Odisha Janamata : ବୁଦା ମୂଳରୁ ନବଜାତ ଶିଶୁପୁତ୍ର ଉଦ୍ଧାର ||

ବୁଦା ମୂଳରୁ ନବଜାତ ଶିଶୁପୁତ୍ର ଉଦ୍ଧାର ||

20-Jul-2026

ହୃଦୟ ହୀନ ମାଆ ବୁଦା ମୂଳକୁ ଫୋପାଡ଼ି ଦେଲା ନବଜାତ ଶିଶୁ ପୁତ୍ରକୁ |ଓଡିଶା ଜନ ମତ ବ୍ୟୁରୋ,

ସନ୍ତାନ ଟିଏ ପାଇବା ପାଇଁ ଗୋଟିଏ ମାଆ ବାର ଓଷା, ତେର ବ୍ରତ କରି ଦେବ, ଦେବୀଙ୍କ ପାଖେ ଅଧିଆ ପଡିଥାଏ, ବେଳେ ବେଳେ ତଥାପି ପ୍ରାପ୍ତ ହୁଏନି ସନ୍ତାନ ଟିଏ | ହେଲେ ଜଣେ ପାଷାଣୀ ହୃଦୟ ହୀନ ମାଆ ଟିଏ ଆଜି ତାର ନବଜାତ ଶିଶୁ ପୁତ୍ର ଟିକୁ ବୁଦା ମୂଳକୁ ଫୋପାଡ଼ି ଚାଲି ଯାଇଛି |ଅଲୋଡ଼ା ହେଲା ନବଜାତ ଶିଶୁ ପୁତ୍ର। ଲୋକେ ସନ୍ତାନ ଟିଏ ପାଇବା ପାଇଁ ମାନସିକ କେତେ କଣ ଉପାୟ କରୁଥିଲେ ମଧ୍ୟ ସନ୍ତାନ ପ୍ରାପ୍ତି ଖୁସିରୁ ବଞ୍ଚିତ ରହୁଛନ୍ତି। କିନ୍ତୁ ନିଜ ଗର୍ଭରୁ ଜନ୍ମ ଦେଇଥିବା ଶିଶୁ ପୁତ୍ରକୁ ନିର୍ଦ୍ଦୟ ଭାବେ ବୁଦା ମୂଳେ ଅନାଥ ଭଳି ଫୋପାଡ଼ି ଚାଲିଯିବା ଘଟଣା ଦେଖିବାକୁ ମିଳିଛି ଭଞ୍ଜନଗର ଥାନା ଅଧିନ ମୁଜାଗଡ ଗ୍ରାମରେ। ନିକଟସ୍ଥ ପେଟ୍ରୋଲ ପମ୍ପ ଠାରୁ କିଛି ଦୂରରୁ ଶିଶୁ ଟିକୁ ଉଦ୍ଧାର କରି ପ୍ରଥମେ ମୁଜାଗଡ ସ୍ୱାସ୍ଥ୍ୟକେନ୍ଦ୍ର ଓ ପରେ ଭଞ୍ଜନଗର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି। ସେଠାରେ ଏସଏନସିୟୁରେ ଭର୍ତ୍ତି କରି ଚିକିତ୍ସା ଆରମ୍ଭ ହୋଇଛି। ସୂଚନା ଅନୁଯାୟୀ, ଗ୍ରାମର ରାଇସର ଗୌଡ଼ ମୁଜାଗଡା ମୁଖ୍ୟ ରାସ୍ତା କଡ଼ ଜମିରେ ଗାଈ ଚରାଉଥିଲେ ଏହି ସମୟରେ ଏକ ଶିଶୁର କାନ୍ଦ ଶବ୍ଦ ଶୁଣିଥିଲେ। ପେଟ୍ରୋଲ ପମ୍ପ ନିକଟ ଏକ ବୁଦା ଶିଶୁ ଟିଏ ପଡ଼ିଥିବା ଦେଖି ନିକଟରେ ଧାନ ରୁଆ କାମ କରୁଥିବା ସେହି ଗ୍ରାମର ଲକ୍ଷ୍ମୀ ସେଠୀକୁ ଡାକିଥିଲେ। ଏହାପରେ ଲକ୍ଷ୍ମୀ ସେଠାରେ ପହଞ୍ଚିବା ପରେ ଉକ୍ତ ଶିଶୁ ଉପରେ ଏକ ଚୁନି ପଡ଼ିଥିବା ବେଳେ କାନ୍ଦୁଥିବା ଦେଖି ତୁରନ୍ତ ତାକୁ ସେଠାରୁ ଉଦ୍ଧାର କରି ଗ୍ରାମବାସୀଙ୍କ ସହାୟତାରେ ନିକଟ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଖବର ପାଇଁ ପୁଲିସ ମଧ୍ୟ ସେଠାରେ ପହଞ୍ଚି ଥିବା ବେଳେ ସେଠାରୁ ଆଶା କର୍ମୀ ଶାରଳା ନାୟକଙ୍କ ସହାୟତାରେ ଉକ୍ତ ଶିଶୁକୁ ଭଞ୍ଜନଗର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି। ସେଠାରେ ତାର ଏସଏନସିୟୁ ରେ ଚିକିତ୍ସା ଚାଲିଥିବା ଜଣାପଡ଼ିଛି। ଶିଶୁଟିର ଓଜନ ୧କେଜି ୭୦୦ ଗ୍ରାମ୍ ରହିଥିବା ବେଳେ ବର୍ତ୍ତମାନ ସୁସ୍ଥ ରହିଥିବା ମେଡିକାଲ କତ୍ତୃପକ୍ଷ ସୂଚନା ଦେଇଛନ୍ତି। ଅବୈଧ ସନ୍ତାନ ଜନ୍ମ ପରେ ଲୋକ ଲଜ୍ଜ୍ୟାରୁ ରକ୍ଷା ପାଇବା ପାଇଁ କେହି ଏଭଳି ଅବସ୍ଥାରେ ଶିଶୁକୁ ଛାଡି ଦେଇଥିବା ଆଲୋଚନା ହେଉଥିବା ବେଳେ ଶିଶୁପୁତ୍ର ଟି ଏଠାକୁ କିପରି ଆସିଲା ପ୍ରକୃତ ତଦନ୍ତ ପରେ ତାହା ସ୍ପଷ୍ଟ ହେବ |