Odisha Janamata : ଗୁଜବ କୁ ଖଣ୍ଡନ କରି ସ୍ପଷ୍ଟି କରଣ ଦେଲେ ବିକ୍ରମ

ଗୁଜବ କୁ ଖଣ୍ଡନ କରି ସ୍ପଷ୍ଟି କରଣ ଦେଲେ ବିକ୍ରମ

19-Jul-2026

ବିଜେପିରେ ବିକ୍ରମ ଆରୁଖ ମିଶିବା ଗୁଜବ କୁ ଖଣ୍ଡନ କଲେ ଆରୁଖ,ମୁ ବିଜେଡିରେ ଥିଲି,ଅଛି ଏବଂ ରହିବି,

ଓଡିଶା ଜନ ମତ ବ୍ୟୁରୋ,

ରାଜନୀତିରେ ନେତାମାନେ କିଛିବର୍ଷ ଦଳରେ ରହିଲା ପରେ ଯେତେବେଳେ ନେତାଙ୍କ ସ୍ୱାର୍ଥ ରେ ବାଧା ଆସେ, କିମ୍ବା କିଛି କାର୍ଯ୍ୟ ହାସଲ ନହୁଏ, କିମ୍ବା ପଦ ପଦବୀ, ପତିଆରା ନମିଳେ ତେବେ ସେମାନେ ଦଳ ପରିବର୍ତ୍ତନ କରିଅନ୍ୟ ଦଳରେ ସାମିଲ ହୋଇଥାନ୍ତି |କିନ୍ତ ଏପରି କିଛି ନେତା ଅଛନ୍ତି ଯେଉଁମାନେ ପ୍ରଥମରୁ ଶେଷ ପର୍ଯ୍ୟନ୍ତ ଗୋଟିଏ ଦଳରେ ରହିଥାନ୍ତ | ସେମାନଙ୍କୁ ସରକାରୀ ଦଳ କିମ୍ବା ବିରୋଧୀ ଦଳ ଯେତେ ସୁଯୋଗ ଏବଂ ଅର୍ଥ, ପଦ ପଦବୀ ଯାଚିଲେ ମଧ୍ୟ ସେମାନେ ଏହି ଅଯାଚିତ ଦାନ କୁ ଗ୍ରହଣ କରି ନଥାନ୍ତି | ଗଞ୍ଜାମ ଜିଲ୍ଳାରେ ବହୁତ ନେତା ଙ୍କ ମଧ୍ୟରେ ଜଣେ ହେଉଛନ୍ତି ଭଞ୍ଜନଗର ବିଧାନ ସଭାର ପୂର୍ବତନ ବିଧାୟକ ତଥା ମନ୍ତ୍ରୀ ବିକ୍ରମ କେଶରୀ ଆରୁଖ | ବିକ୍ରମଗଞ୍ଜାମ ଜିଲ୍ଲାର ବରିଷ୍ଠ ବିଜେଡି ନେତା ତଥା ପୂର୍ବତନ ଭଞ୍ଜନଗର ବିଧାୟକ ବିକ୍ରମ କେଶରୀ ଆରୁଖଙ୍କୁ ନେଇ ରବିବାର ଦିନ ତମାମ ବିଭିନ୍ନ ଗଣମାଧ୍ୟମରେ ବିଜେପିରେ ସାମିଲ ହେଉଥିବା ନେଇ ଆଲୋଚନା ଚାଲିଥିବା ବେଳେ ବିକ୍ରମ କେଶରୀ ଆରୁଖ ଏ ନେଇ ସ୍ୱଷ୍ଟିକରଣ ରଖିଛନ୍ତି। ଏଭଳି ଆଲୋଚନା କେବଳ ଏକ ଗୁଜବ ବୋଲି କହିବା ସହ ବିଜୁ ଜନତା ଦଳର ମୁ ପ୍ରତିଷ୍ଠାତା ସଦସ୍ୟ। ମୋର ପ୍ରିୟ ନେତା ହେଉଛନ୍ତି ନବୀନ ପଟ୍ଟନାୟକ, ମୋ ପ୍ରିୟ ଦଳ ହେଉଛି ବିଜୁ ଜନତା ଦଳ। ମୁଁ ବିଜୁ ଜନତା ଦଳରେ ପ୍ରତିଷ୍ଠା ଦିନଠାରୁ ଆନ୍ତରିକତାର ସହିତ କାର୍ଯ୍ୟ କରିଆସିଛି। ମୁଁ ଅନ୍ୟ ରାଜନୈତିକ ଦଳରେ ଯୋଗ ଦେବା ନେଇ ହେଉଥିବା ଆଲୋଚନାରେ କୌଣସି ସତ୍ୟତା ନାହିଁ। ଇଏ ଗୁଜବ ମାତ୍ର ମୁଁ ବିଜୁ ଜନତା ଦଳରେ ଥିଲି, ଅଛି ଏବଂ ରହିବି। ଏଥି ସହିତ ବିଜୁ ଜନତା ଦଳର ରାଜନୈତିକ ବ୍ୟାପାର କମିଟିର ସଦସ୍ୟ ଭାବେ ରହିଥିବା ବେଳେ ବ୍ୟକ୍ତିଗତ ଅସୁବିଧା କାରଣରୁ ଗୋଟିଏ ଦୁଇଟି ବୈଠକରେ ଯୋଗ ଦେଇପାରିନି। ତାକୁ ନେଇ ଯଦି ଚର୍ଚ୍ଚା କରାଯିବ ତେବେ ଏହା ଅମୂଳକ ମାତ୍ର ବୋଲି ଶ୍ରୀ ଆରୁଖ ସ୍ୱଷ୍ଟିକରଣ ରଖିଛନ୍ତି। ବିଜୁ ଜନତା ଦଳରେ ରହିଛି, ମୋ ପ୍ରିୟ ନେତା ନବୀନ ପଟ୍ଟନାୟକ ଏବଂ ମୁଁ ତାଙ୍କ ନେତୃତ୍ୱରେ କାର୍ଯ୍ୟ କରୁଛି,ଆଗାମୀ ଦିନରେ ମଧ୍ୟ କାର୍ଯ୍ୟ କରିବି ବୋଲି କହିଛନ୍ତି। ପ୍ରକାଶ ଥାଉକି,ଗତ କିଛି ଦିନ ହେବ ବିଜେପି ଫୋକସରେ ଗଞ୍ଜାମ ଜିଲ୍ଲା ରହିଥିବା ବେଳେ ପୂର୍ବତନ ମନ୍ତ୍ରୀ ବିକ୍ରମ କେଶରୀ ଆରୁଖ ବିଜେପିରେ ସାମିଲ ହେଉଥିବା ନେଇ ଆଲୋଚନା ହୋଇଥିଲା। ଏ ନେଇ ଗୁପ୍ତ ବୈଠକ ହୋଇଥିବା ମଧ୍ୟ ଚର୍ଚ୍ଚା ଜୋର ଧରିଥିଲା। ଏ ନେଇ ଆଜି ଶ୍ରୀ ଆରୁଖ ଏକ ଭିଡିଓ ବାର୍ତା ଯୋଗେ ନିଜର ସ୍ୱଷ୍ଟିକରଣ ଦେଇଛନ୍ତି।

ଡ଼ଃ ଭଗବାନ ତ୍ରିପାଠୀ ପୋଲସରା ବିଜ୍ଞାନ ମହାବିଦ୍ୟାଳୟ ର ଅଧକ୍ଷ ଭାବେ ଯୋଗଦେବେ |

ଟ୍ରାନ୍ସଫର ମ ଚାରିପଟେ ସୁରକ୍ଷା ବାଡ଼ ଦେବାକୁ ଅଞ୍ଚଳ ବାସୀଙ୍କ ଦାବି |