Odisha Janamata : ପୋଲସରା ରେ ଗଞ୍ଜାମ ଜିଲ୍ଲପାଳ ଓ ଏସପିଙ୍କ ମିଳିତ ଅଭିଯୋଗ ଶୁଣାଣି |

ପୋଲସରା ରେ ଗଞ୍ଜାମ ଜିଲ୍ଲପାଳ ଓ ଏସପିଙ୍କ ମିଳିତ ଅଭିଯୋଗ ଶୁଣାଣି |

13-May-2025

ଜିଲ୍ଲପାଳ ଓ ଆରକ୍ଷୀ ଅଧିକ୍ଷକଙ୍କ ଯୁଗ୍ମ ଅଭିଯୋଗ ଶୁଣାଣି

ଓଡ଼ିଶା ଜନମତ, ପୋଲସରା, ସନ୍ତୋଷ କୁମାର ପଣ୍ଡା,

ତା -୧୩/୫/୨୫

ପୋଲସରା ବ୍ଲକ କାର୍ଯ୍ୟାଳୟ ପରିସରରେ ମଙ୍ଗଳବାର ବିଡ଼ିଓ ଶଶିଭୂଷଣ ମହାପାତ୍ରଙ୍କ ତତ୍ୱାବଧାନ ରେ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କ ଯୁଗ୍ମ ଅଭିଯୋଗ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | କାର୍ଯ୍ୟକ୍ରମରେ ୧୯୪ ଜଣ ହିତାଧିକାରୀ ନିଜର ଅଭିଯୋଗ ଲାଗି ନିଜର ନାମ ପଞ୍ଜିକୃତ କରିଥିଲେ |ଅଭିଯୋଗରେ ବହୁଳ ମାତ୍ରାରେ ରାସନ କାର୍ଡ, ପ୍ରଧାନମନ୍ତ୍ରୀ ଆବାସ ଯୋଜନା ଭତ୍ତା, ଚାଷୀଙ୍କ ପାଣି ସମସ୍ୟା, ଭିନ୍ନକ୍ଷମଙ୍କ ସମସ୍ୟା ଓ ଭତ୍ତା ଆଦି ଉପରେ ହୋଇଥିବା ଅଭିଯୋଗଗୁଡ଼ିକ ଉପରେ ଶୁଣାଣି ହୋଇଥିଲା | ଜକର ପଂଚାୟତ ଅଧୀନ ଜକର ଗ୍ରାମର ସି ଆର ପି ମମତା ମହାନ୍ତି ମିଶନ ଶକ୍ତି ଅଧୀନରେ ପୂର୍ବରୁ କାର୍ଯ୍ୟକରୁଥୁବା ବିପିଏମ ସଞ୍ଜୁ ସାହୁ କିଛି ଆର୍ଥିକ କାରବାରରେ ଅନିୟମିତତା କରିଥିବା ନେଇ ଜିଲ୍ଲାପାଳଙ୍କୁ ଭେଟି ଅଭିଯୋଗ କରିଥିଲେ | ଅଭିଯୋଗ ଶୁଣିବା ପରେ ଆଗାମୀ ୭ଦିନ ମଧ୍ୟରେ ଆଲୋଚନା କରି ସମାଧାନ କରିବା ପାଇଁ ଜିଲ୍ଲାପାଳ ବିଭାଗୀୟ ଅଧିକାରୀଙ୍କୁ ନିର୍ଦ୍ଧେଶ ପ୍ରଦାନ କରିଥିଲେ |ଏହି ଅବସରରେ ଦୁଇ ଜଣ କ୍ୟାନ୍ସର ପୀଡିତାଙ୍କୁ ଜିଲ୍ଲାପାଳ ଆର୍ଥିକ ସହାୟତା ପ୍ରଦାନ କରିଥିଲେ |ଜଣଙ୍କୁ ୩୦ହଜାର ପ୍ରଦାନ କରିଥିବାବେଳେ ଅନ୍ୟ ଜଣଙ୍କୁ ୩ହଜାର ୫ଶହ ଟଙ୍କା ପ୍ରଦାନ କରିଥିଲେ ||ଉକ୍ତ ଯୁଗ୍ମ ଅଭିଯୋଗ ଶୁଣାଣି କାର୍ଯ୍ୟକ୍ରମରେ ଜିଲ୍ଲାପାଳ ଦିବ୍ୟଜ୍ୟୋତି ପରିଡା, ଆରକ୍ଷୀ ଅଧିକ୍ଷକ ଶୁଭେନ୍ଦୁ ପାତ୍ର, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ସୁଶ୍ରୀ ମଧୁମିତା,ଉପ ଜିଲ୍ଲାପାଳ ଶିବାଶିଷ ବରାଳଙ୍କ ସମେତ ଜିଲ୍ଲାର ସମସ୍ତ ବିଭାଗୀୟ ଜିଲ୍ଲାଧିକାରୀ, ପୋଲସରା ଥାନାଧିକାରୀ କୌଶିକ ମାଝୀ, ତହସିଲଦାର ଦିପ୍ତିମୟୀ ପାତ୍ର, ଏନ ଏ ସି ର କାର୍ଯନିର୍ବାହୀ ଅଧିକାରୀ କୈଳାସ ଚନ୍ଦ୍ର ଜେନା , ସି ଡ଼ି ପି ଓ ତିଳୋତ୍ତମା ରାଉତଙ୍କ ସମେତ ପୋଲସରା ବ୍ଲକର ସମସ୍ତ ବିଭାଗୀୟ ଅଧିକାରୀ ଓ କର୍ମଚାରୀ ମାନେ ଉପସ୍ଥିତ ଥିଲେ |