Odisha Janamata : ପୋଲିସ ଦେଖାଇଲା ମାନବିକତା \

ପୋଲିସ ଦେଖାଇଲା ମାନବିକତା \

15-May-2026

$ପୋଲିସ ଦେଖାଇଲା ମାନବିକତା \$

ପୁଲିସ ଦେଖାଇଲା ମାନବିକତା

ଅସୁସ୍ଥ ନାବାଳିକାକୁ କାନ୍ଧରେ ବୋହି ମେଡିକାଲ ନେଲେ ଥାନାଧିକାରିଣୀ

ଓଡିଶା ଜନ ମତ, ଯାଜପୁର ୧୫|୫,

ପ୍ରଦୀପ କୁମାର ମଲ୍ଲିକ: ----

ରାଜ୍ୟରେ ଅନେକ ସ୍ଥାନରେ ପୁଲିସର କାର୍ଯ୍ୟକଳାପକୁ ନେଇ ଏବେ ବିଭାଗ ସମାଲୋଚନାର ଶିକାର ହେଉଥିବା ବେଳେ ଯାଜପୁର ଜିଲ୍ଲା ବିଞ୍ଝାରପୁର ଥାନା ପୁଲିସର ଜଣେ ବରିଷ୍ଠ ଅଧିକାରିଣୀ ମାନବିକତା ଦେଖାଇ ଏବେ ଚର୍ଚ୍ଚା କୁ ଆସିଛନ୍ତି | ବିଞ୍ଝାରପୁର ଥାନା ଅତିରିକ୍ତ ଥାନା ଅଧିକାରିଣୀ ପାର୍ବତୀ ମଲ୍ଲିକ ଆଜି ମଧ୍ୟାହ୍ନ ସମୟରେ ଥାନାରେ ନିଜ କାର୍ଯ୍ୟରେ ଥିବା ବେଳେ ଖବର ପାଇଥିଲେ ଯେ ମଇଁନ୍ଦା ଅଞ୍ଚଳରେ ଜଣେ ନାବାଳିକା ଅଂଶୁଘାତର ଶିକାର ହୋଇ ଅଚେତ ଅବସ୍ଥାରେ ରାସ୍ତାରେ ପଡିଛି ବୋଲି | ବିଳମ୍ବ ନକରି ଆଇଆଇସି ପାର୍ବତୀ ମଲ୍ଲିକ ତୁରନ୍ତ ନିଜ ସ୍କୁଟି ସାହାଯ୍ୟରେ ଘଟଣା ସ୍ଥଳରେ ପହଁଚି ଥିଲେ | ଅଟୋରେ ନାବାଳିକାକୁ ଆଣି ନିଜେ କାନ୍ଦରେ ବୋହି ବିଞ୍ଝାରପୁର ମେଡିକାଲରେ ଭର୍ତ୍ତି କରି ଚିକିତ୍ସା କରାଇ ଥିଲେ | ନାବାଳିକା ଜଣଙ୍କ ଏବେ ସୁସ୍ଥ ଥିବା ଜଣାପଡିଛି | ନାବାଳିକାର ପରିବାରକୁ ଥାନା ଅଧିକାରିଣୀ ଖବର ଦେବା ପରେ ପରିବାର ମେଡ଼ିକାଲରେ ପହଁଚି ଥିଲେ | ନାବାଳିକା ଜଣଙ୍କ ତଳବନ୍ଦ ଅଞ୍ଚଳର ସନ୍ତୋଷ ସ୍ବାଇଁ ଙ୍କ ୧୭ ବର୍ଷିୟା ଝିଅ ସାଗରୀକା ପ୍ରିୟଦର୍ଶିନୀ ସ୍ୱାଇଁ ବୋଲି ଜଣାପଡିଛି | କୌଣସି କାର୍ଯ୍ୟରେ ପ୍ରିୟଦର୍ଶନୀ ସାଗରୀକା ମଇଁନ୍ଦା ଆସିଥିବା ବେଳେ ପ୍ରଚଣ୍ଡ ଖରାରେ ଅଂଶୁଘାତ ର ଶିକାର ହୋଇଥିଲେ | ଅତିରିକ୍ତ ଥାନା ଅଧିକାରିଣୀଙ୍କ ଏଭଳି ମାନବିକତାକୁ ବିଭିନ୍ନ ମହଲରୁ ଭୁରିଭୁରି ପ୍ରଶଂସା ମିଳୁଛି |