Odisha Janamata : ଚୋରି ମାମଲାରେ ପୋଲିସ କୁ ମିଳିଛି ବଡ଼ ସଫଳତା ||

ଚୋରି ମାମଲାରେ ପୋଲିସ କୁ ମିଳିଛି ବଡ଼ ସଫଳତା ||

28-Jun-2026

ବରପାଲି ପୋଲିସର ଥାନା ଇଲାକାରେ ଚୋରି ମାମଲାରେ ଦୁଇ ଅଭିଯୁକ୍ତ ଗିରଫ,

ଓଡିଶା ଜନ ମତ ବ୍ୟୁରୋ,

ଚୋରି ମାମଲାରେ ବରଗଡ଼ ପୋଲିସ କୁ ମିଳିଛି ଏକ ବଡ଼ ସଫଳତା | ଘଟଣାଟି ଘଟିଛି :ବରଗଡ଼ ଜିଲ୍ଲା ବରପାଲି ଥାନା ପୋଲିସ ପକ୍ଷରୁ ଚୋରି ମାମଲାରେ କାର୍ଯ୍ୟାନୁଷ୍ଠାନ ନେଇ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ବରଗଡ ନଦୀପଡା ଅଞ୍ଚଳର ଖିରେଶ୍ୱର ନାଗ ଏବଂ ପ୍ରବୀଣ ସାହୁଙ୍କୁ ୨୮ ଜୁନ୍ ୨୦୨୬ ରେ ଗିରଫ କରାଯାଇଥିବା ଜଣାପଡ଼ିଛି। ପୋଲିସ ସୂଚନା ଅନୁସାରେ, ବରପାଲି ଥାନାରେ ରୁଜୁ ହୋଇଥିବା ମାମଲା ନମ୍ବର ୨୬୦/୨୬ ଆଧାରରେ ତଦନ୍ତ କରାଯାଇ ଉକ୍ତ ଦୁଇ ଅଭିଯୁକ୍ତଙ୍କୁ ଧରାଯାଇଥିଲା। ତଦନ୍ତ ସମୟରେ ଅଭିଯୁକ୍ତଙ୍କ ଠାରୁ ଗୋଟିଏ ଚୋରି ମୋଟରସାଇକେଲ ଉଦ୍ଧାର କରାଯାଇଛି। ଗିରଫ ପରେ ଦୁଇ ଅଭିଯୁକ୍ତଙ୍କୁ ଆଇନଗତ ପ୍ରକ୍ରିୟା ଅନୁଯାୟୀ କୋର୍ଟକୁ ପଠାଯାଇଛି। ଚୋରି ଘଟଣାରେ ଅନ୍ୟ କାହାରି ସଂପୃକ୍ତି ରହିଛି କି ନାହିଁ, ସେନେଇ ପୋଲିସ ଅଧିକ ତଦନ୍ତ ଜାରି ରଖିଛି। ଏହି ସଫଳତା ପାଇଁ ସ୍ଥାନୀୟ ଅଞ୍ଚଳରେ ବରପାଲି ପୋଲିସର କାର୍ଯ୍ୟକୁ ପ୍ରଶଂସା କରାଯାଇଛି।