Odisha Janamata : ପଥର ଚୋରା ଚାଲାଣ ବେଳେ ତିନି ଟିପର କୁ ଜବତ କଲେ ବାଲେଶ୍ୱର ଜିଲ୍ଲାପାଳ ||

ପଥର ଚୋରା ଚାଲାଣ ବେଳେ ତିନି ଟିପର କୁ ଜବତ କଲେ ବାଲେଶ୍ୱର ଜିଲ୍ଲାପାଳ ||

17-Dec-2025

ପଥର ଚୋରାଚାଲଣ ବେଳେ ୩ଟିପ୍ପର ଜବତ, ଆକ୍ସନ ମୋଡ଼ରେବାଲେଶ୍ୱର ଜିଲ୍ଲା ପାଳ,

ଓଡିଶା ଜନ ମତ ବ୍ୟୁରୋ,

ବେଆଇନଭାବେ ଆଜିକାଲି ବାଲି, ମୋରମ, ପଥର ଚୋରା ଚାଲାଣ ହେଉଥିବା ହେଉଛି ନିତିଦିନୀୟ ଘଟଣା | ତେବେ ଏପରି କିଛି ଅଫିସର ଓ ଜିଲ୍ଲା ପାଳ ଙ୍କ ଯୋଗୁଁ ମାଫିଆ ମାନଙ୍କ ମନରେ କମ୍ପନ ସୃଷ୍ଟି ହୋଇଛି | ସେପରି ଏକ ଘଟଣା ଘଟିଛି ବାଲେଶ୍ୱର ସୋର ଅଞ୍ଚଳରେ | ପଥର ଚୋରାଚାଲାଣକୁ ରୋକ୍ ଦେବାକୁ ଅଣ୍ଟା ଭିଡିଛନ୍ତି ଖୋଦ୍ ଜିଲ୍ଲାପାଳ । ସୂଚନାରୁ ଜଣାଯାଇଛି, ରବିବାର ବିଳମ୍ବିତ ରାତିରେ ସୋର ଓ ନୀଳଗିରି ଅଂଚଳରୁ ବେଆଇନ ଭାବରେ ପଥରଉତ୍ତୋଳନ କରାଯାଇ ଚୋରାଚାଲଣ କରାଯାଉଥିଲା ।ବିଶେଷ ସୂତ୍ରରୁ ଖବରପାଇ ବାଲେଶ୍ବର ଜିଲ୍ଲାପାଳ ସୂର୍ଯ୍ୟବଂଶୀ ମୟୁରବିକାଶ ନୀଳଗିରି ଥାନା ଅଧୀନ କଦମ୍ବସାହି ଛକ ନିକଟରୁ ୩ଟି ଟିପ୍ପରକୁ ଜବତ କରିଥିଲେ ।ତିନୋଟି ଟିପ୍ସର ଯାହାର ନମ୍ବର(ଓଡି-୦୧ଏନ୪୯୧୧),(ଓଡି-୦୧ ଏକ୍ସ୪ ୦୩୨ ) ଓ (ଓଆର - ୦ ୧ ପି୪୫୬୧) ଜବତ କରାଯାଇ ନୀଳଗିରି ଥାନାର ଜିମା ଦିଆଯାଇଛି । ଏହିପରି ଯଦି ସବୁ ଜିଲ୍ଲା ର ଜିଲ୍ଲା ପାଳ, ଉପଜିଲ୍ଲାପାଳ, ଓ ତହସିଲଦାର ଓ ପୋଲିସ ଯଦି ବେ ଆଇନ ଚୋରା ଚାଲାଣ କୁ ରୋକି ପାରି ସେମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରନ୍ତି ତେବେ ବହୁ ମାତ୍ରାରେ ଏହି ଚୋରା ଚାଲାଣ ଉପରେ ରୋକ ଲାଗିବ ଓ ମାଫିଆ ଙ୍କ ମନୋବଳ ଧୂଳିସାତ ହୋଇଯିବ |