Odisha Janamata : ଚାଷୀଙ୍କୁ ଶୀଘ୍ର ଟୋକେନ ଦେବାକୁ ଯୋଗାଣ ମନ୍ତ୍ରୀ ଙ୍କ ନିର୍ଦ୍ଧେଶ |

ଚାଷୀଙ୍କୁ ଶୀଘ୍ର ଟୋକେନ ଦେବାକୁ ଯୋଗାଣ ମନ୍ତ୍ରୀ ଙ୍କ ନିର୍ଦ୍ଧେଶ |

16-Dec-2025

ଯୋଗାଣ ମନ୍ତ୍ରୀଙ୍କ ନିର୍ଦେଶ ଚାଷୀଙ୍କୁ ଶୀଘ୍ର ଟୋକେନ ଦିଅ,

ଓଡିଶା ଜନ ମତ ବ୍ୟୁରୋ,

ଧାନ କଟା ପରେ ଧାନ ଉଡାଇ ବିଭିନ୍ନ ସ୍ଥାନରେ ଧାନବସ୍ଥା ରଖି ଚିନ୍ତାରେ ଚାଷୀ | କିନ୍ତୁ ଏପର୍ଯ୍ୟନ୍ତ ସେମାନଙ୍କୁ ଟୋକେନ ମିଳିନଥିବାରୁ ବାହାରେ ଧାନ ରଖି ହଟ, ହଟା ହେଉଛି ଚାଷୀ | ତେବେ ଯୋଗଣ ମନ୍ତ୍ରୀଙ୍କ ନିର୍ଦେଶ ଚାଷୀଙ୍କୁ ଶୀଘ୍ର ଟୋକେନ ଦିଅ |ଚାଷୀଙ୍କଠୁ ନିର୍ଦ୍ଧାରିତ ଧାନ ଉଠାଇବେ ସରକାର। ଟୋକେନ ପାଇନଥିବା ଚାଷୀଙ୍କୁ ଟୋକେନ ଦେବାକୁ ନିର୍ଦ୍ଦେଶ ଦିଆଯାଇଛି । ଟୋକେନ ପରେ ଧାନ ବଳିଲେ ଖୋଲା ବଜାରରେ ଚାଷୀ ବିକି ଦିଅନ୍ତୁ ବୋଲି କହିଛନ୍ତି ମନ୍ତ୍ରୀ କୃଷ୍ଣ ପାତ୍ର। ସେ ଆହୁରି କହିଛନ୍ତି, ଧାନ ସଂଗ୍ରହ ପ୍ରକ୍ରିୟା ସୁରୁଖୁରୁରେ ଚାଲିଛି। ଏବେ ଯାଏଁ ୬ଟି ଜିଲ୍ଲାର ରିପୋର୍ଟ ଆସିଛି । ବରଗଡ଼ରେ ୫୩ ହଜାର ୮୩୮ ମେଟ୍ରିକ୍ ଟନ୍, ବଲାଙ୍ଗୀର ରେ ୯୬ ମେଟ୍ରିକ୍ ଟନ୍, କଳାହାଣ୍ଡି ୭ହଜାର ୩୮୭, ନୂଆପଡ଼ା ୩ ହଜାର ୮୪୭ ମେଟ୍ରିକ୍ ଟନ୍, ସମ୍ବଳପୁର ୬୦ ହଜାର ୨୫୬ ମେଟ୍ରିକ୍ ଟନ୍‌ ଏବଂ ସୁବର୍ଷପୁରରେ ୧୫ ମେଟ୍ରିକ୍ ଟନ୍ ଧାନ ସଂଗ୍ରହ ହୋଇଛି । ଏଯାବତ୍ ମୋଟ ୧ ଲକ୍ଷ ୨୫ ହଜାର ୪୩୯ ମେଟ୍ରିକ୍ ଟନ୍ ଧାନ କିଣା ସରିଛି । ଧାନ କିଣା ପ୍ରକ୍ରିୟା କେବେ ହେବ ତାହା ଜିଲ୍ଲାଓ୍ବାରୀ ଡି ଏଲ୍‌ ପିସି କମିଟିରେ ନିଷ୍ପତି ହେଉଛି। ଗତକାଲି ଏକ ଉଚ୍ଚସ୍ତରୀୟ
କମିଟି ବୈଠକ ବସିଥିଲା । ଟୋଳେନ ସମସ୍ୟା ଦୂର କରିବାକୁ ସରକାର୍ ଚେଷ୍ଟା କରୁଛନ୍ତି । ସମସ୍ତଙ୍କ ଧାନ କିଣା ଯିବ, କେହି ଅସୁବିଧା ରେ ପଡ଼ିବେନି । ବଳକା ଧାନ ଚାଷୀ ଖୋଲା ବଜାରରେ ବିକ୍ରି କରିପାରିବେ । ଧାନ ଅମଳ ଆଭରେଜ୍ ଅନୁସାରେ ଜଳସେଚିତ ଜମିରେ ଏକର ପିଛା ୧୯ କ୍ଲିଣ୍ଟାଲ ଏବଂ ଅଣ ଜଳସେଚିତ ଜମିରେ ଏକର ପିଛା ୧୩ କ୍ରିଣ୍ଟାଲ ଧାନ ସରକାର୍ ସଂଗ୍ରହ କରିବେ । ମିଲରଙ୍କ ପାଖେ ପର୍ଯ୍ୟାପ୍ତ ଜାଗା ଅଛି। ବଳକା ଚାଉଳକୁ ସରକାର୍ ଅକ୍ସନ୍ କରି ଖାଲି କରାଇବାକୁ ଯୋଜନା କରିଛନ୍ତି, ତାହା ସମସ୍ୟା ହେବ ନାହିଁ । ଯେଉଁମାନେ ଟୋକେନ ପାଇନାହାନ୍ତି ସେମାନଙ୍କୁ ମଧ୍ୟ ଟୋକେନ ଦେବାକୁ କୁହାଯାଇଛି । ଟୋକେନ ବାଦ ଯେଉଁ ଧାନ ବଳିବ ତାହା ଖାଇବା ପାଇଁ ରଖିବେ ଏବଂ ମାର୍କେଟ ରେ ବିକି ପାରିବେ । ସରକାରୀ ନିର୍ଦ୍ଧାରିତ ହିସାବରେ ଧାନ କିଣା ଯିବ । ଏହି କଥା ଶୁଣିଲା ପରେ ଚାଷୀଙ୍କ ମନରେ ଯେଉଁ ହତାଶ ଭାବ ଥିଲା ତାହା କିଛି ମାତ୍ରାରେ ପ୍ରସମିତ ହୋଇ ପାରିଛି |