Odisha Janamata : ମଝି ଆକାଶ ରେ ପାଇଲଟ ଙ୍କ ଦେହଅସୁସ୍ଥ ହୋଇ ପଡିବାରୁ ମାସ୍କଟରେ ଇଣ୍ଡିଗୋ ବିମାନ ଅବତାରଣ କଲା |

ମଝି ଆକାଶ ରେ ପାଇଲଟ ଙ୍କ ଦେହଅସୁସ୍ଥ ହୋଇ ପଡିବାରୁ ମାସ୍କଟରେ ଇଣ୍ଡିଗୋ ବିମାନ ଅବତାରଣ କଲା |

04-Sep-2026

ମସ୍କଟରେ ଇଣ୍ଡିଗୋ ବିମାନର ଜରୁରୀ ଅବତରଣ,
ମଝି ଆକାଶରେ ହଠାତ୍ ଅସୁସ୍ଥ ହୋଇପଡ଼ିଲେ ପାଇଲଟ୍ ।

ଓଡିଶା ଜନ ମତ ବ୍ୟୁରୋ,

ଭଗବାନ ଙ୍କ ଅପାର କରୁଣାରୁ ଇଣ୍ଡିଗୋ ବିମାନ ର କିଛି ହୋଇନାହିଁ କିମ୍ବା କୌଣସି ଯାତ୍ରୀଙ୍କ ର କିଛି ଅସୁବିଧା ହୋଇ ନାହିଁ ତେବେ କଣ ଅସୁବିଧା ହେଲା ଭଗବାନଙ୍କୁ ଧନ୍ୟବାଦ ଦିଆଗଲା ତାର କାରଣ ହେଉଛି ଦୋହାରୁ ବେଙ୍ଗାଲୁରୁ ଆସୁଥିବା ଇଣ୍ଡିଗୋ ବିମାନକୁ ତୁରନ୍ତ ମସ୍କଟ ଅଭିମୁଖେ ଡାଇଭର୍ଟ କରାଗଲା । ଆଉ ମସ୍କଟ ବିମାନବନ୍ଦରରେ ବିମାନର ସୁରକ୍ଷିତ ଜରୁରୀକାଳୀନ ଅବତରଣ କରାଯାଇଛି । ମଝି ଆକାଶରେ ହଠାତ୍ ଅସୁସ୍ଥ ହୋଇପଡ଼ିଲେ ପାଇଲଟ୍ । ଦୋହାରୁ ବେଙ୍ଗାଲୁରୁ ଆସୁଥିବା ଇଣ୍ଡିଗୋ ବିମାନକୁ ତୁରନ୍ତ ମସ୍କଟ ଅଭିମୁଖେ ଡାଇଭର୍ଟ କରାଗଲା । ଆଉ ମସ୍କଟ ବିମାନବନ୍ଦରରେ ବିମାନର ସୁରକ୍ଷିତ ଜରୁରୀକାଳୀନ ଅବତରଣ କରାଯାଇଛି । ଘଟଣା ଆଜି ସକାଳର । ଇଣ୍ଡିଗୋର ୬-ଇ-୧୩୦୨ ବିମାନ ଦୋହାରୁ ବେଙ୍ଗାଲୁରୁ ଅଭିମୁଖେ ଉଡ଼ାଣ ଭରିଥିଲା । ସବୁକିଛି ସ୍ୱାଭାବିକ ଚାଲିଥିବା ବେଳେ ମଝି ଆକାଶରେ ହଠାତ୍ ପାଇଲଟଙ୍କ ସ୍ୱାସ୍ଥ୍ୟ ବିଗିଡ଼ିଯାଇଥିଲା ।
ଏହାପରେ ଯାତ୍ରୀ ଏବଂ ବିମାନର ସୁରକ୍ଷାକୁ ଗୁରୁତ୍ୱ ଦେଇ ଫ୍ଲାଇଟ୍‌କୁ ମସ୍କଟ ଅଭିମୁଖେ ଡାଇଭର୍ଟ କରାଯାଇଥିଲା । ବିମାନଟି ସୁରକ୍ଷିତ ଭାବେ ଅବତରଣ କରିବା ପରେ ଅସୁସ୍ଥ ପାଇଲଟଙ୍କୁ ତୁରନ୍ତ ହସ୍ପିଟାଲକୁ ନିଆଯାଇଥିଲା । ବର୍ତ୍ତମାନ ପାଇଲଟଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା କୁହାଯାଇଛି । ଅନ୍ୟପଟେ ମସ୍କଟରେ ଅଟକିଥିବା ଯାତ୍ରୀଙ୍କୁ ବେଙ୍ଗାଲୁରୁ ପହଞ୍ଚାଇବା ପାଇଁ ଇଣ୍ଡିଗୋ ପକ୍ଷରୁ ବିକଳ୍ପ ବ୍ୟବସ୍ଥା କରାଯାଇଛି। ବେଙ୍ଗାଲୁରୁରୁ ମସ୍କଟକୁ ଆଉ ଏକ ବିମାନ ସହ ନୂଆ କ୍ରୁ ପଠାଇବାର ବ୍ୟବସ୍ଥା ହୋଇଛି ।
ଇଣ୍ଡିଗୋ ପକ୍ଷରୁ ଯାତ୍ରୀଙ୍କ ଅସୁବିଧା ପାଇଁ ଦୁଃଖ ପ୍ରକାଶ କରାଯାଇଛି । ଅପେକ୍ଷା ସମୟରେ ଯାତ୍ରୀଙ୍କୁ ଜଳପାନ ସହ ନିୟମିତ ଅପଡେଟ୍ ଦିଆଯାଉଥିବା କମ୍ପାନି କହିଛି । ତେବେ ମଝି ଆକାଶରେ ପାଇଲଟଙ୍କ ହଠାତ୍ ସ୍ୱାସ୍ଥ୍ୟ ବିଗିଡ଼ିବା ପରେ ନିଆଯାଇଥିବା ତତ୍କାଳ ପଦକ୍ଷେପ ଯୋଗୁଁ ବିମାନଟି ମସ୍କଟରେ ସୁରକ୍ଷିତ ଅବତରଣ କରିଛି ।