Odisha Janamata : ମେଧାବୀ ଛାତ୍ର, ଛାତ୍ରୀ ଙ୍କ ପାଠ ପଢ଼ାରେ ବାଧକ ସାଜିବନାହିଁ ଅର୍ଥ |

ମେଧାବୀ ଛାତ୍ର, ଛାତ୍ରୀ ଙ୍କ ପାଠ ପଢ଼ାରେ ବାଧକ ସାଜିବନାହିଁ ଅର୍ଥ |

15-May-2026

ମେଧାବୀ ଛାତ୍ରଙ୍କ ପାଠ ପଢ଼ାରେ ବାଧକ ସାଜିବ ନାହିଁ ଅର୍ଥ |

ଓଡିଶା ଜନ ମତ, ଯାଜପୁର, ୧୫|୫

ପ୍ରଦୀପ କୁମାର ମଲ୍ଲିକ:-----

ଦାରିଦ୍ର ସୀମାରେଖା ତଳେ ଥିବା ମେଧାବୀ ଛତ୍ର ଛାତ୍ରୀ ମାନେ ଅନେକ ସମୟରେ ଅର୍ଥ ଅଭାବରୁ ଅଧାରୁ ପାଠପଢା ଛାଡି ଦେଉଥିବା ଦେଖିବାକୁ ମିଳେ | ମାତ୍ର ଅଞ୍ଚଳର କୌଣସି ମେଧାବୀ ଛତ୍ର ଛାତ୍ରୀ ଙ୍କ ପାଠ ପଢା ପାଇଁ ଅର୍ଥ ବାଧକ ସାଜିବ ନାହିଁ | ସେମାନଙ୍କ ପାଠପଢା ପାଇଁ ମାଧବାନନ୍ଦ ଗୁରୁ ଚାରିଟେବୁଲ ଟ୍ରଷ୍ଟ ସର୍ବଦା ହାତ ବଢାଇବା ବୋଲି ଆଜି ବିଞ୍ଝାରପୁର ବ୍ଲକ ଅନ୍ତର୍ଗତ ଫତେପୁର ଠାରେ ଆୟୋଜିତ ସମ୍ବର୍ଦ୍ଧନା ସଭାରେ ଟ୍ରଷ୍ଟ ପକ୍ଷରୁ କୁହାଯାଇଛି | ଚଳିତ ବର୍ଷ ମ୍ୟାଟ୍ରିକ ପରୀକ୍ଷାରେ ଜିଲ୍ଲାରେ ସର୍ବାଧିକ ନମ୍ବର ରଖି ଟପର ହୋଇଥିବା ସତ୍ୟସାଇ ସରକାରୀ ଉଚ୍ଚ ବିଦ୍ୟାଳୟ ର ଛାତ୍ର ଶୁଭମ ସାହୁ ଙ୍କୁ ମାଧବାନନ୍ଦ ଗୁରୁ ଚାରିଟେବୁଲ ଟ୍ରଷ୍ଟ ଓ ବିଞ୍ଝାରପୁର ଟିଚର୍ସ କ୍ଳବ ପକ୍ଷରୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା | ଶୁଭମ ଙ୍କ ପିତାଙ୍କର ବିୟୋଗ ହୋଇଥିବା ବେଳେ ମା ବହୁ କଷ୍ଟ ରେ ଶୁଭମଙ୍କୁ ପାଠ ପଢାନ୍ତି | ଆଗକୁ ଶୁଭମଙ୍କ ପାଠ ପଢ଼ାରେ କିଭଳି ଅର୍ଥ ବାଧକ ନହେବ ତାକୁ ନେଇ ଟ୍ରଷ୍ଟ ଚିନ୍ତା ପ୍ରକଟ କରିବା ସହ ଏହି ମେଧାବୀ ଛାତ୍ର ଙ୍କୁ ୫ ହଜାର ଟଙ୍କାର ଚେକ ପ୍ରଦାନ କରିଥିଲେ , ଏବଂ ପ୍ରତି ମାସ ତାଙ୍କର ପଢା ଖଚ୍ଚ ବହନ କରିବା ନେଇ ଟ୍ରଷ୍ଟର ପରିଚାଳକ ଶିକ୍ଷାବିତ୍ ସଚିଦାନନ୍ଦା ଗୁରୁ ପ୍ରତିଶୃତି ପ୍ରଦାନ କରିଛନ୍ତି | ଏହି କାର୍ଯ୍ୟକ୍ରମ ରେ ସଚିଦାନନ୍ଦ ଗୁରୁଙ୍କ ସମେତ ବରିଷ୍ଠ ଶିକ୍ଷାବିତ୍ ଶ୍ରୀଧର ସାହୁ, ପଦ୍ମାକର ଗୁରୁ, ରବିନାରାୟଣ ସାମଲ, ଅଭୟ ଖୁଣ୍ଟିଆ, ପ୍ରମୋଦ ସାମଲ, ଅକ୍ଷୟ ସେଠୀ ପ୍ରମୁଖ ଯୋଗ ଦେଇଥିଲେ |