Odisha Janamata : ଔଷଧ ଦୋକାନ ରୁ ସଟର ତାଡି ଚୋରି |

ଔଷଧ ଦୋକାନ ରୁ ସଟର ତାଡି ଚୋରି |

01-Aug-2026

ରାୟଗଡ଼ରେ ଆଇନ-ଶୃଙ୍ଖଳାକୁ ନେଇ ପ୍ରଶ୍ନ: ସଟର ତାଡ଼ି ଔଷଧ ଦୋକାନରୁ ଚୋରି, ବଢ଼ୁଛି ଚୋରି-ଲୁଟ ଘଟଣା

ଓଡିଶା ଜନମତ ରାୟଗଡ଼,୦୧/୦୮,

କାମେଶ୍ୱର କରକରିଆ:------

ରାୟଗଡ଼ ସହରରେ ଦିନକୁ ଦିନ ଚୋରି, ଲୁଟ ଓ ଡକାୟତି ଭଳି ଅପରାଧିକ ଘଟଣା ବଢ଼ିବାରେ ଲାଗିଛି। ଏହାକୁ ନେଇ ସାଧାରଣ ଲୋକଙ୍କ ମଧ୍ୟରେ ଭୟ ଓ ଅସୁରକ୍ଷାର ପରିବେଶ ସୃଷ୍ଟି ହୋଇଛି।ଶୁକ୍ରବାର ବିଳମ୍ବିତ ରାତିରେ ରାୟଗଡ଼ ସହରର ମେନ୍ ରୋଡ଼ରେ ଥିବା ମା ରାଜଲକ୍ଷ୍ମୀ ଔଷଧ ଦୋକାନର ସଟର ତାଡ଼ି ଦୁର୍ବୃତ୍ତମାନେ ଚୋରି କରିଥିବା ଅଭିଯୋଗ ହୋଇଛି। ଦୋକାନ ମାଲିକ ଦାଶରଥୀ ସାହୁଙ୍କ କହିବା ଅନୁଯାୟୀ, ଦୋକାନରୁ ପ୍ରାୟ ୫୦ ହଜାର ଟଙ୍କା ନଗଦ ଓ ଗୋଟିଏ ମୋବାଇଲ ଫୋନ ଚୋରି ହୋଇଛି।ଦାଶରଥୀ ସାହୁ କହିଛନ୍ତି ଯେ, ପ୍ରାୟ ଚାରି ବର୍ଷ ହେଲା ସେ ଏହି ଔଷଧ ଦୋକାନ ପରିଚାଳନା କରୁଛନ୍ତି। ଘଟଣା ସମ୍ପର୍କରେ ସେ ସ୍ଥାନୀୟ ଥାନାରେ ଲିଖିତ ଅଭିଯୋଗ କରିଥିବା ବେଳେ ପୁଲିସ ଘଟଣାର ତଦନ୍ତ ଆରମ୍ଭ କରିଛି।ଏପଟେ ରାୟଗଡ଼ ଜିଲ୍ଲାରେ ନିକଟ ଦିନଗୁଡ଼ିକରେ ବାରମ୍ବାର ଚୋରି, ଲୁଟ ଓ ଅନ୍ୟାନ୍ୟ ଅପରାଧିକ ଘଟଣା ଘଟୁଥିବାରୁ ଆଇନ-ଶୃଙ୍ଖଳା ବ୍ୟବସ୍ଥାକୁ ନେଇ ସାଧାରଣରେ ପ୍ରଶ୍ନ ଉଠୁଛି। ବ୍ୟବସାୟୀମାନେ ରାତ୍ରିକାଳୀନ ପୁଲିସ ପାଟ୍ରୋଲିଂକୁ ଅଧିକ କଡ଼ାକଡ଼ି କରିବା ସହ ଦୋଷୀମାନଙ୍କୁ ଶୀଘ୍ର ଗିରଫ କରିବାକୁ ଦାବି କରିଛନ୍ତି।ଘଟଣାର ପ୍ରକୃତ କାରଣ ଏବଂ ଚୋରମାନଙ୍କ ସମ୍ପର୍କରେ ପୁଲିସ ତଦନ୍ତ ପରେ ଅଧିକ ସୂଚନା ସାମ୍ନାକୁ ଆସିବ।