Breaking
News
Breaking
News
Breaking
News
21-May-2026
ଉଚ୍ଚ ମାଧ୍ୟମିକ ଶିକ୍ଷା ପରିଷଦ (ସିଏଚ୍ଏସ୍ଇ) ଦ୍ୱାରା ପରିଚାଳିତ ଦ୍ବାଦଶ ଶ୍ରେଣୀ (ଯୁକ୍ତ୨) ଚଳିତ ବର୍ଷ ପରୀକ୍ଷାରେ ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବ୍ଲକ ଅଞ୍ଚଳର ଛାତ୍ର ଶୁଭମ୍ ବାଡତ୍ୟା 575 ମାର୍କ ରଖି ବ୍ଲକ, ତାରା ତାରିଣୀ କଲେଜ ଓ ପାଢ଼ୀ ବିଜ୍ଞାନ ଶିକ୍ଷାକେନ୍ଦ୍ରର ଟପର ହୋଇଛନ୍ତି। ପୁରୁଷୋତ୍ତମପୁର ସ୍ଥିତ ତାରା ତାରିଣୀ କଲେଜ ସହ ଅଞ୍ଚଳରେ ପୂର୍ବ ବର୍ଷ ମାନଙ୍କର ରେକର୍ଡ କୁ ଭାଙ୍ଗି ଏକ ନୂଆ ରେକର୍ଡ ସୃଷ୍ଟି କରିଛନ୍ତି । ପୁରୁଷୋତ୍ତମପୁର ସ୍ଥିତ ତାରା ତାରିଣୀ ହାୟର ସେକେଣ୍ଡାରି ସ୍କୁଲ ଓ ପାଢ଼ୀ ବିଜ୍ଞାନ ଶିକ୍ଷାକେନ୍ଦ୍ର ଛାତ୍ର ଶୁଭମ୍ ବାଡତ୍ୟା ଇଂରାଜି ରେ 87, ସାହିତ୍ୟ (ଓଡ଼ିଆ)ରେ 99, ପଦାର୍ଥ ବିଜ୍ଞାନ ରେ 99 ,ରସାୟନ ବିଜ୍ଞାନରେ 100, ଗଣତିରେ 92 ଏବଂ ଜୀବବିଜ୍ଞାନରେ ୯୮ ନମ୍ବର ଆଣିଛନ୍ତି। ଶୁଭମ୍ ଙ୍କ ସଫଳତାରେ ପାଢ଼ୀ ବିଜ୍ଞାନ ଶିକ୍ଷାକେନ୍ଦ୍ର ର ଗୁରୁଜୀ,ଗୁରୁମା,ତାରା ତାରିଣୀ କଲେଜ ର ଗୁରୁଜୀ ଓ ଗୁରୁମା, ଜନ୍ମମାଟିର ଲୋକେ ,ସହପାଠୀ ଏବଂ ଶୁଭେଚ୍ଛୁମାନେ ଅଭିନନ୍ଦନ ଜଣାଇଛନ୍ତି। ଚଢ଼େୟାପଲ୍ଲୀ ଗ୍ରାମପଞ୍ଚାୟତର ହିଣ୍ଡଳପଲ୍ଲୀ ଗ୍ରାମର ଟୁନା ବାଡତ୍ୟା ଏବଂ ଲିଲି ବାଡ଼ତ୍ୟା ଙ୍କ ତୃତୀୟ ପୁତ୍ର ଶୁଭମ୍ ପରୀକ୍ଷା ଫଳ ନେଇ ସନ୍ତୁଷ୍ଟ ପ୍ରକାଶ କରିଛନ୍ତି। ଏଥି ସହିତ ସେ କହିଛନ୍ତି, ମୋର ପରିଶ୍ରମର ଫଳ ପାଇଛି। ଯୁକ୍ତ ୨ରେ ଆସିଥିବା ରେଜଲ୍ଟ ପାଇଁ ବାପା-ମା, ପାଢ଼ୀ ଶିକ୍ଷାନୁଷ୍ଠାନ ର ଶିକ୍ଷକ-ଶିକ୍ଷୟିତ୍ରୀ ପାଠପଢା ଶୈଳୀ ,ତାରା ତାରିଣୀ କଲେଜ ଅଧକ୍ଷ ପ୍ରଦୀପ କୁମାର ସାହୁ,ସହ ଅନ୍ୟ ସମସ୍ତ ଶିକ୍ଷକ- ଶିକ୍ଷୟିତ୍ରୀ ଏବଂ ମୋର ଶୁଭେଚ୍ଛୁଙ୍କ ଆଶୀର୍ବାଦ ଏବଂ ଭଲପାଇବା ପାଇଁ ସମ୍ଭବ ହୋଇପାରିଛି। ଏଥି ପାଇଁ ସେମାନଙ୍କୁ ଧନ୍ୟବାଦ ଜଣାଇଛନ୍ତି।
Copyright @ 2024 All rights reserved. ଓଡିଶା ଜନମତ
BACK TO TOP