Odisha Janamata : ମାହାଙ୍ଗାରେ ଯୁବତୀଙ୍କୁ ଗଣ ଦୁଷ୍କର୍ମ ରେ ଦୁଇ ଗିରଫ |

ମାହାଙ୍ଗାରେ ଯୁବତୀଙ୍କୁ ଗଣ ଦୁଷ୍କର୍ମ ରେ ଦୁଇ ଗିରଫ |

13-Aug-2026

ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗ, ରେ ୨ ଗିରଫ

ମହିଳା ମାନେ କେଉଁଠାରେ ମଧ୍ୟ ସୁରକ୍ଷିତ ନୁହନ୍ତି | ରାଜ୍ୟ ସରକାର ସେମାନଙ୍କ ପାଈଁ ବହୁତ କିଛି ସାଇବର ସୁରକ୍ଷା ଠାରୁ ଆରମ୍ଭ କରି ସବୁ ପ୍ରକାର ପୋଲିସ ପ୍ରୋଟେକ୍ସନ ଦେଉଥିଲେ ମଧ୍ୟ ମହିଳା ମାନଙ୍କୁ ଆଜି ଦୁଷ୍କର୍ମ ର ଶିକାର ହେଉଛନ୍ତି | ଏପରି ଏକ ଘଟଣା ଘଟିଛି କଟକ ମାହାଙ୍ଗାରେ ଚାଞ୍ଚଲ୍ୟକର ଘଟଣା । ରାସ୍ତାକଡ଼ରେ ଜଣେ ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗ ହୋଇଛି । ଏଥିସହ ତାଙ୍କ ପୁରୁଷ ବନ୍ଧୁଙ୍କୁ ମଧ୍ୟ ଦୁର୍ବୃତ୍ତମାନେ ମାଡ଼ ମାରିଥିବା ଅଭିଯୋଗ ରହିଛି । ଘଟଣା ସମ୍ପର୍କରେ କଟକ ଗ୍ରାମାଞ୍ଚଳ ପୁଲିସ ସୂଚନା ଦେଇଛି ।ସୂଚନା ଅନୁସାରେ, ଯୁବତୀ ଜଣକ ତାଙ୍କ ପୁରୁଷ ବନ୍ଧୁଙ୍କ ସହ କେନ୍ଦ୍ରାପଡ଼ା ଯାଉଥିଲେ । ରାସ୍ତାକଡ଼ରେ କାର୍‌ ରଖି ସେମାନେ କିଛି ସମୟ ପାଇଁ ଅଟକିଥିଲେ । ଏହି ସମୟରେ ୬ ଜଣ ଯୁବକ ସେଠାରେ ପହଞ୍ଚି ଯୁବତୀଙ୍କୁ କାର୍‌ରୁ ବାହାରିବାକୁ କହିଥିଲେ । ଅଭିଯୋଗ ଅନୁସାରେ, କାର୍‌ର ଡୋର୍‌ ନଖୋଲିବାରୁ ଅଭିଯୁକ୍ତମାନେ ଚୁମୁଟାରେ କାର୍‌ର କାଚ ଭାଙ୍ଗି ଯୁବତୀଙ୍କୁ ବାହାରକୁ ଟାଣି ନେଇଥିଲେ । ପରେ ରାସ୍ତାପାର୍ଶ୍ୱରେ ଥିବା ଏକ ଭଙ୍ଗା ଘରକୁ ନେଇ ତାଙ୍କୁ ଗଣଦୁଷ୍କର୍ମ କରିଥିବା ପୁଲିସ କହିଛି । ଏହି ସମୟରେ ତାଙ୍କ ପୁରୁଷ ବନ୍ଧୁଙ୍କୁ ମଧ୍ୟ ମାଡ଼ ମରାଯାଇଥିବା ଅଭିଯୋଗ ହୋଇଛି । ଘଟଣାକୁ ନେଇ ନିଶ୍ଚିନ୍ତକୋଇଲି ଥାନାରେ ମାମଲା ରୁଜୁ ହୋଇଛି । ଏଯାବତ୍‌ ୨ ଜଣ ଅଭିଯୁକ୍ତଙ୍କୁ ପୁଲିସ ଗିରଫ କରିଛି । ଅନ୍ୟ ଅଭିଯୁକ୍ତମାନଙ୍କୁ ଧରିବା ପାଇଁ ଜଣେ ଡିଏସ୍‌ପିଙ୍କୁ ତଦନ୍ତ ଦାୟିତ୍ୱ ଦିଆଯାଇଥିବା କଟକ ଗ୍ରାମାଞ୍ଚଳ ଏସ୍‌ପି ସୂଚନା ଦେଇଛନ୍ତି । ଘଟଣାରେ ପୁଲିସର ତଦନ୍ତ ଜାରି ରହିଛି ।