Odisha Janamata : 11 ତମ "ଆୟୁର୍ବେଦ ଦିବସ ` ତାଳସର ଠାରେ ପାଳିତ ||

11 ତମ "ଆୟୁର୍ବେଦ ଦିବସ ` ତାଳସର ଠାରେ ପାଳିତ ||

23-Sep-2026

ତାଳସର ଠାରେ ପାଳିତ ହେଲା 11 ତମ "ଆୟୁର୍ବେଦ ଦିବସ l"

ଓଡିଶା ଜନମତ, ବେଗୁନିଆପଡା :23/09/26 :

ଭଞ୍ଜ କିଶୋର ମହାରଣା l

ଆୟୁଷ ମନ୍ତ୍ରଣାଳୟ ଓ ଆଦିବାସୀ ବ୍ୟାପାର ମନ୍ତ୍ରଣାଳୟର ମିଳିତ ଆନୁକୂଲ୍ୟରେ ବୁଧବାର ଦିନ ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ତାଳସର ଗ୍ରାମ ସ୍ଥିତ ସରକାରୀ ଆୟୁର୍ବେଦ ମେଡିକାଲ ପରିସରରେ 11 ତମ "ଆୟୁର୍ବେଦ ଦିବସ" ପାଳିତ ହୋଇଯାଇଛି l ଆୟୁଷ ଡାକ୍ତର ଅମୀୟପ୍ରଭା ସୁବୁଦ୍ଧିଙ୍କ ତତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଆୟୁର୍ବେଦ ବିଜ୍ଞାନର ପ୍ରାସଙ୍ଗିକତା ସମ୍ବନ୍ଧରେ ନିଜର ବହୁମୂଲ୍ୟ ମତ ରଖିଥିଲେ Dr ସୁବୁଦ୍ଧି l ନିଜ ବକ୍ତବ୍ୟରେ "ଆୟୁର୍ବେଦ କେବଳ ଏକ ଚିକିତ୍ସା ପଦ୍ଧତି ନୁହେଁ, ବରଂ ଏହା ଶରୀର, ମନ ଏବଂ ଆତ୍ମାକୁ ସୁସ୍ଥ ରଖିବାର ଜୀବନଶୈଳୀ" ବୋଲି ମତ ଦେବା ସହ "ଆୟୁର୍ବେଦର ମହତ୍ତ୍ଵ, ପ୍ରାଚୀନ ଚିକିତ୍ସା ପ୍ରଣାଳୀ ଏବଂ ସ୍ୱାସ୍ଥ୍ୟ ସଚେତନତାକୁ ଲୋକଙ୍କ ପାଖରେ ପହଞ୍ଚାଇବା ଏହାର ମୂଳଲକ୍ଷ" ବୋଲି ମନ୍ତବ୍ୟ ଦେଇଥିଲେ l ଏହି ଅବସରରେ ମେଡିକାଲ ପରିସର,ପଞ୍ଚାୟତ କାର୍ଯ୍ୟାଳୟ ଏବଂ ତାଳସର ଉଚ୍ଚ ମାଧ୍ୟ୍ୟମିକ ବିଦ୍ୟାଳୟ ପରିସରରେ ବିଭିନ୍ନ ଔଷଧୀୟ ବୃକ୍ଷ ଯଥା- ବେଲ, ଅଁଳା, ତେଜପତ୍ର, ଡାଲଚିନି, ବଉଳ ଆଦି ରୋପଣ କରାଯାଇଥିଲା l ଏହାସହ ମାଗଣା ସ୍ୱାସ୍ଥ୍ୟ ଶିବିର, ମାଗଣା ଔଷଧ ବଣ୍ଟନ, ରକ୍ତଚାପ ଏବଂ ଡାଇବେଟିସ ପରୀକ୍ଷା ଆଦି କରାଯାଇଥିଲା l ଉକ୍ତ କାର୍ଯ୍ୟକ୍ରମରେ ତାଳସର ଗ୍ରାମ୍ୟ କମିଟି ସଭାପତି ଭବାନୀ ପ୍ରସାଦ ଜେନା (ବୁଲା), ଦଣ୍ଡପାଣି ମହାରଣା,ଦାମୋଦର ନାୟକ, ରମେଶ ବିଷୋୟୀ, ପାଣୁ ସାହୁ ସମେତ ଅନ୍ୟମାନେ ଉପସ୍ଥିତ ଥିଲେ l ଆୟୁର୍ବେଦ କର୍ମୀ ସୁଭଦା ପ୍ରିୟଦର୍ଶିନୀ, ସନାତନ ମହାପାତ୍ର,ସାଗରିକ ମହାପାତ୍ର ପ୍ରମୁଖ ଯୋଗଦେଇ ସହଯୋଗ କରିଥିଲେ l ସୂଚନାଯୋଗ୍ୟ 2016 ମସିହା ଠାରୁ ଆରମ୍ଭ ହୋଇଥିବା ଏହି "ଜାତୀୟ ଆୟୁର୍ବେଦ ଦିବସ" ଧନ୍ଵନ୍ତରୀ ଜୟନ୍ତୀ ବା ଧନତେରସ ଅବସରରେ ପାଳିତ ହୋଇଆସୁଥିଲା l କିନ୍ତୁ ବିଶ୍ୱସ୍ତରରେ ସମ୍ୟତା ରଖବା ପାଇଁ 2025 ମସିହା ଠାରୁ ସରକାରୀ ବିଜ୍ଞପ୍ତି ଅନୁସାରେ ଏକ ନିର୍ଦ୍ଧିଷ୍ଟ ତାରିଖ ସେପ୍ଟେମ୍ବର 23 ତାରିଖ ଦିନ ଏହା ପାଳନ ହୋଇଆସୁଅଛି l