Odisha Janamata : କଲ୍ୟାଣସିଂହ ପୁର ବ୍ଲଜ ସିଙ୍ଗାରିନିକଟରେ ବୋଲରା ବାଇକ ଧକ୍କା, ଯୁବକ ଗୁରୁତର |

କଲ୍ୟାଣସିଂହ ପୁର ବ୍ଲଜ ସିଙ୍ଗାରିନିକଟରେ ବୋଲରା ବାଇକ ଧକ୍କା, ଯୁବକ ଗୁରୁତର |

11-Jul-2026

ସିଙ୍ଗାରି ନିକଟରେ ବାଇକ ବୋଲେରୋ ମୁହାଁମୁହିଁ ଧକ୍କା,

ଯୁବକ ଗୁରୁତର,

ଓଡିଶା ଜନମତ ରାୟଗଡା,୧୧/୭,

କାମେଶ୍ୱର କରକରିଆ : ------

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକର ସିଙ୍ଗାରି ରାସ୍ତାରେ ଏକ ବାଇକ ଓ ବୋଲେରୋ ଗାଡ଼ି ମଧ୍ୟରେ ମୁହାଁମୁହିଁ ଧକ୍କା ହେବାରୁ ଜଣେ ଯୁବକ ଗୁରୁତର ଆହତ ହୋଇଥିବା ଜଣାପଡ଼ିଛି। ସୂଚନା ଅନୁସାରେ, କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ପାହାଡ଼ପଦର ପଞ୍ଚାୟତ ଖସୁଗୁଡ଼ା ଗାଁର ଇନ୍ଦୀ ସୁନାଙ୍କ ପୁଅ ଶିବ ସୁନା (୨୧) ନିଖୋଜ ହୋଇଥିବା ନିଜର ୧୨ଟି ପଶୁ ଖୋଜିବା ପାଇଁ କଲ୍ୟାଣସିଂହପୁର ଅଞ୍ଚଳକୁ ଆସିଥିଲେ। ପରେ ସେ ନିଜର ଆପାଚି ବାଇକ (ଓଡି–୦୮–ଏଏ–୨୬୬୯) ଯୋଗେ ଘରକୁ ଫେରୁଥିବା ବେଳେ ସିଙ୍ଗାରି ରାସ୍ତାର ଏକ ବୁଲାଣି ନିକଟରେ ସାମ୍ନାରୁ ଆସୁଥିବା ଗେଲ୍ ଇଣ୍ଡିଆ ପ୍ରକଳ୍ପରେ ଭଡ଼ାରେ ନିୟୋଜିତ ବୋଲେରୋ (ଓଡି–୧୮–୬୨୦୬) ସହ ମୁହାଁମୁହିଁ ଧକ୍କା ହୋଇଥିଲା।
ଦୁର୍ଘଟଣାରେ ଶିବ ସୁନା ଗୁରୁତର ଆହତ ହୋଇଥିଲେ। ସେଠାରୁ ସ୍ଥାନୀୟ ଲୋକେ ଗୁରୁତର ଶିବ କୁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଆଣିଥିଲେ କାର୍ଯ୍ୟରତ ଡାକ୍ତର ପ୍ରାଥମିକ ଚିକିତ୍ସା କରିଥିଲେ। ସୁସ୍ଥ ହେବାରୁ ପରିବାର ଲୋକେ ପହଞ୍ଚି ଭବାନୀ ପାଟଣା ମୁଖ୍ୟ କାର୍ଯ୍ୟଳୟ କୁ ନେଇଥିବା ଜଣା ପଡିଛି। ଅଭିଯୋଗ ଅନୁଯାୟୀ ଦୁର୍ଘଟଣା ପରେ ବୋଲେରୋ ଚାଳକ ଓ ସେଥିରେ ଥିବା କର୍ମଚାରୀମାନେ ଗାଡ଼ି ନେଇ ସେଠାରୁ ଚାଲିଯିବାକୁ ଉଦ୍ୟମ କରିଥିଲେ। କିନ୍ତୁ ସ୍ଥାନୀୟ ଲୋକେ ଏହା ଦେଖି ଗାଡ଼ିକୁ ଅଟକାଇ ଦେଇଥିଲେ। ସେଠାରେ ଉତ୍ତେଜିତ ଲୋକେ ବୋଲେରୋ ଗାଡ଼ିକୁ ନିଜ ଅଞ୍ଚଳକୁ ନେଇଯାଇଥିବା ବେଳେ ପରେ ୪୦ ହଜାର ଟଙ୍କାରେ ଆପୋଷ ସମାଧାନ ହୋଇଥିବା ନିଜେ ବୋଲେରୋ ଡ୍ରାଇଭର ପ୍ରକାଶ କରିଛନ୍ତି ।