Odisha Janamata : ଖୋର୍ଦ୍ଧା ବ୍ଲଜ ସ୍ତରୀୟ ଯୁବ ସମାବେଶ -2026 କେରଙ୍ଗ ରେ ଅନୁଷ୍ଠିତ |

ଖୋର୍ଦ୍ଧା ବ୍ଲଜ ସ୍ତରୀୟ ଯୁବ ସମାବେଶ -2026 କେରଙ୍ଗ ରେ ଅନୁଷ୍ଠିତ |

07-Oct-2026

କେରଙ୍ଗ ରେ ଖୋର୍ଦ୍ଧା ବ୍ଲକ ସ୍ତରୀୟ ଯୁବ ସମାବେଶ - ୨୦୨୬::ବାଲ୍ୟ ବିବାହ ବନ୍ଦ, ଲିଙ୍ଗଗତ ସମାନତା,ମହିଳା ହିଂସା ଦୂର ପାଇଁ ନେଲେ ଶପଥ
ଓଡିଶା ଜନମତ, ଖୋର୍ଦ୍ଧା, ଗୋପାଲକୃଷ୍ଣ ପ୍ରଧାନ

ଖୋର୍ଦ୍ଧ ବ୍ଲକ ଅନ୍ତର୍ଗତ କେରଙ୍ଗ ପଞ୍ଚାୟତ ଉଚ୍ଚ ମାଧ୍ୟମିକ ବିଦ୍ୟାଳୟରେ ବ୍ଲକ ସ୍ତରୀୟ ଯୁବ ସମାବେଶ - ୨୦୨୬ ଅତ୍ୟନ୍ତ ଉତ୍ସାହ ଓ ଆନନ୍ଦ ସହକାରେ ଅନୁଷ୍ଠିତ ହୋଇଯାଇଛି ।ଏହି କାର୍ଯ୍ୟକ୍ରମରେ ଖୋର୍ଦ୍ଧା ପଞ୍ଚାୟତ ସମିତିର ଉପାଧ୍ୟକ୍ଷ ପ୍ରକାଶ ସାମନ୍ତରାୟ, କେରଙ୍ଗ ଗ୍ରାମ ପଞ୍ଚାୟତର ସରପଞ୍ଚ ମବରୁ ହୁସେନ, ଏବିଡିଓ ଦେବେନ୍ଦ୍ର ପ୍ରଧାନ , ଖୋର୍ଦ୍ଧା ସିଡିପିଓ ନନ୍ଦିତା ମହାନ୍ତି , ଡିସିପିଓ, ବିଇଓ, ପିଓ ତଥା ଏପିଓ, ପ୍ରଧାନ ଶିକ୍ଷକ ଏବଂ ସମସ୍ତ ଶିକ୍ଷକମଣ୍ଡଳୀ ମିଳିତ ଭାବେ ଉଦଘାଟନ କରିଥିଲେ । ଏହି ଅବସରରେ ଜିଲ୍ଲା, ଯୁବ କ୍ଲବ, ଏନଏସଏସ ଅଧିକାରୀ, ଅଦ୍ୱିକା କ୍ଲବ, ଅଙ୍ଗନୱାଡ଼ି କର୍ମୀ ଏବଂ ୧୩୦ ଜଣ ଛାତ୍ରଛାତ୍ରୀ ଉପସ୍ଥିତ ଥିଲେ ।ବିଶେଷ କରି ପ୍ରଥମେ ଖୋର୍ଦ୍ଧାର ସିଡିପିଓ ନନ୍ଦିତା ମହାନ୍ତି (ବେଟି ବଚାଓ ବେଟି ପଢାଓ) ଅଧୀନରେ ଏହି ଯୁବ ସମାବେଶର ଲକ୍ଷ୍ୟ ଓ ଉଦ୍ଦେଶ୍ୟ ବିଷୟରେ ବୁଝାଇଥିଲେ । ପରେ ବିଇଓ, ଡିସିପିଓ ଏବଂ ପ୍ରଧାନ ଶିକ୍ଷକ ତିନୋଟି ବିଷୟବସ୍ତୁ ଉପରେ ବଡ ଦଳ ଏବଂ ଛୋଟ ଛୋଟ ଦଳରେ ବିଭକ୍ତ ହୋଇ ଛାତ୍ରଛାତ୍ରୀମାନଙ୍କ ସହିତ ବିସ୍ତୃତ ଆଲୋଚନା କରିଥିଲେ । ପରେ ଲୋକନୃତ୍ୟ ଓ ସଚେତନତା କାର୍ଯ୍ୟକ୍ରମ: ଲିଙ୍ଗଗତ ସମାନତା, ବାଲ୍ୟ ବିବାହ ଏବଂ ମହିଳାଙ୍କ ପ୍ରତି ହିଂସା ଉପରେ ଆଧାରିତ ଲୋକକଳା ପ୍ରଦର୍ଶନ କରାଯାଇ ଛାତ୍ରଛାତ୍ରୀମାନଙ୍କୁ ସଚେତନ କରିବା ସହିତ ଛାତ୍ରଛାତ୍ରୀମାନେ ପୋଷଣ, ଶିଶୁ ଅଧିକାର ଏବଂ ଭବିଷ୍ୟତର ସ୍ୱପ୍ନ ସମ୍ବନ୍ଧୀୟ ଫଳକ ଧରି ଏକ ବିଶାଳ ଶୋଭାଯାତ୍ରା କରିଥିଲେ ।ସେହିପରି ପିଲାମାନେ ବହୁତ ଆନନ୍ଦର ସହ ତିନୋଟି ବିଭିନ୍ନ ବିଷୟରେ ବିତର୍କ, କୁଇଜ୍ ଏବଂ ପୋଷ୍ଟର ତିଆରି ପ୍ରତିଯୋଗିତାରେ ଭାଗ ନେଇଥିଲେ ଏବଂ ଶେଷରେ ବିଜେତାମାନଙ୍କୁ ଅତିଥି ମାନେ ପୁରସ୍କାର ପ୍ରଦାନ କରାଯାଇଥିଲା ।ଏହି ଅବସରେ ଉପସ୍ଥିତ ସମସ୍ତେ ମିଳିମିଶି ବାଲ୍ୟ ବିବାହ ବନ୍ଦ, ଲିଙ୍ଗଗତ ସମାନତା ଏବଂ ଲିଙ୍ଗଗତ ଭେଦଭାବ ଦୂର କରିବା ପାଇଁ ଶପଥ ନେଇଥିଲେ । ଏହା ପରେ ବିଦ୍ୟାଳୟ ପରିସର ଭିତରେ ବୃକ୍ଷରୋପଣ କରାଯାଇଥିଲା ଏବଂ ଛାତ୍ରଛାତ୍ରୀମାନଙ୍କୁ ସେହି ଗଛଗୁଡ଼ିକର ଯତ୍ନ ନେବାକୁ ଅନୁରୋଧ କରାଯିବା ସହିତ ଶେଷରେ ସମସ୍ତେ ଦସ୍ତଖତ ଅଭିଯାନରେ ଅଂଶଗ୍ରହଣ କରିଥିଲେ ।
ଶେଷରେ ଖୋର୍ଦ୍ଧାର ସିଡିପିଓ ନନ୍ଦିତା ମହାନ୍ତି ସମସ୍ତଙ୍କୁ ଆନ୍ତରିକ ଧନ୍ୟବାଦ ଦେଇଥିଲେ ।

ପୋଲସରା ରେ ବିଜେଡିର "ଜନ ସମ୍ପର୍କ ପଦଯାତ୍ରା ` ଆରମ୍ଭ |

ପ୍ରକୃତ ମାଲିକ ଙ୍କ ଅଜାଣତ ରେ ଅନ୍ୟ ବ୍ୟକ୍ତିଙ୍କ ନାମରେ ଦଲିଲ |