Odisha Janamata : ଚାରିଦିନ ପରେ କୂଅରୁ ଜୀବନ୍ତ ଯୁବକ ଉଦ୍ଧାର |

ଚାରିଦିନ ପରେ କୂଅରୁ ଜୀବନ୍ତ ଯୁବକ ଉଦ୍ଧାର |

12-Jun-2026

କିଛି ବ୍ୟକ୍ତି ଜଣଙ୍କୁ ମାଡ଼ ମାରିଥିଲେ ଓ ସେ ମରିଗଲା ଭାବି କୂଅରେ ପକାଇ ଦେଇଚାଲି ଯାଇ ଥିଲେ |

(ଚାରିଦିନ ପରେ କୂଅରୁ ଉଦ୍ଧାରହେଲେ ଜୀବନ୍ତ ବ୍ୟକ୍ତି |

କଥାରେ ଅଛି "ଯାହାକୁ ରଖିବେ ଅନନ୍ତ ତାକୁ କି କରେ ବଳବନ୍ତ ` ଏହି ଘଟଣା ଟି ଘଟିଛି ଜଣେ ଯୁବକଙ୍କ କ୍ଷେତ୍ରରେ | ଆଉ ଏପରି ଘଟଣା ଘଟିଛି ବରଗଡ ଜିଲ୍ଲା ବିଜେପୁର ବ୍ଲକ ଅନ୍ତର ଅନ୍ତର୍ଗତ ସମଲାଇପଦର ଗାଁରେ | ସମଲାଇପଦର ନର୍ସରୀ ଅଞ୍ଚଳର ଏକ ନିଛାଟିଆ କୁଅରୁ ଜଣେ ବ୍ୟକ୍ତିଙ୍କୁ ଜୀବନ୍ତ ଅବସ୍ଥାରେ ଚାରି ଦିନ ପରେ ଉଦ୍ଧାର କରାଯାଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ଉଦ୍ଧାର ହୋଇଥିବା ବ୍ୟକ୍ତିଙ୍କ କହିବା ଅନୁସାରେ, ଗତ ରବିବାର ପୂର୍ବାହ୍ଣ ପ୍ରାୟ ୩ଘଣ୍ଟ ସମୟରେ ପାଞ୍ଚଜଣ ବ୍ୟକ୍ତି ତାଙ୍କୁ ଧରି ମାଡ଼ ମାରିଥିଲେ । ପରେ ସେ ମୃତ ବୋଲି ଭାବି ତାଙ୍କୁ ଉକ୍ତ କୁଅ ମଧ୍ୟରେ ପକାଇ ଦେଇ ଚାଲିଯାଇଥିବା ସେ ଅଭିଯୋଗ କରିଛନ୍ତି | ଭିତରେ ଚାରିଦିନ ଧରି ଭୋକ ଓପବାସରେ ରହି ସେ ଜୀବନ ସହ ସଂଘର୍ଷ କରୁଥିବା ଜଣାପଡ଼ିଛି । ବୁଧବାର ଦିନ ସମଲାଇପଦରଗ୍ରାମର ଜଣେ ବ୍ୟକ୍ତି ଜଙ୍ଗଲ ଅଞ୍ଚଳକୁକାଠ ସଂଗ୍ରହ ପାଇଁ ଯାଇଥିବା ବେଳେ କୂଅ ଭିତରୁ ଜଣେ ଲୋକଙ୍କ ଚିତ୍କାର ଶୁଣିଥିଲେ । ସେଗାଁକୁ ଫେରି ଏହିଘଟଣା ତୁରନ୍ତ ଗ୍ରାମବାସୀ, ପୋଲିସ ଅନ୍ୟମାନଙ୍କୁ ଏବଂ ଅଗ୍ନିଶମ ବିଭାଗ କୁ ଜଣାଇଥିଲେ ।ଖବର ପାଇ ଅଗ୍ନିଶମ କର୍ମ ଚାରୀମାନେ ଏବଂ ଗ୍ରାମବାସୀ ମାନେ ଘଟଣାସ୍ଥଳକୁ ଆସି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ବହୁ ପ୍ରୟାସ ପରେ କୁଅ ଭିତରୁ ବ୍ୟକ୍ତିଙ୍କୁ ସୁରକ୍ଷିତ ଭାବେ ପଦାକୁ ବାହାର କରାଯାଇଥିଲା। ପରେ ତାଙ୍କୁ ଚିକିତ୍ସା ପାଇଁ ପଦ୍ମପୁର ଅଞ୍ଚଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା। ସ୍ଥାନୀୟ ଲୋକଙ୍କ ସୂଚନା ଅନୁସାରେ ଉଦ୍ଧାର ହୋଇଥ‌ିବା ପୁରେନା ଗ୍ରାମର ବାସିନ୍ଦା ବୋଲି ଜଣାପଡ଼ିଛି। ତେବେ ତାଙ୍କର ପରିଚୟ ଓ ଘଟଣାର ସମ୍ପୂର୍ଣ୍ଣ ଓ ସତ୍ୟତା ସମ୍ପର୍କରେ ପୋଲିସ ତଦନ୍ତ ଜାରି ରଖିଛି। ଓ ତାଙ୍କୁକିଏ ଓ କାହିଁକି କୂଅ ଭିତରକୁ ପକାଇଥିଲେ ତାର ତଦନ୍ତ କରି ଅଭିଯୁକ୍ତ ମାନଙ୍କୁ ତୁରନ୍ତ ଗିରଫ କରିବାକୁ ବ୍ୟବସ୍ତା କରୁଥିବାର ଜଣା ପଡିଛି |