Odisha Janamata : ଚିନ୍ମୟୀ ଙ୍କୁ ତାରା ତାରିଣୀ ମହାବିଦ୍ୟାଳୟ ତରଫରୁ ଯାମ ପରୀକ୍ଷାରେ ସଫଳତା ପାଇଁ ସମ୍ବର୍ଦ୍ଧନା ||

ଚିନ୍ମୟୀ ଙ୍କୁ ତାରା ତାରିଣୀ ମହାବିଦ୍ୟାଳୟ ତରଫରୁ ଯାମ ପରୀକ୍ଷାରେ ସଫଳତା ପାଇଁ ସମ୍ବର୍ଦ୍ଧନା ||

17-Jun-2026

ଜାମ୍ ପରୀକ୍ଷାରେ ଅଲ୍ ଇଣ୍ଡିଆ ରାଙ୍କ-୧୦୩୮ ହାସଲ କରିଥିବା ଚିନ୍ମୟୀଙ୍କୁ ତାରାତାରିଣୀ ମହାବିଦ୍ୟାଳୟ ପକ୍ଷରୁ ସମ୍ବର୍ଦ୍ଧନା,

ଓଡିଶା ଜନ ମତ ବ୍ୟୁରୋ,

ପୁରୁଷୋତ୍ତମପୁର, ୧୭/୦୬: ଜାତୀୟ ସ୍ତରୀୟ ଜଏଣ୍ଟ ଆଡମିସନ ଟେଷ୍ଟ ଫର୍ ମାଷ୍ଟର୍ସ (JAM) ପରୀକ୍ଷାରେ ଉଲ୍ଲେଖନୀୟ ସଫଳତା ହାସଲ କରି ଅଲ୍ ଇଣ୍ଡିଆ ରାଙ୍କ-୧୦୩୮ ଅଧିକାର କରିଥିବା ସ୍ଥାନୀୟ ତାରାତାରିଣୀ ମହାବିଦ୍ୟାଳୟର ମେଧାବୀ ଛାତ୍ରୀ ଚିନ୍ମୟୀଙ୍କୁ ବୁଧବାର ମହାବିଦ୍ୟାଳୟ ପକ୍ଷରୁ ଭବ୍ୟ ସମ୍ବର୍ଦ୍ଧନା ଜଣାଯାଇଛି।ମହାବିଦ୍ୟାଳୟ ପରିସରରେ ଆୟୋଜିତ ଏହି ସମ୍ବର୍ଦ୍ଧନା ସଭାରେ ଅଧ୍ୟକ୍ଷ ଡଃ ପ୍ରଦୀପ କୁମାର ସାହୁ ଏବଂ ପ୍ରଶାସନିକ ଅଧିକାରୀ ଡଃ ରମେଶ ଚନ୍ଦ୍ର ସେନାପତି ଚିନ୍ମୟୀଙ୍କୁ ଉତ୍ତରୀୟ, ପୁଷ୍ପଗୁଚ୍ଛ ଓ ସ୍ମାରକ ଉପହାର ପ୍ରଦାନ କରି ସମ୍ମାନିତ କରିଥିଲେ। ଏହି ଅବସରରେ ବରିଷ୍ଠ ରସାୟନ ବିଜ୍ଞାନ ବିଭାଗ ଅଧ୍ୟାପକ ତଥା ବିଭାଗୀୟ ମୁଖ୍ୟ ଡଃ ଅଜିତ କୁମାର ମିଶ୍ର, ବରିଷ୍ଠ ଅଧ୍ୟାପିକା ଶ୍ରୀମତୀ ସନ୍ଧ୍ୟାରାଣୀ ପାତ୍ର, ଅଧ୍ୟାପକ ପ୍ରଶାନ୍ତ କୁମାର ପଟ୍ଟନାୟକ, ଅଧ୍ୟାପକ ଡଃ ସୁବ୍ରତ କୁମାର ଷଡ଼ଙ୍ଗୀ, ରସାୟନ ବିଜ୍ଞାନ ପ୍ରତିପାଦକ ଶ୍ରୀ ପ୍ରକାଶ ଚନ୍ଦ୍ର ପଣ୍ଡା ଏବଂ ମୁଖ୍ୟ କିରାଣୀ ଶ୍ରୀ ସୁଧୀର କୁମାର ଦାସ ଉପସ୍ଥିତ ରହି ତାଙ୍କୁ ଅଭିନନ୍ଦନ ଜଣାଇଥିଲେ।ଉପସ୍ଥିତ ଥିବା ସମସ୍ତ କର୍ମଚାରୀ ଚିନ୍ମୟୀଙ୍କ ଏହି ସଫଳତାକୁ ମହାବିଦ୍ୟାଳୟର ଗୌରବ ଓ ଛାତ୍ରସମାଜ ପାଇଁ ପ୍ରେରଣାଦାୟକ ଉଦାହରଣ ବୋଲି ଅଭିହିତ କରିଥିଲେ। ନିଷ୍ଠା, ପରିଶ୍ରମ ଏବଂ ଅଧ୍ୟବସାୟ ଦ୍ୱାରା ଯେକୌଣସି ଲକ୍ଷ୍ୟ ହାସଲ କରାଯାଇପାରେ ବୋଲି ଚିନ୍ମୟୀ ପ୍ରମାଣିତ କରିଛନ୍ତି ବୋଲି ସେମାନେ ମତ ପ୍ରକାଶ କରିଥିଲେ।ଏହି ଅବସରରେ ଚିନ୍ମୟୀ ନିଜ ସଫଳତାର ଶ୍ରେୟ ମହାବିଦ୍ୟାଳୟର ଶିକ୍ଷକମଣ୍ଡଳୀ, ପିତାମାତା ଓ ଶୁଭେଚ୍ଛୁମାନଙ୍କୁ ଦେଇଥିଲେ। ଭବିଷ୍ୟତରେ ସେ ଉଚ୍ଚଶିକ୍ଷା ଏବଂ ଗବେଷଣା କ୍ଷେତ୍ରରେ ଆହୁରି ସଫଳତାର ଶିଖର ଛୁଇଁବେ ବୋଲି ସମସ୍ତେ ଆଶାବ୍ୟକ୍ତ କରିଥିଲେ।