Odisha Janamata : ମାଟିକାମ ବେଳେ କାନ୍ଥ ଭୁଶୁଡି 17ଶ୍ରମିକ ଆହାତ 2ଜଣ ଗୁରୁତରଙ୍କୁମେଡିକାଲ କୁ ସ୍ଥାନାନ୍ତର |

ମାଟିକାମ ବେଳେ କାନ୍ଥ ଭୁଶୁଡି 17ଶ୍ରମିକ ଆହାତ 2ଜଣ ଗୁରୁତରଙ୍କୁମେଡିକାଲ କୁ ସ୍ଥାନାନ୍ତର |

19-May-2026

ମାଟି କାମ ବେଳେ କାନ୍ଥ ଭୁଶୁଡ଼ି ୧୭ ଶ୍ରମିକ ଆହତ, ଦୁଇ ଗୁରୁତର ରାୟଗଡା ସ୍ଥାନାନ୍ତରିତ,
ଓଡିଶା ଜନମତ ୧୯/୦୫,

କାମେଶ୍ୱର କରକରିଆ :-----

ରାୟଗଡା ଜିଲ୍ଲା କଲ୍ୟାଣସିଂହପୁର ଅଞ୍ଚଳରେ ଘର ନିର୍ମାଣ କାମ ସମୟରେ ଅଘଟଣ ଘଟି କାନ୍ଥ ଭୁଶୁଡ଼ି ପଡିବାରୁ ୧୭ ଜଣ ଶ୍ରମିକ ଆହତ ହୋଇଥିବା ଜଣାପଡିଛି। ଆହତମାନଙ୍କ ମଧ୍ୟରେ ୧୫ ଜଣ ମହିଳା ଓ ୨ ଜଣ ପୁରୁଷ ରହିଛନ୍ତି।ଏହି ଘଟଣା ସନ୍ଧ୍ୟା ୩ଟା ସମରେ କଲ୍ୟାଣସିଂହପୁରର ଗୋପି ଦୋକାନ ଘର ନିର୍ମାଣ କାମ ଚାଲିଥିବା ବେଳେ ଶ୍ରମିକମାନେ ମାଟି ବୋହୁଥିଲେ ଓ କାନ୍ଥଭାଙ୍ଗିଥିବା ଆହତ ଶ୍ରମିକମାନେ କହିଛନ୍ତି । ଏହି ସମୟରେ ହଠାତ୍ କାନ୍ଥ ସମ୍ପୂର୍ଣ୍ଣ ଭାବେ ଭାଙ୍ଗିପଡି ଶ୍ରମିକମାନଙ୍କ ଉପରେ ପଡିଥିଲା। ଫଳରେ ସମସ୍ତେ ଆହତ ହୋଇଥିଲେ। ଆହତମାନଙ୍କ ମଧ୍ୟରେ ଅଧିକ ଆଘାତ ଯମୁନା କଳାକା(୧୬) ଓ କୁମାରୀ କଂଜାକା(୧୫) ନାବାଳିକା କୁ ହୋଇଥିବା ଜଣାପଡିଛି। ସମସ୍ତଙ୍କୁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ପ୍ରାଥମିକ ଚିକିତ୍ସା ପରେ ଲକ୍ଷ୍ମୀ ପିଡିଷିକା(୪୫) ଓ ଦାଇମା ହୁଇକା(୫୫)ଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ଉକ୍ତ ଦୃଘଟଣା ରେ ଆଘାତ ହୋଇଥିବା ମହିଳା ଶ୍ରମିକ ମାନଙ୍କ ଚିକିତ୍ସା ଡାକ୍ତର ପ୍ରମଦ କୁମାର ମିଶ୍ର କରିଥିଲେ। ଏହାଛଡ଼ା ମାଣିକ କଂଜାକା, ଲକ୍ଷ୍ମୀ କୁଲେସିକା, ଜାଗା ହିକକା ଙ୍କ ସହ ଅନ୍ୟ ଆହତମାନେ ଚିକିତ୍ସାଧୀନ ଅବସ୍ଥାରେ ରହିଛନ୍ତି।
ଘଟଣା ସମ୍ପର୍କରେ ଘର ମାଲିକର କୌଣସି ପ୍ରତିକ୍ରିୟା ମିଳିନାହିଁ।