Odisha Janamata : ଖଲ୍ଲିକୋଟ ସରକାରୀ ଚାରୁ ଓ କାରୁ କଳା ମହା ବିଦ୍ୟାଳୟ ରେ ସୁଜନ ଚର୍ଚ୍ଚା

ଖଲ୍ଲିକୋଟ ସରକାରୀ ଚାରୁ ଓ କାରୁ କଳା ମହା ବିଦ୍ୟାଳୟ ରେ ସୁଜନ ଚର୍ଚ୍ଚା - 1-

14-Aug-2026

ସରକାରୀ ଚାରୁ ଓ କାରୁକଳା ମହାବିଦ୍ୟାଳୟ, ଖଲ୍ଲିକୋଟରେ ସୃଜନ ଚର୍ଚ୍ଚା, ଯୋଗ ଦେଲେ ଖ୍ୟାତି ସମ୍ପନ୍ନ ଚିତ୍ରକାର |

ଓଡିଶା ଜନମତ ଖଲ୍ଲିକୋଟ, ମାଧବ ବେହେରା
ଖଲ୍ଲିକୋଟ : 14/8 :------

ଆଜି ସରକାରୀ ଚାରୁ ଓ କାରୁକଳା ମହାବିଦ୍ୟାଳୟ ପକ୍ଷରୁ ସୃଜନ ଚର୍ଚ୍ଚା ୧(Concept to Creation :An Art Talk & Demonstration ) ଆୟୋଜିତ ହୋଇଯାଇଛି।ଉକ୍ତ ସଭାକୁ ଅନୁଷ୍ଠାନର ଅଧ୍ୟକ୍ଷ ଶ୍ରୀଯୁକ୍ତ ଦେବୀ ପ୍ରସାଦ ଦାଶ,ପ୍ରଫେସର ଡ. ଗଣେଶ ଟରଟରେ DEAN, The SCHOOL OF FINE ARTS & APPLIED ARTS, MIT ADT UNIVERSITY, PUNE , ପ୍ରଫେସର ଡ. ରଞ୍ଜନ କୁମାର ମଲ୍ଲିକ DEAN, DEPT OF FINE ARTS,CHITKAR SCHOOL OF ART & DESIGN, ବି.କେ. ଆର୍ଟ ଆଣ୍ଡ କ୍ରାଫ୍ଟ ମହାବିଦ୍ୟାଳୟର ଅବସର ପ୍ରାପ୍ତ ଅଧ୍ୟକ୍ଷ ଶ୍ରୀଯୁକ୍ତ ଗଜେନ୍ଦ୍ର ପ୍ରସାଦ ପାଢ଼ୀ ପ୍ରମୁଖ ପ୍ରଦୀପ ପ୍ରଜ୍ବଳନ କରି ଅନୁଷ୍ଠାନିକ ଭାବେ ଉଦଘାଟନ କରିଛନ୍ତି।

ଉକ୍ତ କାର୍ଯ୍ୟକ୍ରମରେ ଭାରତର ପ୍ରମୁଖ ଚିତ୍ରଶିଳ୍ପୀ ପ୍ରଫେସର ଡ. ଗଣେଶ ଟରଟରେ କଳା ଓ ଏହା କିପରି ଗୋଟିଏ ସୂତ୍ରରେ ପ୍ରତି ମନୁଷ୍ୟକୁ ବାନ୍ଧିପାରେ ଅନୁଷ୍ଠାନର ସମସ୍ତ ଛାତ୍ରଛାତ୍ରୀମାନଙ୍କ ଆଗରେ ବ୍ୟକ୍ତ କରିଥିଲେ।ଏଥି ସହିତ ଛାତ୍ରଛାତ୍ରୀଙ୍କ ସମ୍ମୁଖରେ ଏକ ବିଶାଳ କାନଭାସ ଉପରେ ଲାଇଭ ଡେମୋନଷ୍ଟ୍ରସନ ଦେଇ ସୃଜନ ଭାବକୁ କିପରି ଚିତ୍ର ମାଧ୍ୟମରେ ରୁପାୟିତ କରିବାର କୌଶଳ ପ୍ରଦର୍ଶନ କରିଥିଲେ। ଏଥିସହ ଚିତ୍କର ବିଶ୍ୱବିଦ୍ୟାଳୟର ଡିନ ପ୍ରଫେସର ଡ. ରଞ୍ଜନ କୁମାର ମଲ୍ଲିକ ଅନୁଷ୍ଠାନର ଛାତ୍ରଛାତ୍ରୀମାନଙ୍କୁ ସମସାମୟିକ କଳାଧରା ଓ କଳା ଗବେଷଣା ବିଭିନ୍ନ ଦିଗ ଉପରେ ବିସ୍ତୃତ ଆଲୋଚନା କରିଥିଲେ।ଏବଂ ଅନୁଷ୍ଠାନର ଅଧ୍ୟକ୍ଷ ଶ୍ରୀଯୁକ୍ତ ଦେବୀ ପ୍ରସାଦ ଦାଶ ସୃଜନ ଚର୍ଚ୍ଚା କାର୍ଯ୍ୟକ୍ରମର ଆଭିମୁଖ୍ୟ ଓ ଆଗାମୀ ରୂପରେଖ ଉପରେ ବିସ୍ତୃତ ବିବରଣୀ ପ୍ରଦାନ କରିଥିଲେ। ଉକ୍ତ ସେମିନାରକୁ ସଫଳ କରିଥିବା ବିଶେଷଜ୍ଞ ତଥା ଛାତ୍ରଛାତ୍ରୀମାନଙ୍କୁ ଧନ୍ୟବାଦ ପ୍ରଦାନ କରି ଉତ୍ସାହିତ କରିଥିଲେ।ଉକ୍ତ ସେମିନାରକୁ ଅନୁଷ୍ଠାନର ସମସ୍ତ କର୍ମଚାରୀ ଓ ଛାତ୍ରୀଛାତ୍ରୀମାନେ ସଫଳତାର ସହ ପରିଚାଳନା କରିଥିଲେ।