Odisha Janamata : ଚୋରାମଦ ବ୍ୟବସାୟୀ ମାନଙ୍କୁ ଧରି ପୋଲିସି ରେ ଜିମାଦେଲେ ଗ୍ରାମବାସୀ |

ଚୋରାମଦ ବ୍ୟବସାୟୀ ମାନଙ୍କୁ ଧରି ପୋଲିସି ରେ ଜିମାଦେଲେ ଗ୍ରାମବାସୀ |

18-Jul-2026

ଗ୍ରାମବାସୀ ଦେଶୀ ମଦ ବୋଝେଇ ସ୍କୁଟିକୁ ଅଟକ ରଖି ପୁଲିସପାଖ ରେ ଜିମାଦେଲେ |

ଓଡିଶା ଜନ ମତ ବ୍ୟୁରୋ ,

ଅଧିକ ରୋଜଗାର ଆଶାରେ କିଛି ଯୁବଗୋଷ୍ଟି ଓଗରିବ, ମଧ୍ୟ ବିତ ପରିବାର ର ବ୍ୟକ୍ତି ମାନେ ଅପରାଧିକ କାର୍ଯ୍ୟ ରେ ଲିପ୍ତ ରହିଥାନ୍ତି ||ବହୁଦିନ ରୁ ଏପରି ଏକ ଅପରାଧିକ କାର୍ଯ୍ୟରେ ଲିପ୍ତ ଥିବା ଓ ଚୋରାରେ ଦେଶୀ ମଦ ବିକୁଥିବା ବ୍ୟକ୍ତି ମାନଙ୍କୁ ପୋଲିସ ପାଖରେ ପହଞ୍ଚାଇ ପାରିଛନ୍ତି |ତାହାହେଲା ଖଣ୍ଡପଡ଼ା ଥାନା ଅଧୀନ ଖଳିସାହି ପଞ୍ଚାୟତ କୋଟପୋଖରୀ ଗ୍ରାମରେ ଦିର୍ଘ ଦିନ ଚୋରାରେ ଦେଶୀ ମଦ ବେପାର ଚଳାଇ ଆସୁଥିବା ଅଖିଳ ସ୍ବାଇଁଙ୍କ ଦେଶୀ ମଦ ବୋଝେଇ ହୋଇଥିବା ଏକ ସ୍କୁଟି ଗାଡିକୁ ସ୍ଥାନୀୟ ବାସିନ୍ଦା ଅଟକ ରଖି ଖଣ୍ଡପଡ଼ା ପୁଲିସକୁ ହସ୍ତାନ୍ତର କରିଥିବା ଜଣାଯାଇଛି। ଗ୍ରାମବାସୀଙ୍କ ଠାରୁ ଖବରପାଇ ପୁଲିସ ଘଟଣାସ୍ଥଳରେ ପହଞ୍ଚି ଦେଶୀ ମଦ ବୋଝେଇ ହୋଇଥିବା ସ୍କୁଟି ଟି କୁ ମଦ ବେପାରୀଙ୍କ ବାସଗୃହ ସମ୍ମୁଖରୁ ଜବତ କରି ଖଣ୍ଡପଡ଼ା ଥାନାକୁ ନେଇଥିବା ଜଣାପଡିଛି।ତେବେ ମଦ ବେପାରୀ ଘଟଣାସ୍ଥଳରୁ ଫେରାର ହୋଇ ଯାଇଥିବା ବେଳେ ଏ ସଂର୍ପକରେ ଏକ ମାମଲା ରୁଜୁ କରି ପୁଲିସ ଘଟଣାର ତଦନ୍ତ ଚଳାଇଥିବା ଖଣ୍ଡପଡ଼ା ଥାନାଧିକାରୀ କୃତିବାସ ହରିଚନ୍ଦନଙ୍କ ଠାରୁ ପ୍ରକାଶ। ସୂଚନାଯୋଗ୍ଯ କୋଟପୋଖରୀ ଗ୍ରାମବାସୀଙ୍କ ବାରମ୍ବାର ବାରଣ ସତ୍ତ୍ବେ ମଧ୍ଯ ସଂପୃକ୍ତ ମଦ ବେପାରୀ ଜଣକ ବିଭିନ୍ନ ସମୟରେ ଗ୍ରାମବାସୀଙ୍କୁ ଗାଳିଗୁଲଜ କରି ଭୟଭୀତ କରିବା ସହ ନିର୍ବିଘ୍ନରେ ଚୋରାରେ ଦେଶୀ ମଦ ବେପାର ଚଳାଇ ଆସୁଥିବା ଗ୍ରାମବାସୀଙ୍କ ସୂତ୍ରରୁ ଜଣାପଡିଛି।ଏହି ଘଟଣା ଏବେ ଖଳିସାହି ପଞ୍ଚାୟତରେ ଚର୍ଚ୍ଚାର ବିଷୟ ପାଲଟିଛି।