Odisha Janamata : ସାପକାମୁଡ଼ାରେ ମୃତ ମହିଳା ଙ୍କ ଚକ୍ଷୁ ଦାନ କଲେ ପରିବାର ଲୋକେ |

ସାପକାମୁଡ଼ାରେ ମୃତ ମହିଳା ଙ୍କ ଚକ୍ଷୁ ଦାନ କଲେ ପରିବାର ଲୋକେ |

19-May-2026

ସାପ କାମୁଡାରେ ମହିଳାଙ୍କ ମୃତ୍ୟୁ, ଚକ୍ଷୁଦାନ କରି ଉଦାହରଣ ସୃଷ୍ଟି କଲେ ପରିବାର,
ଓଡ଼ିଶା ଜନମତ ରାୟଗଡା, ୧୯/୦୫,

କାମେଶ୍ୱର କରକରିଆ : ----

ସାପ କାମୁଡାରେ ଜଣେ ମହିଳାଙ୍କ ମୃତ୍ୟୁ ପରେ ତାଙ୍କ ପରିବାର ପକ୍ଷରୁ ଚକ୍ଷୁଦାନ କରାଯାଇ ଏକ ମାନବିକ ଉଦାହରଣ ସୃଷ୍ଟି ହୋଇଛି। ମୃତକ ହେଲେ ରାୟଗଡ଼ା ଜିଲ୍ଲା ଗୁମୁଡ଼ା ଅଞ୍ଚଳର ଜେ. ପଦ୍ମା। ସୂଚନା ଅନୁସାରେ, ଗତକାଲି ରାତିରେ ପଦ୍ମାଙ୍କୁ ସାପ କାମୁଡିଥିଲା। ପରିବାର ଲୋକେ ତୁରନ୍ତ ତାଙ୍କୁ ପଦ୍ମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କ ଅବସ୍ଥା ଗୁରୁତର ହେବାରୁ ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା। ହେଲେ ଆଜି ସକାଳ ପ୍ରାୟ ୮ଟା ସମୟରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା।ମୃତ୍ୟୁ ପରେ ପରିବାର ଲୋକେ ତାଙ୍କର ଦୁଇଟି ଚକ୍ଷୁ ଦାନ କରିବାକୁ ସମ୍ମତି ଦେଇଥିଲେ। ମୃତକଙ୍କ ସ୍ୱାମୀ ଜଣେ ଗରିବ ଚାଷୀ ହୋଇଥିଲେ ମଧ୍ୟ ସମାଜ ପାଇଁ ଏପରି ମହାନ କାର୍ଯ୍ୟ କରି ସମସ୍ତଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି। ଏହି ଘଟଣାକୁ ନେଇ ଅଞ୍ଚଳରେ ଚକ୍ଷୁଦାନ ପ୍ରତି ସଚେତନତା ଓ ମାନବିକତାର ଏକ ସୁନ୍ଦର ବାର୍ତ୍ତା ପ୍ରସାରିତ କରିଛନ୍ତି।