Odisha Janamata : ରୁଣ ଭାର ଯୋଗୁଁ ବେକରେ ରଶି ଲଗାଇ ବୃଦ୍ଧ ଦମ୍ପତି ଙ୍କ ଆତ୍ମ ହତ୍ୟା |

ରୁଣ ଭାର ଯୋଗୁଁ ବେକରେ ରଶି ଲଗାଇ ବୃଦ୍ଧ ଦମ୍ପତି ଙ୍କ ଆତ୍ମ ହତ୍ୟା |

25-Apr-2026

ଋଣ ଭାର ସହିନପାରି ବେକରେ ରଶି ଲଗେଇ ବୃଦ୍ଧ ଦମ୍ପତିଙ୍କ ଆତ୍ମହତ୍ୟାସନ୍ଦେହ,

ଓଡିଶା ଜନ ମତ, ବ୍ରହ୍ମପୁର,

କୈଳାଶ ଚନ୍ଦ୍ର ଚୌଧୁରୀ :--

ଗତ ଛ ମାସ ପୂର୍ବେ ପୁଅ ର ହାଇଦ୍ରାବାଦରେ ମୃତ୍ୟୁ ହୋଇଥିଲା, ଏବେ ବାପା ମାଆ | ଘଟଣାଟି ଘଟିଛି ଧରାକୋଟ ବ୍ଲକ ଗାଙ୍ଗପୁର ଥାନା ଅନ୍ତର୍ଗତ ଝାଡବନ୍ଧ ପଞ୍ଚାୟତ କଳାସୂତା ଗ୍ରାମରେ ଳ ଏକ ହୃଦୟ ବିଦାରକ ଦୃଶ୍ୟ | ଘରେ କେହି ନଥିବା ବେଳେ ବେକରେ ରଶି ଲଗେଇ ବୃଦ୍ଧ ଦମ୍ପତି ଆତ୍ମହତ୍ୟା କରିଥିବା ଜଣାପଡିଛି ।ଋଣ ଭାର ସହିନପାରି ବୃଦ୍ଧ ଦମ୍ପତି ଙ୍କ ଆତ୍ମହତ୍ୟା କରିଥିବା କୁହାଯାଉଛି l ମୃତ ଦମ୍ପତି ହେଲେ ୬୬ ବର୍ଷୀୟ ସିମାଞ୍ଚଳ ବିଷୋୟୀ ଓ ୬୧ ବର୍ଷୀୟ ନମିତା ବିଷୋୟୀ। ପ୍ରକାଶ ଥାଉକି ସିମାଞ୍ଚଳଙ୍କ ଚାରି ଝିଅ ଥିବା ବେଳେ ପ୍ରଥମ ପତ୍ନୀଙ୍କ ଦେହାନ୍ତ ହୋଇ ଥିଲା। ଏହାପରେ ସେ ନମିତାଙ୍କୁ ଦ୍ଵିତୀୟ ବିବାହ କରିଥିଲେ। ଦ୍ଵିତୀୟ ସ୍ତ୍ରୀଙ୍କର ଗୋଟିଏ ପୁଅ ଏବଂ ଗୋଟିଏ ଝିଅ ଥିଲା। ପୂର୍ବରୁ ଚାରି ଝିଅ ବିବାହ କରିସାରିଥିବା ବେଳେ ପୁଅ ହାଇଦ୍ରାବାଦରେ କାମ କରୁଥିଲା। କିନ୍ତୁ ଗତ ଛଅ ମାସ ତଳେ ପୁଅର ହୃଦଘାତରେ ହାଇଦ୍ରାବାଦରେ ମୃତ୍ୟୁ ହୋଇଥିଲା। ଏକମାତ୍ର ପୁଅର ମୃତ୍ୟୁ ପରେ ସିମାଞ୍ଚଳ ଏବଂ ନମିତା ଦୁଃଖରେ ଭାଙ୍ଗି ପଡ଼ିଥିଲେ। କିନ୍ତୁ ସାନ ଝିଅର ବିବାହ ହୋଇନଥିବାରୁ ତାର ବିବାହ କୁ ଅପେକ୍ଷା କରି ବୃଦ୍ଧ ଦମ୍ପତ୍ତି କିଛି ଚରମ ପଦକ୍ଷେପ ନେବେ ବୋଲି ଅପେକ୍ଷା କରି ରହିଥିଲେ। ଗତ ୨୧ ତାରିଖରେ ସାନ ଝିଅର ବାହାଘର ସିଙ୍ଗିପୁର ଗ୍ରାମରେ ହୋଇଥିଲା। ଗତକାଲି ସାନ ଝିଅର ମାଛ ଶାଗ କାର୍ଯ୍ୟକ୍ରମ ଥିବାରୁ ସମସ୍ତ ପରିବାର ତାଙ୍କ ଘରକୁ ଯାଇଥିଲେ ଓ ପରେ ସମସ୍ତେ ଯିଏ ଯାହା ଘରକୁ ଫେରି ଯାଇଥିଲେ। କିନ୍ତୁ ଦୁଇ ଝିଅ ନିଜ ଗାଁ ରେ ରହୁଥିଲେ।ସେଥି ମଧ୍ୟରୁ ଗୋଟିଏ ଝିଅ କୌଣସି କାମରେ ବାପା ଘରକୁ ଆସି ଦେଖିଲା ବେଳକୁ ପିତା ମାତା ଦୁହେଁ ପ୍ଲାଷ୍ଟିକ ଦଉଡ଼ିରେ ଉପର ଘରେ ଝୁଲନ୍ତା ଅବସ୍ଥାରେ ଦେଖି ଗାଁ ଲୋକଙ୍କୁ ଡାକି ଉଭୟଙ୍କୁ ତଳକୁ ଓହ୍ଲାଇ ପୋଲିସ କୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ଆସ୍କା ଡାକ୍ତରଖାନାରେ ବ୍ୟବଚ୍ଛେଦ ପାଇଁ ପଠାଇ ଦୁଇଟି ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରିବା ସହ ଶବ ବ୍ୟବଚ୍ଛେଦ ପରେ ଝିଅ ଜ୍ୱାଇଁ ଙ୍କୁ ହସ୍ତାନ୍ତର କରିଛନ୍ତି। ଏହି ଭଳି ଘଟଣା କୁ ନେଇ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି।