Odisha Janamata : ବେଗୁନିଆପଡା 46 ନଂ ଜୋନ ରେ ବିଜେଡିର ବାଇକ ଶୋଭାଯାତ୍ରା |

ବେଗୁନିଆପଡା 46 ନଂ ଜୋନ ରେ ବିଜେଡିର ବାଇକ ଶୋଭାଯାତ୍ରା |

23-Oct-2026

କବିସୂର୍ଯ୍ୟନଗର ନିର୍ବାଚନ ମଣ୍ଡଳୀ ବିଜୁ ଜନତା ଦଳ ଜୋରଦାର ପ୍ରଚାର l ବେଗୁନିଆପଡା 46 ନଂ ଜୋନରେ ଜନସମ୍ପର୍କ ବାଇକ ଶୋଭାଯାତ୍ରା l

ଓଡିଶା ଜନମତ, ବେଗୁନିଆପଡା :23/10/26 :

ଭଞ୍ଜ କିଶୋର ମହାରଣା l

କବିସୂର୍ଯ୍ୟନଗର ନିର୍ବାଚନ ମଣ୍ଡଳୀରେ ବିଜୁ ଜନତା ଦଳ ବାଇକ ରାଲି ମାଧ୍ୟମରେ ଜୋରଦାର ପ୍ରଚାର ଜରୁଥିବା ଦେଖିବାଜୁ ମିଳିଛି l ବିଜେଡି ସଂଗଠନକୁ ସୃଦୁଡ଼ କରିବା ଉଦେଶ୍ୟରେ ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ 46 ନଂ ଜିଲ୍ଲା ପରିଷଦ ଜୋନରେ ଆଜି ବିଜେଡି ପକ୍ଷରୁ ବାଇକ ଯୋଗେ ଜନ ସମ୍ପର୍କ ଶୋଭାଯାତ୍ରା ଅନୁଷ୍ଠିତ ହୋଇଛି l ରାଜ୍ୟ ବିଜେଡି ମହିଳା ସମ୍ପାଦିକା ତଥା ବିଜୁ ଶ୍ରମିକ ସାମୁଖ୍ୟ ରାଜ୍ୟ ଉପସଭାପତି ଏବଂ ରାଜ୍ୟ ବିଜେଡି ମୁଖପାତ୍ର ତଥା ଆସିକା ସାଂସଦ ପାର୍ଥୀନୀ ଶ୍ରୀମତୀ ରଞ୍ଜିତା ସାହୁ ଏବଂ ବରିଷ୍ଠ ବିଜେଡି ନେତା ତଥା କୋଦଳା ଏନଏସି ପୂର୍ବତନ ନଗରପାଳ ହରପ୍ରସାଦ ସାହୁଙ୍କ ନେତୃତ୍ୱରେ ବହୁ ସଂଖ୍ୟାରେ ବିଜେଡି କର୍ମୀ ଯୋଗଦେଇ ଏକ ମୋଟର ସାଇକେଲ ଶୋଭାଯାତ୍ରାରେ ବେଗୁନିଆପଡ଼ା ବ୍ଲକ ସ୍ଥିତ ବାଲିବଣ ଶନି ମନ୍ଦିର ଠାରୁ ବାହାରି ବୁରୁଝରୀ, ସୁମଣ୍ଡଳ, ସାଙ୍କୁଡ଼ା,ତାଳସର, ଷଣ୍ଢମୂଳ ଅଙ୍ଗାରଗାଁ,କୁମ୍ଭାର ଗାଁ ଏବଂ ବଡଖଇରିଖମା ଆଦି ପଞ୍ଚାୟତ ର ସମସ୍ତ ଗ୍ରାମ ପରିକ୍ରମା କରି ଲୋକଙ୍କୁ ସଚେତନ କରିଥିଲେ । କାର୍ଯ୍ୟକ୍ରମରେ ବିଭିନ୍ନ ପଞ୍ଚାୟତର ବିଜେଡି ନେତା ଓ କର୍ମୀମାନେ ସାମିଲ ହୋଇ ବିଜେପି ସରକାରର ବିଫଳତାକୁ ନେଇ ବର୍ଷିବା ସହ ନବୀନ ସରକାରଙ୍କ ପୂର୍ବ ଯୋଜନା ଗୁଡିକ ସଂପର୍କରେ ଲୋକଙ୍କୁ ସଚେତନ କରାଇଥିଲେ। ଶୋଭାଯାତ୍ରା ସମୟରେ କେତେକ ସ୍ଥାନରେ ଅନୁଷ୍ଠିତ ସଭାକୁ ସମ୍ବୋଧିତ କରି ଡବଲ ଇଞ୍ଜିନ ସରକାରର ବିଫଳତାକୁ ପ୍ରତି ଘରେ ଘରେ ପହଞ୍ଚାଇ ଲୋକଙ୍କୁ ସଚେତନ କରିବା ଲକ୍ଷ୍ୟ ରହିଥିବା କହିଛନ୍ତି ବିଜେଡି ନେତ୍ରୀ ତଥା ରାଜ୍ୟ ବିଜେଡ଼ି ମୁଖପାତ୍ର ରଞ୍ଜିତା ସାହୁ। ସାର, ପିଡିଆ ଠୁ ଆରମ୍ବ କରି ବାର୍ଦ୍ଧକ୍ୟ ଭତ୍ତା, ଚାଷୀ ପଞ୍ଜିକରଣ, ରାସନ କାର୍ଡ, ଧାନର ମୂଲ୍ୟ ନିର୍ଧାରଣ ଆଦିରେ ଅନିୟମିତତାରେ ବିଜେପି ସରକାର ବୁଡି ରହିଥିବା ନେଇ ଲୋକଙ୍କ ଦୃଷ୍ଟି ଆକର୍ଷଣ କରିଥିଲେ l ସେହିପରି ଲୋକ ହେଉଛନ୍ତି ଆମର ବଳ, ଲୋକେ ଆମ ସହ ଅଛନ୍ତି, ନବୀନ ବାବୁଙ୍କ ନୀତି ଆଦର୍ଶ ସହ ଅଛନ୍ତି ବୋଲି କହିଛନ୍ତି ବରିଷ୍ଠ ନେତା ହରପ୍ରସାଦ ସାହୁ। ଉକ୍ତ ଶୋଭାଯାତ୍ରାରେ କୋଦଳା ଏନଏସି ବିଜେଡି ସଭାପତି ଭାସ୍କର ପଳତା ସମେତ ବହୁ ବିଜେଡି କର୍ମୀ ଯୋଗଦେଇ କାର୍ଯ୍ୟକ୍ରମକୁ ସଫଳ କରିଥିଲେ l ଏହି ଅବସରରେ ପ୍ରାୟ 600 ରୁ ଉର୍ଦ୍ଧ ମୋଟର ସାଇକେଲ ଶୋଭାଯାତ୍ରାରେ ପରିକ୍ରମା କରିଥିବା ଦେଖିବାକୁ ମିଳିଥିଲା l