମ୍ମୁଖରେ ଜଣେ ଯୁବକ ଖଣ୍ଡା ବୁଲାଇବା ଘଟଣାର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବା ପରେ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଘଟଣାକୁ ନେଇ ବିଭିନ୍ନ କଲେଜରେ ପାଠ ପଢୁଥିବା ଛାତ୍ରଛାତ୍ରୀ ଏବଂ ଅଭିଭାବକଙ୍କ ମଧ୍ୟରେ ଭୟ ଓ ଅସୁରକ୍ଷାର ବାତାବରଣ ଦେଖିବାକୁ ମିଳିଛି। କଲେଜ ସମ୍ମୁଖରେ ଜଣେ ଯୁବକ ଖଣ୍ଡା ଧରି ସର୍ବସାଧାରଣ ସ୍ଥାନରେ ବୁଲାଇବାର ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ପ୍ରସାରିତ ହୋଇଥିଲା। ଭିଡିଓ ଭାଇରାଲ ହେବା ପରେ ଛାତ୍ରଛାତ୍ରୀଙ୍କ ସୁରକ୍ଷା ନେଇ ପ୍ରଶ୍ନ ଉଠିଥିଲା। ଅନେକ ଛାତ୍ରଛାତ୍ରୀ କହିଛନ୍ତି ଯେ, ଶିକ୍ଷାନୁଷ୍ଠାନ ପରିସର ନିକଟରେ ଏପରି ଘଟଣା ସେମାନଙ୍କ ମନରେ ଆତଙ୍କ ସୃଷ୍ଟି କରିଛି ଅଭିଭାବକମାନେ ମଧ୍ୟ କଲେଜ ପରିସର ଏବଂ ଆଖପାଖ ଅଞ୍ଚଳରେ ପୋଲିସ ପାଟ୍ରୋଲିଂ ବୃଦ୍ଧି ସହ ଆବଶ୍ୟକ ସୁରକ୍ଷା ବ୍ୟବସ୍ଥା ଦାବି କରିଛନ୍ତି। ଏହି ଘଟଣାର ଗୁରୁତ୍ୱକୁ ଦୃଷ୍ଟିରେ ରଖି ଡେରାବିଶ ପୋଲିସ ତତ୍ପରତା ପ୍ରକାଶ କରିଥିବା ବେଳେ ଅଭିଯୁକ୍ତ ଯୁବକଙ୍କୁ ଗିରଫ କରାଯାଇଥିବା ସୂଚନା ମିଳିଛି। ପୋଲିସ ପକ୍ଷରୁ ଆଇନଶୃଙ୍ଖଳା ବଜାୟ ରଖିବା ସହ ଏଭଳି ଘଟଣା ବିରୋଧରେ କଠୋର ପଦକ୍ଷେପ ନିଆଯିବ ବୋଲି କୁହାଯାଇଛି।