Odisha Janamata : ନିୟମ ଗିରିରେ 28 ଟିକିଆ ହାତୀପଲ ଆତଙ୍କ, ଗାଁ ଲୋକେ ଆତଙ୍କିତ |

ନିୟମ ଗିରିରେ 28 ଟିକିଆ ହାତୀପଲ ଆତଙ୍କ, ଗାଁ ଲୋକେ ଆତଙ୍କିତ |

19-May-2026

ନିୟମଗିରିରେ ୨୮ଟିକିଆ ହାତୀପଳ ଆତଙ୍କ, ଗାଁ ଲୋକ ଭୟଭୀତ,

ଓଡିଶା ଜନମତ ରାୟଗଡା,୧୯/୦୫,

କାମେଶ୍ୱର କରକରିଆ : ---

ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ନିୟମଗିରି ଅଞ୍ଚଳର ପାର୍ସାଲି, ସୁନାଖଣ୍ଡି ଓ କରପା ପଞ୍ଚାୟତ ଭଳି ପାହାଡିଆ ଅଞ୍ଚଳରେ ୨୮ଟିକିଆ ହାତୀପାଳ ଘୁରୁଥିବା ନେଇ ଅଞ୍ଚଳବାସୀଙ୍କ ମଧ୍ୟରେ ଭୟର ପରିବେଶ ସୃଷ୍ଟି ହୋଇଛି। ବର୍ତ୍ତମାନ ଆମ୍ବ, ପଣସ ଓ ଅନ୍ୟାନ୍ୟ ଫଳ ପାଚିଥିବାରୁ ଖାଦ୍ୟ ସନ୍ଧାନରେ ହାତୀମାନେ ଜଙ୍ଗଳରୁ ଗାଁମୁହାଁ ହେଉଥିବା ସୂଚନା ମିଳିଛି। ହାତୀପାଳ କେତେକ ସ୍ଥାନରେ ଘର ଭାଙ୍ଗି କ୍ଷତି କରୁଥିବା ବେଳେ ଅନ୍ୟ କେତେକ ସ୍ଥାନରେ ଗଛପତ୍ର ନଷ୍ଟ କରୁଥିବା ଦେଖିବାକୁ ମିଳୁଛି। ସୂଚନା ଅନୁଯାୟୀ, ଏହି ହାତୀପାଳ କଳାହାଣ୍ଡି ଅଞ୍ଚଳରୁ ରାୟଗଡା ଜିଲ୍ଲାର ପାର୍ସାଲି, ସୁନାଖଣ୍ଡି ଓ କରପା ଭଳି ପାହାଡ଼ ଘେରା ଅଞ୍ଚଳକୁ ଆସି ବର୍ତ୍ତମାନ ସୁନାଖଣ୍ଡି ପଞ୍ଚାୟତର ସରାଟି ଅଞ୍ଚଳରେ ଡେରା ପକାଇଥିବା ବନବିଭାଗ ପକ୍ଷରୁ କୁହାଯାଇଛି।
ଅଞ୍ଚଳବାସୀଙ୍କୁ ସଚେତନ କରାଯାଇଥିବା ବେଳେ ପାହାନ୍ତିଆ ଓ ସନ୍ଧ୍ୟା ୫ଟା ପରେ ଜଙ୍ଗଳକୁ ନଯିବାକୁ ବନବିଭାଗ ପକ୍ଷରୁ ପରାମର୍ଶ ଦିଆଯାଇଛି। ଗଜସାଥୀ ଟିମ୍‌ ମଧ୍ୟ ହାତୀପାଳର ଗତିବିଧି ଉପରେ ନଜର ରଖି ଆକଳନ କାର୍ଯ୍ୟ ଚାଲାଇଥିବା ଜଣାପଡ଼ିଛି।
ଏନେଇ ଫରେଷ୍ଟ ଭଗବାନ ସାରାକା ଓ ଗାର୍ଡ ଅନୁଷ୍କା ପଣ୍ଡାଙ୍କୁ ପଚାରିବାରୁ ସେ କହିଛନ୍ତି, ଆମେ ଲୋକଙ୍କୁ ସମସ୍ତ ପ୍ରକାର ସଚେତନ କରୁଛୁ। ଆମ୍ବ ଓ ପଣସ ସମୟ ହେତୁ ହାତୀପାଳ ଏହି ଅଞ୍ଚଳରେ ରହୁଛନ୍ତି।