Odisha Janamata : ପ୍ରଧାନ ଶିକ୍ଷକ ଓ ଚତୁର୍ଥ ଶ୍ରେଣୀ କର୍ମଚାରୀ ଙ୍କ ଅବସର କାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ |

ପ୍ରଧାନ ଶିକ୍ଷକ ଓ ଚତୁର୍ଥ ଶ୍ରେଣୀ କର୍ମଚାରୀ ଙ୍କ ଅବସର କାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ |

01-Jul-2026

ପ୍ରଧାନ ଶିକ୍ଷକ ଓ ଚତୁର୍ଥ ଶ୍ରେଣୀ କର୍ମଚାରୀଙ୍କ ଅବସରକାଳୀନ ଓ ସହକାରୀ ଶିକ୍ଷକଙ୍କ ପଦୋନ୍ନତୀ ସମ୍ବର୍ଦ୍ଧନା ସଭା ଅନୁଷ୍ଠିତ।

ଓଡିଶା ) ଜନ ମତ, ମାଧବ ବେହେରା,
ଖଲ୍ଲିକୋଟ, 1/7 /07/
ଖଲ୍ଲିକୋଟ ବ୍ଲକ ଅନ୍ତର୍ଗତ ଆଇତିପୁର ପଂଚାୟତର ବିରିପୁର ସ୍ଥିତ ପୂର୍ଣ୍ଣ ଚନ୍ଦ୍ର ମର୍ଦରାଜ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରମୋଦ କୁମାର ପଣ୍ଡା ଓ ଚତୁର୍ଥ ଶ୍ରେଣୀ କର୍ମଚାରୀ ବିକ୍ରମ କୁମାର ପଣ୍ଡାଙ୍କ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିବା ବେଳେ ଏହି ବିଦ୍ୟାଳୟର ପୂର୍ବତନ ସହକାରୀ ଶିକ୍ଷକ ସର୍ବେଶ୍ୱର ମହାପାତ୍ର ପଦୋନ୍ନତି ପାଇ ତଳପଡା ସ୍ଥିତ ଠାକୁରାଣୀ ନୋଡାଲ ବିଦ୍ୟାପୀଠର ପ୍ରଧାନ ଶିକ୍ଷକ ଭାବରେ ଯୋଗ ଦେଇଥିବା ବେଳେ ତାଙ୍କୁ ମଧ୍ୟ ସମ୍ବର୍ଦ୍ଧନା କରାଯାଇଥିଲା। ଆୟୋଜିତ ସମ୍ବର୍ଦ୍ଧନା ସଭାରେ ପୂର୍ବତନ ସି ଆର ସି ସି ଜଗନ୍ନାଥ ସାମନ୍ତରାୟ ସଭାପତିତ୍ୱ କରିଥିବା ବେଳେ ସହକାରୀ ଶିକ୍ଷକ ମନୋଜ କୁମାର ମହାରଣା ସଭା ସଂଯୋଜନା କରିଥିଲେ।ମୁଖ୍ୟ ଅତିଥି ଭାବରେ ଗଞ୍ଜାମ ଜିଲ୍ଲା ଚିକିଟି ଗଡ଼ ରାଧା ମୋହନ ବିଦ୍ୟାପୀଠ ପ୍ରାକ୍ତନ ପ୍ରଧାନ ଶିକ୍ଷକ ବାସୁଦେବ ମହାନ୍ତି (ଓ ଇ ଏସ )ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବରେ ଖୋର୍ଦ୍ଧା ଜିଲ୍ଲା କୁମାଣ୍ଡଳ ସ୍ଥିତ ଯୁବଜ୍ୟୋତି ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ତଥା ଚିଲିକା ବ୍ଲକ ମାଧ୍ୟ୍ୟମିକ ବିଦ୍ୟାଳୟ ଶିକ୍ଷକ ସଙ୍ଘ (OSSTA)ସମ୍ପାଦକ ଆଶିଷ କୁମାର ପତି ଯୋଗ ଦେଇଥିଲେ। ସମ୍ମାନୀତ ଅତିଥି ଭାବରେ ସାମ୍ବାଦିକ ତଥା ସମାଜସେବୀ ଅଶୋକ କୁମାର ତ୍ରିପାଠୀ,ସି ଆର ସି ସି ରାଜେନ୍ଦ୍ର ପ୍ରସାଦ ପଣ୍ଡା,ବିଦ୍ୟାଳୟ ପରିଚାଳନା କମିଟି ସଭାପତି ରତିକାନ୍ତ ତ୍ରିପାଠୀ,ଦେବିଝର ଉନ୍ନିତ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ବେଣୁ ଗୋପାଳ ଦୋରା,ଖୋଜାପଲ୍ଲୀ ସ୍ଥିତ ସରକାରୀ ଉଚ୍ଚ ମାଧ୍ୟ୍ୟମିକ ବିଦ୍ୟାଳୟ ଅଧ୍ୟକ୍ଷା ମଧୁସ୍ମିତା ପାଢ଼ୀ ଓ ଶିକ୍ଷକ ଭିକାରି ଶବର ଯୋଗ ଦେଇଥିଲେ।କାର୍ଯ୍ୟକ୍ରମକୁ ସହକାରୀ ଶିକ୍ଷକ ରାଜ କିଶୋର ପ୍ରଧାନ, ଧୀରଜ କୁମାର ମହାରଣା ଓ ଅଭିରାମ ରାଉଳ ଆୟୋଜନ କରିଥିବା ବେଳେ ସହକାରୀ ଶିକ୍ଷୟିତ୍ରୀ ମିତିନା ଦଳେଇ, ସଂଗୀତା ପ୍ରିୟଦର୍ଶିନୀ ଓ ଜ୍ୟୋତ୍ସ୍ନାରାଣୀ ଜେନା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।କାର୍ଯ୍ୟକ୍ରମରେ ଛାତ୍ର ଛାତ୍ରୀ ମାନେ ଉତ୍ସହ ସହ ଅଂଶ ଗ୍ରହଣ କରି ନିଜର ପ୍ରିୟ ଶିକ୍ଷକ ଓ କର୍ମଚାରୀଙ୍କ ସେମାନଙ୍କ ପ୍ରତି ଅବଦାନ ବିଷୟରେ ବକ୍ତବ୍ୟ ରଖିବା ସହ ଭାବ ବିହ୍ଵଳ ହୋଇ ବିଦାୟ ଦେଇଥିଲେ।