Odisha Janamata : ଡକାୟତି ଯୋଜନା କୁ ପଣ୍ଡ କଲା କଟକଚାଉଳିଆ ଗଞ୍ଜ ପୋଲିସ |

ଡକାୟତି ଯୋଜନା କୁ ପଣ୍ଡ କଲା କଟକଚାଉଳିଆ ଗଞ୍ଜ ପୋଲିସ |

27-Aug-2026

ଏ ବଡ ଧରଣର ଡକାୟତି ଯୋଜନା କୁ ପଣ୍ଡ କଲା କଟ ଚାଉଳିଆଗଞ୍ଜ ପୋଲିସ, ୪ ଗିରଫ,

ଓଡିଶା ଜନ ମତ ବ୍ୟୁରୋ,

ଅପରାଧୀ ଗେଙ୍ଗ କେତେ ଶକ୍ତିଶାଳୀ ହେଲେମଧ୍ୟ ଦିନେନା ଦିନେ ପୋଲିସ ହାତରେ ଧରାପଡିବ ଏବଂ ତାର ଉପରେ ପୋଲିସ ର ତୀକ୍ଷ୍ଣ ନଜର ସବୁବେଳେ ରହିଥିବ | ସେପରି ଏକ ଡକାୟତ ଯୋଜନା କରୁଥିଲା ବେଳେ ପୋଲିସ ଦ୍ୱାରା କଟକରେ ଏକ ବଡ ଧରଣର ଡକାୟତି ଯୋଜନା ପଣ୍ଡ ହୋଇଛି। ଚାଉଳିଆଗଞ୍ଜ ଓଏମପି ଛକସ୍ଥିତ ଲାଇଟ ହାଉସ ପାଖରୁ ଧରାପଡ଼ିଲେ ୪ ଆନ୍ତଃଜିଲ୍ଲା ଡକାୟତ ଦଳ। ସେମାନଙ୍କ ମଧ୍ୟରୁ ଜଣେ ଖସି ଯିବାକୁ ସକ୍ଷମ ହୋଇଛି। ଏହି ଡକାୟତି ଦଳ ଚାଉଳିଆଗଞ୍ଜ ପେଟ୍ରୋଲ ପମ୍ପରେ ଲୁଟ୍ କରିଥାନ୍ତେ। ଏମାନଙ୍କ ଠାରୁ କାର, ଲଙ୍କାଗୁଣ୍ଡ ସହ ଶାବଳ ଓ ଅନ୍ୟାନ୍ୟ ମାରଣାଅସ୍ତ୍ର ଜବତ କରାଯାଇଛି। ସୂଚନା ଥାଉକି, ଆଜି ଚାଉଳିଆଗଞ୍ଜ ପୋଲିସ କର୍ମଚାରୀମାନେ ଓଏମପି ଛକରେ ବ୍ଲକିଂ କରୁଥିବା ସମୟରେ, ଏକ ବେଶେଷ ସୂଚନା ମିଳିଥିଲା ଯେ ଏକ ଧଳା ରଙ୍ଗର ମାରୁତି ସୁଜୁକି ସ୍ୱିଫ୍ଟ କାରରେ ଯାତ୍ରା କରୁଥିବା ୪-୫ ଜଣ ଅସାମାଜିକ ବ୍ୟକ୍ତି ଚାଉଳିଆଗଞ୍ଜର ଲାଇଟହାଉସ୍ ନିକଟସ୍ଥ ଏକ ଅଞ୍ଚଳରେ ଏକତ୍ରିତ ହୋଇଛନ୍ତି ଏବଂ ନିକଟସ୍ଥ ଏକ ପେଟ୍ରୋଲ ପମ୍ପରେ ଡକାୟତି କରିବା ପାଇଁ ପ୍ରସ୍ତୁତି କରୁଛନ୍ତି। ସୂଚନା ପାଇ ଚାଉଳିଆଗଞ୍ଜ ପୋଲିସ ତୁରନ୍ତ ଚାଉଳିଆଗଞ୍ଜର ଲାଇଟହାଉସ୍ ନିକଟସ୍ଥ ଅଞ୍ଚଳରେ ଚଢାଉ କରିଥିଲା ଏବଂ ଚାରି ଜଣଙ୍କୁ ଗିରଫ କରିଥିଲା, ଯେଉଁମାନେ NH-55 (କଟକ-ପାରାଦୀପ ରୋଡ୍) ପାର୍ଶ୍ୱରେ ଥିବା ଚାଉଳିଆଗଞ୍ଜ ପେଟ୍ରୋଲ ପମ୍ପରେ ଡକାୟତି କରିବା ପାଇଁ ସେମାନଙ୍କର ସହଯୋଗୀମାନଙ୍କ ସହିତ ପ୍ରସ୍ତୁତ ହେଉଥିଲେ। ପଚରାଉଚରା ସମୟରେ ଜଣାପଡିଲା ଯେ ଗିରଫ ବ୍ୟକ୍ତିମାନେ ଅନେକ ଚୋରି ଏବଂ ଡକାୟତି ମାମଲାରେ ଜଡିତ ଅଛନ୍ତି। ସେମାନେ ଯୋଜନାବଦ୍ଧ ଡକାୟତି କରିବା ପାଇଁ ମାରାତ୍ମକ ଅସ୍ତ୍ରଶସ୍ତ୍ର ଧରି କଟକ ଆସିଥିଲେ । ସେମାନଙ୍କ ନିକଟରୁ ୨ ଟି କଟୁରୀ, ୫ ଟି ବିଅର ବୋତଲ, ଲଙ୍କା ଗୁଣ୍ଡ, ୨ ଟି ଧାରୁଆ ଛୁରୀ ସମେତ ଧଳା ରଙ୍ଗର ସ୍ବିଫ୍ଟ କାର୍ ଜବତ କରାଯାଇଛି। ଗିରଫ ଅଭିଯୁକ୍ତ ମାନେ ହେଲେ ଖୋର୍ଦ୍ଧା ଜଟଣୀ ଅଞ୍ଚଳର ଏମଡ଼ି ଅରବାଜ (୨୫), ଏସକେ ମନୋହର (୨୬), ଏସକେ ସଲମାନ (୨୮) ଓ ଗଣେଶ୍ୱର ଦାସ (୨୩)। ଏମାନଙ୍କ ନାମରେ ପୂର୍ବରୁ ବିଭିନ୍ନ ଥାନାରେ ୧୦ ରୁ ଅଧିକ ଅପରାଧିକ ମାମଲା ଥିବା ଜଣାପଡିଛି। ଅଭିଯୁକ୍ତମାନଙ୍କୁ ୨୬.୦୮.୨୦୨୬ ରେ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।