Odisha Janamata : ଗଞ୍ଜାମ ଜିଲ୍ଲା ର ଲୋକ ମାନଙ୍କ ଲୁକାୟିତ ସଙ୍ଗୀତ ପ୍ରତିଭା କୁ ବିକଶିତ କରିବା ପାଈଁ ସିଙ୍ଗିଙ୍ଗ କଣ୍ଟେଷ୍ଟ ସିଜନ 2ର ଆରମ୍ଭ ନିମନ୍ତେ ସାମ୍ବାଦିକ ସମ୍ମିଳନୀ |

ଗଞ୍ଜାମ ଜିଲ୍ଲା ର ଲୋକ ମାନଙ୍କ ଲୁକାୟିତ ସଙ୍ଗୀତ ପ୍ରତିଭା କୁ ବିକଶିତ କରିବା ପାଈଁ ସିଙ୍ଗିଙ୍ଗ କଣ୍ଟେଷ୍ଟ ସିଜନ 2ର ଆରମ୍ଭ ନିମନ୍ତେ ସାମ୍ବାଦିକ ସମ୍ମିଳନୀ |

21-Apr-2026

ଗଞ୍ଜାମ ଲୋକଙ୍କ ଲୁକାୟିତ ସଙ୍ଗୀତ କଳାକୁ ବିକଶିତ କରିବା ପାଇଁ ସିଙ୍ଗିଙ୍ଗ କଣ୍ଟେଷ୍ଟ ସିଜିନ 2 ର ସାମ୍ବାଦିକ ସମ୍ମିଳନୀ,

ଓଡିଶା ଜନ ମତ ବ୍ୟୁରୋ,

ଗଞ୍ଜାମ ଜିଲ୍ଲାର ଲୋକଙ୍କ ମଧ୍ୟରେ ଭରପୁର ହୋଇ ରହିଥିବା ଅନ୍ତର୍ନିହିତ ପ୍ରତିଭାକୁ ଲୋକଲୋଚନକୁ ଆଣିବା ନିମନ୍ତେ ଅଣ୍ଟା ଭିଡ଼ିଛନ୍ତି ମାଁ ତାରାତାରିଣୀଙ୍କ ପୀଠର ବରିଷ୍ଠ ପୂଜକ ତଥା ସଂସ୍କୃତିକ ଗବେଷକ ଧୃବ ଚରଣ ରଣା । ବ୍ରହ୍ମପୁର ସିଙ୍ଗିଂ କଣ୍ଟେଷ୍ଟ ସିଜନ୍-୨ ମାଧ୍ୟମରେ ଗଞ୍ଜାମ ଜିଲ୍ଲାର କଳାକାର ମାନଙ୍କୁ ଆଗକୁ ବଢ଼ାଇବା ପାଇଁ ଉଦ୍ୟମ କରିଛନ୍ତି । ଏନେଇ ଆଜି ତାରାତାରିଣୀ ପୀଠରେ ଥିବା ଜୟ ମାତା ଜି ହୋଟେଲରେ ସାମ୍ବାଦିକ ସମ୍ମିଳନୀର ଆୟୋଜନ ହୋଇଥିଲା । ବ୍ରହ୍ମପୁର ସିଙ୍ଗିଂ କଣ୍ଟେଷ୍ଟ ସିଜନ୍-୨ ପାଇଁ ଆସନ୍ତା ଏପ୍ରିଲ ୨୬ ତାରିଖରୁ ଜିଲ୍ଲାର ପୁରୁଷୋତ୍ତମପୁରରେ ଅଡିସନ୍ ଆରମ୍ଭ ହେବ । ଏଥିରେ ୧୫ ବର୍ଷ ବୟସରୁ ୩୫ ବର୍ଷ ବୟସ ମଧ୍ୟରେ ଥିବା ଯୁବକ ଯୁବତୀ ମାନେ ଭାଗ ନେଇପାରିବେ । ଏହାସହ ଆଧୁନିକ, ଭଜନ, ଆଧ୍ୟାତ୍ମିକ, ଦେଶାତ୍ମବୋଧକ ଭଳି ଯେକୌଣସି ଗୀତ ପରିବେଷଣ କରିପାରିବେ । ପ୍ରଥମେ ପୁରୁଷୋତ୍ତମପୁରର ତାରା ତାରିଣୀ କଲେଜ ରେ ଅଡିସନ ହେବା ପରେ ମେ ରେ ଆସିକା, ମେ ୧୭ରେ ଭଞ୍ଜନଗର, ଜୁନ୍ ୭ରେ ଦିଗପହଣ୍ଡି ଓ ଜୁନ ୨୧ରେ ବ୍ରହ୍ମପୁରରେ ଅଡିସନ୍ ହେବ । ଏହାପରେ ଆସନ୍ତା ୧୨ ଜୁଲାଇରେ ସେମିଫାଇନାଲ ଓ ଅଗଷ୍ଟ ୨ ତାରିଖରେ ଗ୍ରାଣ୍ଡ ଫାଇନାଲ ହେବ । ଯେଉଁ ମାନେ ଫାଇନାଲରେ ବିଜୟ ଲାଭ କରିବେ ସେମାନଙ୍କୁ ଅର୍ଥ ରାଶି ସହ ପୁରସ୍କୃତ କରାଯିବ । ସବୁଠାରୁ ବଡ଼ କଥା ହେଲା ଏହି କଣ୍ଟେଷ୍ଟ ସାମିଲ ପାଇଁ କୌଣସି ଦେୟ ଦେବାକୁ ପଡ଼ିବ ନାହିଁ । ସାମ୍ବାଦିକ ସମ୍ମିଳନୀରେ ଧୃବ ଚରଣ ରଣାଙ୍କ ସମେତ ରବିନ୍ଦ୍ର ଗୌଡ଼, ଗଣେଶ ପଟ୍ଟନାୟକ ଓ ପ୍ରତାପଚନ୍ଦ୍ର ପ୍ରଧାନ ଉପସ୍ଥିତ ଥିଲେ । ଯେଉଁ ମାନଙ୍କ ସଙ୍ଗୀତ ପ୍ରତି ଆଗ୍ରହ ଅଛି ସେମାନେ ଏହି ପ୍ରତିଯୋଗିତା ରେ ଭାଗ ନେଇ ଆଗକୁ ବଢିବାର ସୁଯୋଗ ପାଇ ପାରିବେ |