Odisha Janamata : ସଦର ଦପ୍ତରା ଅଞ୍ଚଳରେ ବହୁବାରରାସ୍ତା ଉପରେ ଗଛ ପଡ଼ି ରାସ୍ତା ଅବରୋଧ |

ସଦର ଦପ୍ତରା ଅଞ୍ଚଳରେ ବହୁବାରରାସ୍ତା ଉପରେ ଗଛ ପଡ଼ି ରାସ୍ତା ଅବରୋଧ |

14-Jul-2026

*ସଦର ଦପ୍ତରାଞ୍ଚଳରେ ବହୁବାର ଗଛଭାଙ୍ଗି ରାସ୍ତା ଅବରୋଧ !*
*ପ୍ରତିକାର ପାଇଁ ଦାବୀ ।।*
ଓଡିଶା ଜନ ମତ,ବ୍ରହ୍ମପୁର, ତା. ୧୪ / ୭,

କେ.ସତ୍ୟନାରାୟଣ ରେଡ୍ଡୀ
ଗଞ୍ଜାମ ଜିଲ୍ଲାପାଳ ଙ୍କ କାର୍ଯ୍ୟାଳୟ କ୍ୟାମ୍ପସ ତଥା ଛତ୍ରପୁର ସଦର ଦପ୍ତରାଞ୍ଚଳର ଜିଲ୍ଲାଟ୍ରେଜରୀ ଅଫିସ୍ ମୁଖ୍ୟଫାଟକ ସମ୍ମୁଖରେ ସୋମବାର ସନ୍ଧ୍ୟାରେ ସାମାନ୍ୟ ହାଲ୍କା ପବନ ବହିବାବେଳେ କଦମ୍ବଗଛ ର ଏକ ପଲା ଶାଖା ଭାଙ୍ଗିଯିବା ଫଳରେ ରାସ୍ତା ଅବରୋଧ ହୋଇରହିଥିଲା । ଏଥିରେ କେହି ମୃତାହତ ହୋଇନଥିବା ଜଣାପଡ଼ିଛି ଏଠାରେ ସୂଚନା ଯୋଗ୍ୟ ଯେ` ଜିଲ୍ଲା ସଦର ମହକୁମା ଛତ୍ରପୁର ସହରାଞ୍ଚଳରେ ଲଗାଯାଇଥିବା ଗଛ ଗୁଡ଼ିକ ବିଦ୍ୟୁତ୍ ବତୀଖୁଣ୍ଟ କୁ ଲାଗି ପ୍ରଜ୍ଜ୍ୱଳିତ ବତୀ କୁ ଘୋଡେଇ ହୋଇ ଆଲୋକ କୁ ଅବରୋଧ କରି ଆସୁଥିବା ବେଳେ ଅନେକ ଗଛର ଶାଖାପ୍ରଶାଖା ଗୁଡ଼ିକ ନଇପଡ଼ି ରାସ୍ତାରେ ଯାଆ ଆସ କରୁଥିବା ଲୋକଙ୍କ ମୁଣ୍ଡକୁ ବାଜୁଛି । ବାଇକ୍ ଓ କାର୍ ଆଦି ଛୋଟବଡ଼ ଯାନବାହନ ଚଳାଚଳ ବେଳେ ବାଇକ୍ ଆରୋହୀ ଙ୍କୁ ଓ ଯାନବାହାନ ଆଦି ପାର୍ଶ୍ୱ ଦେଇ ଅତିକ୍ରମ କଲାବେଳେ କ୍ଷତିଗ୍ରସ୍ତ ହେଉଥିବାର ନଜର କୁ ଆସୁଅଛି । ତେଣୁ ରାସ୍ତା ଅତିକ୍ରମ କରିବା ବେଳେ ରାସ୍ତା ପାର୍ଶ୍ୱରେ ଥିବା ଗଛ ଗୁଡ଼ିକ ଦ୍ୱାରା ଲୋକମାନେ ବିଶେଷ ପ୍ରଭାବିତ ହେଉଛନ୍ତି । ତେଣୁ ସଦରଦପ୍ତରାଞ୍ଚଳର ରାସ୍ତାପାର୍ଶ୍ୱରେ ଥିବା ଗଛଗୁଡିକୁ ଆଂଶିକ ଡାଳ କାଟି ଗଛ ସାଇଜ୍ କରିବାକୁ ସାଧାରଣରେ ଦାବୀ ହେଉଅଛି । ଉଚ୍ଚକର୍ତ୍ତୃପକ୍ଷ ତଥା ଗଞ୍ଜାମ ଜିଲ୍ଲାପାଳ ଏଦିଗରେ ଧ୍ୟାନ ଦେବାକୁ ସାଧାରଣରେ ଅନୁରୋଧ କରାଯାଉଛି ।।