Odisha Janamata : ଭୂମିହୀନ ଙ୍କୁ ଜମି ପଟା ଶିକ୍ଷା ଓ ସୁବିଧା ଦାବିରେ ସ୍ଵାସ୍ତ୍ୟ ଆଇଆରଳ ବୈଠକ |

ଭୂମିହୀନ ଙ୍କୁ ଜମି ପଟା ଶିକ୍ଷା ଓ ସୁବିଧା ଦାବିରେ ସ୍ଵାସ୍ତ୍ୟ ଆଇଆରଳ ବୈଠକ |

05-Aug-2026

ଭୂମିହୀନଙ୍କୁ ଜମି ପଟ୍ଟା, ଶିକ୍ଷା ଓ ସ୍ୱାସ୍ଥ୍ୟ ସୁବିଧା ଦାବିରେ AIARLAର ବୈଠକ; ଅଗଷ୍ଟ ୧୩-୧୪ରେ ଅନଶନ-ସତ୍ୟାଗ୍ରହ ଘୋଷଣା |
ଓଡିଶା ଜନମତ ରାୟଗଡା,୫/୮,

କାମେଶ୍ୱର କରକରିଆ:-----

ଅଖିଳ ଭାରତୀୟ କୃଷି ଓ ଗ୍ରାମୀଣ ଶ୍ରମିକ ସଂଗ (AIARLA) ପକ୍ଷରୁ ବୁଧବାର କୋଲନରା ବ୍ଲକ ଅନ୍ତର୍ଗତ ପଲିଟିଗୁଡ଼ା ହାଟପଦାଠାରେ ଏକ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ଭୂମିହୀନ ଓ ଆଦିବାସୀ ପରିବାରଙ୍କୁ ଜଙ୍ଗଲ ଜମି ଏବଂ ଘରଡିହ ପଟ୍ଟା ପ୍ରଦାନ, ଶିକ୍ଷା ଓ ସ୍ୱାସ୍ଥ୍ୟ ସୁବିଧା ସୁନିଶ୍ଚିତ କରିବା ସହ ବିଭିନ୍ନ ଜନକଲ୍ୟାଣମୂଳକ ଦାବି ଉପରେ ଆଲୋଚନା କରାଯାଇଥିଲା। ସଂଗଠନ ପକ୍ଷରୁ କୁହାଯାଇଥିଲା ଯେ, ରାୟଗଡ଼ା ଜିଲ୍ଲାର ଅନେକ ଆଦିବାସୀ ପରିବାର ଦୀର୍ଘ ବର୍ଷ ଧରି ଜଙ୍ଗଲ ଜମି ଓ ଘରଡିହ ପଟ୍ଟା ପାଇଁ ଅପେକ୍ଷା କରୁଛନ୍ତି। ସମ୍ପୃକ୍ତ ବିଭାଗ ପକ୍ଷରୁ ଚିହ୍ନଟ ପ୍ରକ୍ରିୟା ସରିଥିଲେ ମଧ୍ୟ ପଟ୍ଟା ବଣ୍ଟନରେ ବିଳମ୍ବ ହେଉଥିବାରୁ ଗରିବ ପରିବାରମାନେ ଅସୁବିଧାର ସମ୍ମୁଖୀନ ହେଉଛନ୍ତି। ବୈଠକରେ ଆଦିବାସୀଙ୍କ ନାମରେ ରୁଜୁ ହୋଇଥିବା ମାମଲା ପ୍ରତ୍ୟାହାର, ମନରେଗାରେ ବର୍ଷକୁ ୨୦୦ ଦିନ କାମ, ଦୈନିକ ୬୦୦ ଟଙ୍କା ମଜୁରୀ, ସମାନ କାମକୁ ସମାନ ମଜୁରୀ, ଗରିବଙ୍କ ପାଇଁ କଲୋନୀ କରି ଘର ପ୍ରଦାନ, ପ୍ରଧାନମନ୍ତ୍ରୀ ଆବାସ ଯୋଜନାରେ ୫ ଲକ୍ଷ ଟଙ୍କା ସହାୟତା, ୩୦୦ ୟୁନିଟ୍ ମାଗଣା ବିଦ୍ୟୁତ, ରେସନ କାର୍ଡଧାରୀଙ୍କୁ ୫୦ କିଲୋଗ୍ରାମ ଚାଉଳ ଏବଂ ବାର୍ଦ୍ଧକ୍ୟ ଭତ୍ତା ମାସିକ ୫,୦୦୦ ଟଙ୍କାକୁ ବୃଦ୍ଧି କରିବା ଭଳି ଦାବି ଉଠାଯାଇଥିଲା। ସଂଗଠନର ଜିଲ୍ଲା ସମ୍ପାଦକ ତ୍ରିପତି ଗମାଙ୍ଗ କହିଥିଲେ ଯେ, ଏହି ଦାବିଗୁଡ଼ିକ ପୂରଣ ଦିଗରେ ସରକାର ପଦକ୍ଷେପ ନ ନେଲେ ଆସନ୍ତା ଅଗଷ୍ଟ ୧୩ ତାରିଖ ଦିନ ୧୨ଟାରୁ ଅଗଷ୍ଟ ୧୪ ତାରିଖ ଦିନ ୧୨ଟା ପର୍ଯ୍ୟନ୍ତ ଦେଶବ୍ୟାପୀ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଅନଶନ ଓ ସତ୍ୟାଗ୍ରହ କରାଯିବ। ସେହିପରି ବିଶ୍ୱ ଆଦିବାସୀ ଦିବସକୁ ଗାଁ ଗାଁରେ ପାଳନ କରିବାକୁ ସେ ଆହ୍ୱାନ ଦେଇଥିଲେ। ବୈଠକରେ ଅଷ୍ଟମ ଉଲକା, କ୍ରିଷ୍ଣା ପାଲକା, ଆଛାନା ମାଣ୍ଡାଙ୍ଗି, ରବିନ୍ଦ୍ର କଣ୍ଡାଗରି, ମେଦିରି ଗର୍ଡିଆ, ସୁଦୁଂରୁମଣି ମିଣିଆକା, ରାଜେନ୍ଦ୍ର ମିଣିଆକା, ମୂର୍ତ୍ତି ମିଣିଆକା, ରବର୍ଟ ଜାନୀ, ନାଗରାଜୁ ଓ ନରସିଂହ ବେହେରା ପ୍ରମୁଖ ଉପସ୍ଥିତ ଥିଲେ।