Odisha Janamata : ଦମ୍ପତିଙ୍କୁ ଲୁଟ ଘଟଣା ରେ ଅଭିଯୁକ୍ତ କୁ ଗିରଫ କଲା ହୀରାକୁଦ ପୋଲିସ ||

ଦମ୍ପତିଙ୍କୁ ଲୁଟ ଘଟଣା ରେ ଅଭିଯୁକ୍ତ କୁ ଗିରଫ କଲା ହୀରାକୁଦ ପୋଲିସ ||

29-Jun-2026

ବୁଧାକଟା ଡାଇକ୍‌ ନିକଟରେ ଦମ୍ପତିଙ୍କୁ ଲୁଟ୍‌ ଘଟଣାରେ , ଜଣକ ଗିରଫ କଲା ହୀରାକୁଦ ପୋଲିସ |

ଓଡିଶା ଜନ ମତ ବ୍ୟୁରୋ

ଅଭିଯୁକ୍ ମାନେ ଗାଁ, ଗଣ୍ଡା, ସହର, ବଜାର ବେଙ୍କ ବସ ଷ୍ଟାଣ୍ଡ, ରେଲୱେ ଷ୍ଟେସନ, ବସଷ୍ଟାଣ୍ଡ,ସବୁଠାରେ ଘୁରି ବୁଲୁଥାନ୍ତି କିଛି ଡକାୟତି କରିବାକୁ| ତେବ ହୀରାକୁଦ ଥାନା ଅନ୍ତର୍ଗତ ବୁଧାକଟା ଡାଇକ୍‌ ଅଞ୍ଚଳରେ ଜଣେ ଦମ୍ପତିଙ୍କୁ ଅଟକାଇ ଲୁଟ୍‌ପାଟ ଘଟଣାରେ ପୋଲିସ ଜଣେ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ହେଲେ କୈସିର ଗ୍ରାମର ସାହିଲ ମିର୍ଧା (୨୧)।ପୋଲିସ ସୂଚନା ଅନୁଯାୟୀ, ମୋଦିପଡାର ବାସିନ୍ଦା ବ୍ରଜରାଜ ପୃଷ୍ଟି ନିଜ ପତ୍ନୀଙ୍କ ସହ ଗତ ୨୭ ଜୁନ ରାତି ପ୍ରାୟ ୯ଟା ସମୟରେ ହୀରାକୁଦ ଅଭିମୁଖେ ଯାଉଥିବା ବେଳେ ବୁଧାକଟା ଡାଇକ୍‌ ନିକଟରେ ଏକ ମୋଟରସାଇକେଲରେ ଆସିଥିବା ତିନିଜଣ ଯୁବକ ତାଙ୍କୁ ଅଟକାଇଥିଲେ।ଅଭିଯୁକ୍ତମାନେ ବଳପୂର୍ବକ ଦମ୍ପତିଙ୍କ ଠାରୁ ନଗଦ ଟଙ୍କା ଓ ଏକ ମୋବାଇଲ ଫୋନ ଛଡ଼ାଇ ନେଇଥିଲେ। ବ୍ରଜରାଜ ବିରୋଧ କରିବାରୁ ତାଙ୍କୁ ହତ୍ୟା ଧମକ ଦେବା ସହ ଗଳା ଚିପିଦେବାକୁ ଉଦ୍ୟମ କରିଥିଲେ। ପରେ ସେ ଚିତ୍କାର କରିବାରୁ ଅଭିଯୁକ୍ତମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ।ଏନେଇ ବ୍ରଜରାଜ ପୃଷ୍ଟି ହୀରାକୁଦ ଥାନାରେ ଅଭିଯୋଗ କରିଥିଲେ। ପୋଲିସ ହୀରାକୁଦ ଥାନା ମାମଲା ନଂ-୧୪୨/୨୬ ରୁଜୁ କରି ତଦନ୍ତ ଆରମ୍ଭ କରିଥିଲା।ତଦନ୍ତ ସମୟରେ ପୋଲିସ ଜଣେ ଅଭିଯୁକ୍ତଙ୍କୁ ଗିରଫ କରିବା ସହ ଘଟଣାରେ ବ୍ୟବହୃତ ହୋଣ୍ଡା ସାଇନ୍‌ ମୋଟରସାଇକେଲ, ୭୭୦ ଟଙ୍କା ନଗଦ ଏବଂ ଏକ ରିଅଲମି ମୋବାଇଲ ଫୋନ ଜବତ କରିଛି। ଅନ୍ୟ ଅଭିଯୁକ୍ତମାନଙ୍କୁ ଧରିବା ପାଇଁ ପୋଲିସ ତଦନ୍ତ ଜାରି ରଖିଛି।