Odisha Janamata : ବସ ସହିତ ବୁଲେଟ ମୁହାଁମୁହିଁ ଧକ୍କାରେ ଯୁବକ ମୃତ |

ବସ ସହିତ ବୁଲେଟ ମୁହାଁମୁହିଁ ଧକ୍କାରେ ଯୁବକ ମୃତ |

21-Aug-2026

ଯାତ୍ରୀବାହି ବସ ଓ ବାଇକ ମୁହାଁମୁହିଁ ଧକ୍କା,ଯୁବକ ମୃତ ।
ଗଂଜାମ ଜିଲ୍ଲା :ଜଗନ୍ନାଥ ପ୍ରସାଦ ଥାନା ଚୋପରା ପାଣିଟାଙ୍କି ନିକଟରେ ଆଜି ଅପରାହ୍ନ ୫ଟା ସମୟରେ ଘରୋଇ ଯାତ୍ରୀବାହି ଶୁଭମ ବସ ସହିତ ପଲସର ବାଇକ ମୁହାଁମୁହିଁ ଧକ୍କା ହେବା ଫଳରେ ବାଇକ ଆରୋହୀଙ୍କ ମୃତ୍ୟୁ ଘଟିଛି l ମୃତକ ଜଣକ ଛାମୁଣ୍ଡା ଗ୍ରାମ ବାରିସାହିର ସ୍ବର୍ଗତ ବିନୋଦ ପ୍ରଧାନଙ୍କ ତୃତୀୟ ପୁଅ ଆଲୋକ ପ୍ରଧାନ (୨୮) l ସେ ଗୁଜୁରାଟ ସହରର ଘରୋଇ କମ୍ପାନୀରେ କାମ କରୁଥିଲେ l ବାପାଙ୍କ ବର୍ଷିକିଆ କାମ ପାଇଁ ଗାଁକୁ ଆସିଥିଲେ l ଆଜି ମୃତ ଆଲୋକ ଅପରାହ୍ନରେ କୌଣସି କାମ ପାଇଁ ନିଜ ପଲସର ବାଇକ (ଓଡି୩୨ଜି୩୯୫୭) ଯୋଗେ ଜଗନ୍ନାଥ ପ୍ରସାଦ ଆସୁଥିବା ବେଳେ ଯାତ୍ରୀବାହି ଶୁଭମ ନାମକ ବସ (ଓଡି୨୫ଡି୫୫୫୬)ଟି ଭୁବନେଶ୍ୱରରୁ ଛାମୁଣ୍ଡା ଦେଇ ଭଞ୍ଜନଗର ଯାଉଥିଲା l ବୁଲାଣି ଠାରେ ଆଲୋକ ଧରିଥିବା ପଲସର ବାଇକଟି ବସର ସମ୍ମୁଖ ଭାଗରେ ପିଟି ହୋଇ ତଳେ ପଡ଼ିଥିଲେ l ସ୍ଥାନୀୟ ଲୋକ ଜଗନ୍ନାଥ ପ୍ରସାଦ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ l ସେଠାରେ ଡାକ୍ତର ମୃତ ଘୋଷଣା କରିଥିଲେ l ଖବର ପାଇ ସ୍ଥାନୀୟ ପୋଲିସ ପହଂଚି ଯାତ୍ରୀବାହି ବସ ଓ ବାଇକକୁ ଜବତ କରିଛି l କେସ ନମ୍ବର ୩୨୬ ପ୍ରକାରେ ମାମଲା ରୁଜୁ କରି ଶବକୁ ଜବତ କରି ବ୍ୟବଛେଦ ପାଇଁ ପଠାଇ ଥିବା ତଦନ୍ତକାରି ଅଧିକାରୀ ଏଏସଆଇ ପ୍ରିୟରଞ୍ଜନ ମିଶ୍ର ସୂଚନା ଦେଇଛନ୍ତି l ଗଂଜାମ ଜିଲ୍ଲା ପ୍ରତିନିଧି କୃଷ୍ଣ ଚନ୍ଦ୍ର ସାମନ୍ତରାୟ ଙ୍କ ରିପୋର୍ଟ।