Odisha Janamata : ରାୟଗଡା ବନ ବିଭାଗ ର ଚଢ଼ାଉ ଯୋଗୁଁ 3ଲକ୍ଷ ଟଙ୍କାର କାଠ ସହ 3ଜଣଙ୍କୁ ଗିରଫ |

ରାୟଗଡା ବନ ବିଭାଗ ର ଚଢ଼ାଉ ଯୋଗୁଁ 3ଲକ୍ଷ ଟଙ୍କାର କାଠ ସହ 3ଜଣଙ୍କୁ ଗିରଫ |

23-Aug-2026

୩ ଲକ୍ଷର ବେଆଇନ କାଠ ଜବତ ସହ ତିନି ଜଣଙ୍କୁ ଗିରଫ କଲା ରାୟଗଡା ବନ ବିଭାଗ |

ଓଡିଶା ଜନ ମତ ବ୍ୟୁରୋ,

କାଠ ମାଫିଆ ମାନେ ସକ୍ରିୟ ହୋଇ କିମ୍ବା ବିଭାଗୀୟ ଅଧିକାରୀ ଙ୍କ ସହ ସଲା ସୁତୁରାରେ କୋଟି କୋଟି ଟଙ୍କାର ମୂଲ୍ୟବାନ କାଠ କାଟି ଜଙ୍ଗଲ କୁ ପଦା କରିଦେଉଛନ୍ତି କିଛି ମାଫିଆ ମାନେ | କିନ୍ତ ଏପରି କିଛି ବନ ବିଭାଗ ଅଧିକାରୀ ଙ୍କ ଯୋଗୁଁ କାଠ ମାଫିଆ ମାନେ ଧରା ପଡି ଜେଲ ଯାଉଛନ୍ତି | ଏପରି ଏକ ଦୃଶ୍ୟ ଦେଖିବାକୁ ମିଳିଛି ରାୟଗଡା ବନଖଣ୍ଡ ଅଧିକାରୀ ନିର୍ଦ୍ଦେଶ କ୍ରମେ ବନାଞ୍ଚଳ ଅଧିକାରୀ ଶ୍ରୀ ଅନିଲ କୁମାର ପାଣିଗ୍ରାହୀଙ୍କ ନେତୃତ୍ୱରେ ରାୟଗଡ଼ ବନାଞ୍ଚଳର ସମସ୍ତ ବନ କର୍ମଚାରୀ କୋମତାଲପେଟା ସେକ୍ସନ ଅଧୀନସ୍ଥ ଡୋକୁଲୁଗୁଡା ଗ୍ରାମରେ ଚଢାଉ କରିଥିଲେ।ବେଆଇନ ଭାବେ ଗଚ୍ଛିତ ରଖାଯାଇଥିବା କାଠ ବିଷୟରେ ଖବର ପାଇ ବନ ବିଭାଗ ଏହି ଚଢାଉ କରିଥିଲା। ଏହି ଚଢାଉରେ ଡୋକୁଲୁଗୁଡା ଗ୍ରାମର କେ. ଶ୍ରୀନିବାସ, ଗୌରୀ ଶଙ୍କର ଚିକାଟି ଓ ବିବେକ ରାଓ କାଲାଗାରାଙ୍କ ଘରେ ଚଢାଉ କରାଯାଇଥିଲା।ଚଢାଉ ବେଳେ କେ. ଶ୍ରୀନିବାସଙ୍କ ଘରୁ ୬୭ ଗୋଟି ଶାଳ ସାଇଜ, ଗୌରୀ ଶଙ୍କର ଚିକାଟିଙ୍କ ଘରୁ ୬୬ ଗୋଟି ଶାଳ ସାଇଜ ଓ ପଟା ଏବଂ ବିବେକ ରାଓ କାଲାଗାରାଙ୍କ ଘରୁ ୫୬ ଗୋଟି ଶାଳ, ପିଆଶାଳ ଓ ଶାଗୁଆନ ସାଇଜ ଜବତ କରାଯାଇଥିଲା। ସେମାନେ କୌଣସି ବିଭାଗୀୟ କାଗଜପତ୍ର ଦେଖାଇ ପାରି ନଥିଲେ ଏବଂ ନିକଟସ୍ଥ ସଂରକ୍ଷିତ ଜଙ୍ଗଲରୁ ଗଛ କାଟି ଆଣିଥିବା ସ୍ୱୀକାର କରିଥିଲେ।ଏହି ଅପରାଧ ପାଇଁ କୋମତାଲପେଟା ବନପାଳ ଶ୍ରୀ ଅନନ୍ତ ହେମ ଚରଣ ବେହେରା ସେମାନଙ୍କୁ ଗିରଫ କରିବା ସହ କାଠ ଗୁଡିକୁ ଜବତ କରିଥିଲେ। ଜବତ କାଠର ଆନୁମାନିକ ବଜାର ମୂଲ୍ୟ ୩ ଲକ୍ଷ ଟଙ୍କା ହେବ ବୋଲି ଜଣାପଡିଛି।ଏହି ଚଢାଉରେ ରାୟଗଡ଼ ସେକ୍ସନର ବନପାଳ ଶ୍ରୀ ଗୌରୀ ଶଙ୍କର ସାହୁ, ଶ୍ରୀମତୀ ପଦ୍ମାବତୀ ପାଢୀ ଓ ରାୟଗଡ଼ ବନାଞ୍ଚଳର ଅନ୍ୟ କର୍ମଚାରୀମାନେ ଯୋଗଦାନ କରିଥିଲେ।