ପ୍ରସିଦ୍ଧ ସନ୍ଥ ପ୍ରେମାନନ୍ଦ ମହାରାଜ ଙ୍କ ଆଶୀର୍ବାଦ ପାଇଁ ବୃନ୍ଦାବନ ଗଲେ ଅନୁଷ୍କା ଓ ବିରାଟ କୋହିଲି |
23-Jul-2026
ଷ୍ଟାର କ୍ରିକେଟର ବିରାଟ କୋହିଲି ଓ ଅଭିନେତ୍ରୀ ଅନୁଷ୍କା ଶର୍ମା ପୁଣି ଥରେ ଚର୍ଚାରେ |
( ବୃନ୍ଦାବନ ରେଥିବା ମହାନ ସନ୍ଥ ପ୍ରେମାନନ୍ଦ ଙ୍କ ଆଶୀର୍ବାଦ ପାଇଁ କାଦୁଅରେ ଖାଲି ପାଦରେ ଚାଲି ଚାଲି ଗଲେ |
ଓଡିଶା ଜନ ମତ ବ୍ୟୁରୋ,
କେତେବେଳେ କିଏ କେଉଁ କାମ ପାଇଁ ଚର୍ଚ୍ଚା ରେ ରୁହନ୍ତି ସେ ଅଭିନେତା ଅଭିନେତ୍ରୀ, ହୁଅନ୍ତୁ, କିମ୍ବା ଖେଳାଳି,ରାଜନେତା, ପ୍ରଶାସକ ହୁଅନ୍ତୁ | ଆଧ୍ୟାତ୍ମିକ ଚିନ୍ତାଧାରା ପାଇଁ ଦୁଇଜଣ ସେଲିବ୍ରିଟି ଆଜି ଚର୍ଚାରେ, ସେମାନେ ହେଲେ ଷ୍ଟାର କ୍ରିକେଟର ବିରାଟ କୋହଲି ଏବଂ ଅଭିନେତ୍ରୀ ଅନୁଷ୍କା ଶର୍ମା ପୁଣି ଥରେ ନିଜରନିଚ୍ଛ ଭକ୍ତି ଭାବ ଶୈଳୀ ର ପରାକାଷ୍ଠା ପାଇଁ ଚର୍ଚ୍ଚାରେ ଅଛନ୍ତି। ନିକଟରେ ଏହି ଦମ୍ପତି ବୃନ୍ଦାବନ ଗସ୍ତ କରି ଭକ୍ତିର ଏକ ଅନନ୍ୟ ଉଦାହରଣ ସୃଷ୍ଟ କରିଛନ୍ତି। ବିରାଟ ଓ ଅନୁଷ୍କା ବୃନ୍ଦାବନର ଗଳିରେ କାଦୁଅ ଥିବା ସତ୍ତ୍ୱେ ଖାଲି ପାଦରେ ଚାଲି ଥିଲେ | ସେମାନଙ୍କ ଏହି ନମ୍ରତା ଓ ସରଳତା ପାଇଁ ସେମାନଙ୍କ ରପ୍ରଶଂସକ ମାନେ ବେଶି ଉତ୍ସାହିତ ହେବାସହ ଏହି ବ୍ୟକ୍ତି ମାନଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ସହ କୋଟି କୋଟି ପ୍ରଶଂସକଙ୍କ ମନ ଜିତିପାରନ୍ତି । ନିଜର ଏହି ଗସ୍ତ ସମୟରେ ବିରାଟ ଏବଂ ଅନୁଷ୍କା ପ୍ରସିଦ୍ଧ ସନ୍ଥ ପ୍ରେମାନନ୍ଦ ଜୀ ମହାରାଜଙ୍କୁ ଭେଟିଥିଲେ। ସେମାନେ ମହାରାଜଙ୍କ ଆଶ୍ରମରେ ପହଞ୍ଚି ତାଙ୍କ ଆଶୀର୍ବାଦ ଗ୍ରହଣ କରିବା ସହ କିଛି ସମୟ ଧରି ତାଙ୍କର ଆଧ୍ୟାତ୍ମିକ ପ୍ରବଚନ ଶୁଣିଥିଲେ। ଭିଡିଓରେ ଦେଖିବାକୁ ମିଳିଛି ଯେ, ଉଭୟ ଅତ୍ୟନ୍ତ ଭକ୍ତିର ସହ ହାତ ଯୋଡ଼ି ବସିଛନ୍ତି ଏବଂ ମହାରାଜଙ୍କ ପ୍ରତି ଶ୍ରଦ୍ଧା ଅର୍ପଣ କରୁଛନ୍ତି ।ସେଠାରେ ଉପସ୍ଥିତ ଥିବା ଭକ୍ତ ଏବଂ ସ୍ଥାନୀୟ ଲୋକଙ୍କୁ ବିରାଟ ଓ ଅନୁଷ୍କା ଅତ୍ୟନ୍ତ ଆନ୍ତରିକତାର ସହ `ରାଧେ-ରାଧେ` କହି ଅଭିବାଦନ ଜଣାଇଥିଲେ। ଜଣେ ବିଶ୍ୱ ସ୍ତରୀୟ ସେଲିବ୍ରିଟି ହୋଇ ମଧ୍ୟ ସେମାନଙ୍କର ଏପରି ଅହଂକାର ଶୂନ୍ୟ ବ୍ୟବହାର ଏବଂ ଧର୍ମ ପ୍ରତି ଥିବା ଗଭୀର ଆସ୍ଥା ସମସ୍ତଙ୍କୁ ପ୍ରଭାବିତ କରିଛି। କେବଳ କ୍ରିକେଟ୍ ମୈଦାନ ନୁହେଁ, ବରଂ ବ୍ୟକ୍ତିଗତ ଜୀବନରେ ମଧ୍ୟ ସେମାନେ ଭାରତୀୟ ସଂସ୍କୃତି ଓ ପରମ୍ପରାକୁ କେତେ ସମ୍ମାନ ଦିଅନ୍ତି । ସାରା ଦେଶରେ ଏହି "ବିରୁଷ୍କା" ଯୋଡ଼ିଙ୍କୁ ନେଇ ବେଶ୍ ପ୍ରଶଂସା କରାଯାଉଛି।
Breaking
News