Odisha Janamata : ପୋଲସରା ରେ ବିଶାଳ ତ୍ରିରଙ୍ଗା ଶୋଭା ଯାତ୍ରା |

ପୋଲସରା ରେ ବିଶାଳ ତ୍ରିରଙ୍ଗା ଶୋଭା ଯାତ୍ରା |

12-Aug-2026

ପୋଲସରାରେ ବିଶାଳ ତ୍ରିରଙ୍ଗା ଶୋଭାଯାତ୍ରା।

ଓଡ଼ିଶା ଜନମତ,ପୋଲସରା,ସନ୍ତୋଷ କୁମାର ପଣ୍ଡା
ତା. ୧୨/୮/୨୦୨୬:- ----

ପୋଲସରାଠାରେ ବିଶାଳ ତିରଙ୍ଗା ଶୋଭାଯାତ୍ରା ନିର୍ବିଘ୍ନ ଏବଂ ଶାନ୍ତି ଶୃଙ୍ଖଳାରେ ଅନୁଷ୍ଠିତ ହୋଇଯାଇଛି। ଏଥିରେ ପୋଲସରା ବିଧାୟକ ତଥା ମନ୍ତ୍ରୀ ଗୋକୁଳାନନ୍ଦ ମଲ୍ଲିକ, ବିଡ଼ିଓ ଶଶିଭୂଷଣ ମହାପାତ୍ର,ପୌରପରିଷଦ ନିର୍ବାହୀ ଅଧିକାରୀ କୈଳାଶ ଚନ୍ଦ୍ର ଜେନା ଘୁମୁସର ଜିଲ୍ଲା ବିଜେପି ପୂର୍ବତନ ଉପସଭାପତି ପ୍ରଭାକର ପଣ୍ଡା ଓ ଉକ୍ତ ଜିଲ୍ଲା ବିଜେପି ଯୁବମୋର୍ଚ୍ଚା ପୂର୍ବତନ ସଭାପତି ଦୀପକ କୁମାର ପ୍ରଧାନ, ପୂର୍ବତନ ବ୍ଲକ୍ ଅଧ୍ୟକ୍ଷା ସଂଯୁକ୍ତା ପ୍ରଧାନ, ନଗର ସା°ସଦ ପ୍ରତିନିଧି ସୀମାଞ୍ଚଳ ସାହୁ, ନଗର ମଣ୍ଡଳ ସଭାପତି ପ୍ରସନ୍ନ କୁମାର ଡାକୁଆ ଓ ନଗର ସଭାପତି ରାମକୃଷ୍ଣ ପ୍ରଧାନଙ୍କ ସମେତ ସରକାରୀ ପ୍ରାଥମିକ ଶିକ୍ଷକ ଶିକ୍ଷା ତାଲିମ ପ୍ରତିଷ୍ଠାନର ଗୁରୁ ଛାତ୍ରଛାତ୍ରୀ, ପୋଲସରା ବିଜ୍ଞାନ ମହାବିଦ୍ୟାଳୟ ଛାତ୍ରଛାତ୍ରୀ, ଆଞ୍ଚଳିକ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରୀ, ଗୋପବନ୍ଧୁ ଉଚ୍ଚ ବିଦ୍ୟାଳୟର ଛାତ୍ରଛାତ୍ରୀ, ଅଙ୍ଗନୱାଡି କର୍ମୀ, ଆଶାକର୍ମୀ, ମହିଳା ସ୍ୱୟଂ ସହାୟିକା ଗୋଷ୍ଠୀର ମହିଳାବୃନ୍ଦ, ପୂର୍ବତନ ଜିଲ୍ଲା ପରିଷଦ ସଭ୍ୟ ରାଜେନ୍ଦ୍ର ପାତ୍ର, ଶିକ୍ଷାବିତ୍ କାମ୍ଫ ବାଢ଼େଇଙ୍କ ସମେତ, ବିଭିନ୍ନ ପଞ୍ଚାୟତର ସରପଞ୍ଚ ଓ ସମିତି ସଭ୍ୟ/ସଭ୍ୟା, ସ୍ୱେଚ୍ଛାସେବୀ, ସମାଜସେବୀ, ବିଭିନ୍ନ ସଂଗଠନ ନେତୃବୃନ୍ଦ, ହାତୀଓଟ ମଣ୍ଡଳ ସଭାପତି ପ୍ରସାନ୍ତ କୁମାର ପ୍ରଧାନଙ୍କ ସମେତ ହଜାର ହଜାର ସଂଖ୍ୟାରେ ମହିଳା ଓ ପୁରୁଷମାନେ ସ୍ୱତଃସ୍ପୁତ ଭାବେ ଯୋଗଦେବା ସହିତ ହାତରେ ତିରଙ୍ଗା ପତାକା ଧରି ଶୋଭାଯାତ୍ରାରେ ସାମିଲ୍ ହୋଇ ଦେଶଭକ୍ତିର ପରିଚୟ ଦେଇଥିବାର ଦେଖିବାକୁ ମିଳିଥିଲା। ରାଲିଟି ଲୁଣିଘାଟି ଠାରୁ ବାହାରି ରାଣୀପଡ଼ା ପଶ୍ଚିମମୁଖୀ ଲଙ୍ଗଳେଶ୍ୱର ମହାଦେବଙ୍କ ମନ୍ଦିରରେ ସମାପ୍ତ ହୋଇଥିଲା। ଏହି ଦେଶାତ୍ମକ ପ୍ରେରଣାଦାୟୀ ରାଲି ସମୟରେ ବିଭିନ୍ନ ଦେଶାତ୍ମକ ବୋଧ ସ୍ଳୋଗାନ ଏବଂ ସଙ୍ଗୀତ ସ୍ୱରରେ ସମଗ୍ର ସହରଟି ପ୍ରକମ୍ପିତ ହୋଇଯାଇଥିଲା। ଶାନ୍ତିଶୃଙ୍ଖଳା ଏବଂ ଗମନାଗମନ ସୁବିଧା ଦୃଷ୍ଟିରୁ ସ୍ଥାନିୟ ପୋଲିସ ଥାନା ଆଇଆଇସି କୌଶିକ ମାଝୀଙ୍କ ଉପସ୍ଥିତିରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିଲା।