Odisha Janamata : ଅଲାଡି ଗାଁ ନଦୀରୁ ବୃଦଙ୍କ ମୃତ ଦେହ ଉଦ୍ଧାର କଲା ପୁରୁଷୋତ୍ତମପୁର ପୋଲିସ |

ଅଲାଡି ଗାଁ ନଦୀରୁ ବୃଦଙ୍କ ମୃତ ଦେହ ଉଦ୍ଧାର କଲା ପୁରୁଷୋତ୍ତମପୁର ପୋଲିସ |

25-Jul-2026

ଋଷିକୁଲ୍ୟାରୁ ବୃଦ୍ଧଙ୍କ ମୃତଦେହ ଉଦ୍ଧାର |
ଓଡିଶା ଜନ ମତ ବ୍ୟୁରୋ,
ଷୋତ୍ତମପୁର ବ୍ଳକ କେ ଏନ ପୁର ଅନ୍ତର୍ଗତ ଅଲାଡ଼ିଗାଁ ନିକଟ ଋଷିକୁଲ୍ୟା ନଦୀରୁ ଜନୈକ ବୃଦ୍ଧ ବୃଦ୍ଧଙ୍କ ମୃତ ଦେହ ଦେଖି କିଛି ଲୋକ ପୁରୁଷୋତ୍ତମପୁର ପୋଲିସକୁ ଖବର ଦେଇଥିଲେ | ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଠାବ କରିବା ସହିତ ସେହି ଶବକୁ ଜବତ କରିବା ସହ ବ୍ୟବଛେଦ ପାଇଁ ପଠାଇଛି । ମୃତକ ଜଣଙ୍କ ହେଲେ ରବୀନ୍ଦ୍ର ପଣ୍ଡା (୬୫) ବର୍ଷ ଅଟେ |.ଏହି କେସର ତଦନ୍ତକାରୀ ଅଧିକାରୀ ସୁଶାନ୍ତ କୁମାର ମିଶ୍ରଙ୍କ ଠାରୁ ସୂଚନା ମିଳିଛି ଯେ ମୃତ ରବୀନ୍ଦ୍ରପଣ୍ଡା ନିଜ ଘର ବ୍ରହ୍ମପୁର ଲୋଚାପଡା ସ୍ଥିତ ରାମକୃଷ୍ଣ ନଗର ତୃତୀୟ ସାହିରେ ରହୁଥିଲା ବେଳେ କିଛି ଦିନ ହେଲା ପୁରୁଷୋତ୍ତମପୁର ସହରର କପିଳେଶ୍ବର ନଗରରେଥିବା ତାଙ୍କ ସାନ ପୁଅସୂର୍ଯ୍ୟ ନାରାୟଣ ପଣ୍ଡାଙ୍କ ପାଖରେ ରହୁଥିଲେ | ଗତ ୨୧ ତାରିଖସକାଳୁ ସେ ଘରୁ କେଉଁଆଡ଼େ ଚାଲିଯାଇ ଥିଲେ | ସକାଳୁ ସନ୍ଦ୍ୟା ପର୍ଯ୍ୟନ୍ତ ସେ ନଫେରିବାରୁ ପୁଅ ସହର ର ବିଭିନ୍ନ ସାହି ନଦୀ ତଟ ଏବଂ ବ୍ରହ୍ମପୁର ସବୁ ଖୋଜା ଖୋଜି ପରେ ତାଙ୍କର ସନ୍ଧାନ ନମିଳିବାରୁ ତାଙ୍କ ପରିବାର ପକ୍ଷରୁ ଏକ ନିଖୋଜ ଏତଲା ପୁରୁଷୋତ୍ତମପୁର ଥାନା ରେ ଗତ 22 ତାରିଖରେ ଦେଇଥିଲେ । ଗତ ୨୩ ତାରିଖ ବିଳମ୍ବିତ ରାତିରେ ତାଙ୍କର ମୃତଦେହ ଅଲାଡ଼ିଗାଁ ନିକଟସ୍ଥ ଋଷିକୁଲ୍ୟା ନଦୀରେ ଠାବ ହେବା ପରେ ପୋଲିସ ଏବଂ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ତାଙ୍କୁ ପୁରୁଷୋତ୍ତମପୁର ଡାକ୍ତର ଖାନା କୁ ଆଣିଥିଲେ । ପୋଲିସ ଏକ ଅପମୃତ୍ୟ ମାମଲା (ନଂ.୧୮/୨୬) ରୁଜୁ କରି ତଦନ୍ତ ଜାରି ରଖିଥିଲା ବେଳେ ଶବ ବ୍ୟବଛେଦ ପରେ ତାଙ୍କ ଶବକୁ ପରିବାରଙ୍କୁ ହସ୍ତାନ୍ତର କରାଯାଇଛି । ତେବେ ସେ କେଉଁ ପରିସ୍ଥିତି ରେ ଅଲାଡି ଗାଁର ନଦୀ ରେ ଲାଗିଲେ ତା ଉପରେ ପୋଲିସ ତଦନ୍ତ ପରେ ଜଣା ପଡିବ ପ୍ରକୃତ ମୃତ୍ୟୁର ରହସ୍ୟ!|