Odisha Janamata : ବିଂଝାରପୁର ରେ ମହିଳା ସଂରକ୍ଷଣ ଦାବିରେ ବେଜେପି ମହିଳା ମୋର୍ଚ୍ଚାର ଗର୍ଜନ ସମାବେଶ |

ବିଂଝାରପୁର ରେ ମହିଳା ସଂରକ୍ଷଣ ଦାବିରେ ବେଜେପି ମହିଳା ମୋର୍ଚ୍ଚାର ଗର୍ଜନ ସମାବେଶ |

16-May-2026

ବିଂଝାରପୁରରେ ମହିଳା ସଂରକ୍ଷଣ ପ୍ରସଙ୍ଗରେ ବିଜେପି ମହିଳା ମୋର୍ଚ୍ଚାର ଗର୍ଜନ,
ଓଡିଶା ଜନମତ , ଯାଜପୁର ୧୬|୦୫,

ପ୍ରଦୀପ କୁମାର ମଲ୍ଲିକ :----

ବିଂଝାରପୁର ମହିଳା ସଂରକ୍ଷଣ ଓ ମହିଳା ସଶକ୍ତିକରଣ ପ୍ରସଙ୍ଗକୁ ନେଇ ବିଂଝାରପୁରରେ ବିଜେପି ମହିଳା ମୋର୍ଚ୍ଚା ପକ୍ଷରୁ ଜୋରଦାର ବିକ୍ଷୋଭ ଓ ଶୋଭାଯାତ୍ରା ଅନୁଷ୍ଠିତ ହୋଇଛି। ଜରୀ ମହାଦେବ ଛକରୁ ବାଙ୍ଗରା ଛନ୍ଦାମୁଣ୍ଡ ଛକ ପର୍ଯ୍ୟନ୍ତ ଶତାଧିକ ମହିଳା ଓ ଛାତ୍ରୀଙ୍କ ସମ୍ମିଳନରେ ଏହି ଶୋଭାଯାତ୍ରା କରାଯାଇଥିଲା। ହାତରେ ପ୍ଲାକାର୍ଡ ଓ ଦଳୀୟ ପତାକା ଧରି ବିଭିନ୍ନ ସ୍ଲୋଗାନ ଦେଇ ମହିଳାମାନେ ବିରୋଧୀ ଦଳ ଏବଂ ଇଣ୍ଡି ମେଣ୍ଟକୁ ଟାର୍ଗେଟ କରିଥିଲେ।ବିକ୍ଷୋଭକାରୀମାନଙ୍କ ଅଭିଯୋଗ ଅନୁଯାୟୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଦେଶରେ ମହିଳା ସଶକ୍ତିକରଣ ପାଇଁ ବିଭିନ୍ନ ଜନହିତକାରୀ ଯୋଜନା କାର୍ଯ୍ୟକାରୀ ହେଉଥିବାବେଳେ ବିରୋଧୀ ଦଳ ମହିଳା ସଂରକ୍ଷଣ ପ୍ରସଙ୍ଗରେ ରାଜନୀତି କରୁଛନ୍ତି। ମହିଳାଙ୍କ ଅଧିକାର ଓ ସମ୍ମାନ ସୁରକ୍ଷା ପାଇଁ କେନ୍ଦ୍ର ସରକାର ସଦା ପ୍ରତିବଦ୍ଧ ବୋଲି ମୋର୍ଚ୍ଚା ପକ୍ଷରୁ କୁହାଯାଇଥିଲା।ବାଙ୍ଗରା ଛନ୍ଦାମୁଣ୍ଡ ଛକରେ ପହଞ୍ଚିବା ପରେ ମହିଳାମାନେ ଏକତ୍ରିତ ହୋଇ ବିକ୍ଷୋଭ ପ୍ରଦର୍ଶନ କରିଥିଲେ ଏବଂ ନାରୀ ସଶକ୍ତିକରଣ ସମ୍ପର୍କିତ ସ୍ଲୋଗାନରେ ସମଗ୍ର ପରିବେଶକୁ ମୁଖରିତ କରିଥିଲେ। ଏହି କାର୍ଯ୍ୟକ୍ରମରେ ରାଜ୍ୟ କାର୍ଯ୍ୟକାରିଣୀ ସଦସ୍ୟା ବବିତା ମଲ୍ଲିକ, ଜିଲ୍ଲା ମହିଳା ମୋର୍ଚ୍ଚା ସଭାପତି ଦିପ୍ତିମୟୀ କୁଅଁରଙ୍କ ସହ ବହୁ ସଂଖ୍ୟକ ମହିଳା କର୍ମୀ ଓ ଛାତ୍ରୀ ଯୋଗଦେଇଥିଲେ।