Odisha Janamata : ଅବିଭବଙ୍କ ମନରେ ଅସନ୍ତୋଷ ଗୋନା ମେଡିକାଲ ପାଖରେ ମଦ ବିକ୍ରି |

ଅବିଭବଙ୍କ ମନରେ ଅସନ୍ତୋଷ ଗୋନା ମେଡିକାଲ ପାଖରେ ମଦ ବିକ୍ରି |

18-Jul-2026

ଗୋନା ମେଡିକାଲ ହଷ୍ଟେଲ ସମ୍ମୁଖରେ ଖୋଲାଖୋଲି ମଦ ବିକ୍ରି ଅଭିଯୋଗ |

ଓଡିଶା ଜନ ମତ ବ୍ୟୁରୋ,

ଅପରାଧୀ ମାନେ ଓ ମାଫିଆ ମାନେ ଯେକୌଣସି ଉପାୟରେ ମଧ୍ୟ ଅର୍ଥ ରୋଜଗାର ପାଇଁ ପଛାଉ ନାହାନ୍ତି ||ସେମାନେ ସରକାର ଙ୍କ ନିୟମ କୁ ମାନୁନାହାନ୍ତି କିଛି ମାଫିଆ ବ୍ୟବସ୍ୟାୟି ମାନେ ସବୁଠାରେ ଚର୍ଚ୍ଚା କାହା ଛତ୍ରଛାୟାରେ ଚାଲିଛି ଅବୈଧ ମଦ ବ୍ୟବସାୟ ନବରଙ୍ଗପୁର ଜିଲ୍ଲାର ରାଇଘର ବ୍ଲକ ଅନ୍ତର୍ଗତ ଗୋନା ପଞ୍ଚାୟତରେ ଗୋନା ମେଡିକାଲ ଓ ହଷ୍ଟେଲ ସମ୍ମୁଖରେ ଦୀର୍ଘଦିନ ଧରି ଖୋଲାଖୋଲି ଭାବେ ଅବୈଧ ମଦ ବିକ୍ରି ଚାଲୁଥିବା ଅଭିଯୋଗ ସାମ୍ନାକୁ ଆସିଛି। ସ୍ଥାନୀୟ ଲୋକଙ୍କ କହିବା ଅନୁଯାୟୀ, କିଛି ଫାଷ୍ଟ ଫୁଡ୍ ଦୋକାନ ଆଳରେ ମଦ ବିକ୍ରି ହେଉଥିବା ସହ ସନ୍ଧ୍ୟା ସମୟରେ ଏହି ଅଞ୍ଚଳ ମଦ୍ୟପାନକାରୀଙ୍କ ଆଡ୍ଡାସ୍ଥଳୀରେ ପରିଣତ ହେଉଛି।ଅଭିଯୋଗ ଅନୁସାରେ, ଏହି ଅବୈଧ ମଦ ବ୍ୟବସାୟ ଫଳରେ ମଦ ବେପାରୀମାନେ ଲାଭବାନ ହେଉଥିବା ବେଳେ ସାଧାରଣ ଲୋକ, ରୋଗୀ ଓ ଛାତ୍ରଛାତ୍ରୀଙ୍କ ଉପରେ ଏହାର କୁପ୍ରଭାବ ପଡ଼ୁଛି। ମେଡିକାଲକୁ ଆସୁଥିବା କିଛି ଲୋକ ମଦ୍ୟପାନ କରି ପରିସର ନିକଟରେ ସମୟ କାଟୁଥିବାରୁ ପରିବେଶ ଅଶାନ୍ତ ହେଉଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି।ସେହିପରି, ହଷ୍ଟେଲକୁ ଆସୁଥିବା କିଛି ଅଭିଭାବକ ମଧ୍ୟ ମଦ୍ୟପାନ କରି ହଷ୍ଟେଲ ନିକଟରେ ରହୁଥିବାରୁ ଛାତ୍ରଛାତ୍ରୀଙ୍କ ପାଇଁ ଏକ ଅସ୍ୱସ୍ଥକର ପରିବେଶ ସୃଷ୍ ହେଉଥିବା ଅଭିଯୋଗ ରହିଛି। ସ୍ୱାସ୍ଥ୍ୟ କେନ୍ଦ୍ର ଓ ଛାତ୍ରାବାସ ପରି ସମ୍ବେଦନଶୀଳ ସ୍ଥାନ ନିକଟରେ ଏଭଳି କାର୍ଯ୍ୟକଳାପକୁ ନେଇ ସ୍ଥାନୀୟ ଅଞ୍ଚଳରେ ଚିନ୍ତା ବଢ଼ିଛି। ସ୍ଥାନୀୟ ବାସିନ୍ଦା ମାନେ ଅବୈଧ ମଦ ବ୍ୟବସାୟ ଉପରେ ପ୍ରଶାସନ ଓ ଅବକାରୀ ବିଭାଗ କୁ କଡା ପଦକ୍ଷେପ ନେବାକୁ ଦାବି କରିଛନ୍ତି। ଏଥିସହ ସ୍ୱାସ୍ଥ୍ୟ କେନ୍ଦ୍ର ଓ ହଷ୍ଟେଲ ପରିସରରେ ନିୟମିତ ପାଟ୍ରୋଲିଂ ବଢ଼ାଇବାକୁ ମଧ୍ୟ ସାଧାରଣରେ ଦାବି ଉଠିଛି।