Odisha Janamata : ମୃତ୍ୟୁ ମୁଖରୁ ଫଲୋସିପ ଯୁବତୀଙ୍କୁ ବଞ୍ଚାଇ ଥିବା ସାହସୀ ଯୁବକ ଙ୍କୁ ସମ୍ମାନିତ |

ମୃତ୍ୟୁ ମୁଖରୁ ଫଲୋସିପ ଯୁବତୀଙ୍କୁ ବଞ୍ଚାଇ ଥିବା ସାହସୀ ଯୁବକ ଙ୍କୁ ସମ୍ମାନିତ |

25-Jul-2026

ମୃତ୍ୟୁମୁଖରୁ ଫେଲୋଶିପ୍ ଯୁବତୀଙ୍କୁ ବଞ୍ଚାଇଥିବା ସାହସୀ ଯୁବକ ବଳରାମ ବାଗଙ୍କୁ ସମ୍ମାନ |

ଓଡିଶା ଜନମତ ରାୟଗଡ଼ା, ୨୫/୭, କାମେଶ୍ୱର କର କରିଆ :--=

ରାୟଗଡ଼ା ଜିଲ୍ଲାର କଲ୍ୟାଣସିଂହପୁର ଅଞ୍ଚଳରେ କିଛିଦିନ ପୂର୍ବେ ଘଟିଥିବା ଏକ ଅଭାବନୀୟ ଘଟଣାରେ ଜଣେ ଫେଲୋଶିପ୍ ଯୁବତୀଙ୍କୁ ଉତ୍ତ୍ୟକ୍ତ ଜନତାଙ୍କ ଆକ୍ରମଣରୁ ମୃତ୍ୟୁମୁଖରୁ ଉଦ୍ଧାର କରି ସାହସ, ମାନବିକତା ଓ କର୍ତ୍ତବ୍ୟନିଷ୍ଠାର ଅନନ୍ୟ ପରିଚୟ ଦେଇଥିବା ନିୟମଗିରି ଅଞ୍ଚଳର ଭାଲେରୀ ଗ୍ରାମର ଯୁବକ ବଳରାମ ବାଗଙ୍କୁ ସମ୍ମାନିତ କରାଯାଇଛି।ସୁବର୍ଣ୍ଣପୁର (ସୋନପୁର) ଜିଲ୍ଲାର ସମାଜସେବୀ ତଥା ଉଡାଓ କ୍ଲବର ସକ୍ରିୟ ସଦସ୍ୟ ହରିଶଙ୍କର ଚୌଧୁରୀ ଓ ତାଙ୍କ ସହଯୋଗୀ ବୃନ୍ଦାବନ ପଟେଲ, ଯିଏକି ଭାରତୀୟ ରେଳବାଇରେ କାର୍ଯ୍ୟରତ ଥିବା ସହ ସାମାଜିକ କାର୍ଯ୍ୟରେ ମଧ୍ୟ ସକ୍ରିୟ, ସେମାନେ କଲ୍ୟାଣସିଂହପୁରକୁ ଆସି ବଳରାମ ବାଗଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ପ୍ରଦାନ କରି ସମ୍ମାନିତ କରିଥିଲେ।ଏହି ଅବସରରେ ହରିଶଙ୍କର ଚୌଧୁରୀ କହିଥିଲେ ଯେ, ବଳରାମ ବାଗ ଯେଉଁ ସାହସ, ମାନବିକତା ଓ ନିଷ୍ଠାର ସହ ଜଣେ ଅସହାୟ ଯୁବତୀଙ୍କ ଜୀବନ ରକ୍ଷା ପାଇଁ ଆଗକୁ ଆସିଥିଲେ, ତାହା ସମଗ୍ର ସମାଜ ପାଇଁ ଏକ ପ୍ରେରଣା। ତାଙ୍କ କାର୍ଯ୍ୟ ମହାନ ସନ୍ଥ ଭୀମ ଭୋଇଙ୍କ ଅମର ବାଣୀ ମୋ ଜୀବନ ପଛେ ନର୍କେ ପଡ଼ିଥାଉ, ଜଗତ ଉଦ୍ଧାର ହେଉ କୁ ବାସ୍ତବ ରୂପ ଦେଇଛି। ସେ ଆହୁରି କହିଥିଲେ ଯେ, ବଳରାମ ବାଗଙ୍କ ସହ ସାକ୍ଷାତ କରି ତାଙ୍କୁ ସମ୍ମାନ ଜଣାଇବା ସେମାନଙ୍କ ପାଇଁ ଏକ ସ୍ମରଣୀୟ ଅନୁଭୂତି। ସମାଜରେ ଏଭଳି ସାହସୀ ଓ ମାନବିକ ବ୍ୟକ୍ତିତ୍ୱଙ୍କୁ ସମ୍ମାନିତ କରିବା ଦ୍ୱାରା ଅନ୍ୟମାନେ ମଧ୍ୟ ମାନବ ସେବା ଓ ସମାଜ କଲ୍ୟାଣରେ ଆଗେଇ ଆସିବାକୁ ପ୍ରେରିତ ହେବେ ବୋଲି ସେ ମତ ପ୍ରକାଶ କରିଥିଲେ। ବଳରାମ ବାଗଙ୍କ ଏହି ସାହସିକ କାର୍ଯ୍ୟ କେବଳ ନିୟମଗିରି ଅଞ୍ଚଳ ନୁହେଁ, ସମଗ୍ର ରାଜ୍ୟରେ ମାନବିକତାର ଏକ ଉଜ୍ଜ୍ୱଳ ଦୃଷ୍ଟାନ୍ତ ଭାବେ ଚର୍ଚ୍ଚାର ବିଷୟ ପାଲଟିଛି।